Itu nan UDANG BINGKARAK JANGGGUIK JOLANG ndak, Sanak Jepe? Dek bacarito soal udang-maudang ko, takana dek ambo wakatu ketek karajo manajua udang nasi di Batang Mangau nan aianyo janiah bak mato kuciang, Sanak Jepe. Tanjua udang ko babuek dari lidih, di ujuang lidih tu dikabek'an tanjua dari banang salisiah. Sudah tu dicucuak caciang tanah jo lidih ka umpan. Caciang ko dilatak'an di dalam aia, dakek2 batu tampek udang maandok. Lambek2 kalua udang2 ko dari tampek maandoknyo mandakek ka caciang ko. Sudah tu asyik nyo gatuih2 caciang di lidih ko. Bakarumun udang tu di caciang tu. Pado saat itulah tanjua dimainkan: dimasuak'an tanjua ka mato udang ko. Mato awak didakek'an bana ka permukaan aia nan janiah co camin taruih tu. Piliah sikua sajo dulu. Sanak kan lah tau bahaso mato udang ko batangkai mah (makonyo kalau urang bajago dek baampok main koa, merah matonyo, kalua kecek dari kawan: Baa ko lah batangkai co mato udang mato ang dek batanggang?). Tanjua nan lah masuak ka tangkai mato udang ko dipilin lambek2. Saba...lambek2, kalau indak udang takulenjek e, lari abih resek panja co kabau tagua di aguang. Akhirnyo mato udang ko takabek/tarajuik, lalu diangkek. Dapeklah udah nasi nan sabana barasiah, lambuik dagiangnyo. Sudah tu hal nan samo diulangi baliak: dipiliah udang nan lain. Lamo lambek e dapek udang nasi gadang2 sapaatuaan. Dibao pulang, digulai dek gaek jo lado padi tambah daun paku mudo. Mananjua udang ko sangaik malatiah kesabaran bana, Sanak Jepe. Kalau indak saba dan hati2, udang nan lah asyik makan caciang tadi takajuik, basisuruik baliak ka bawah batu. Buluih awak. Ambo kiro metode mananjua udang ko bisa dikomersilkan mah, Sanaj Jepe: metode untuak melatih kesabaran. Di negara awak ko kini KESABARAN ko makin kurang, makin aus. Urang2 tergesa2 sado e, tapi tagesa2 indak maharagoi urang lain co di negera urang ten ha, banyak nan mambulalang2 sajo, indak saba, budaya antri makin jauah. Lieklah dima sajo: di pasa, ka naiak kapa tabang, ka naiak bus umum, manunggu di rumah sakik, baurusan di kantua2, dll. Badugo nak daulu sae. Nan bapangkek jo bakuaso, nyo lendo sajo rakyaik badarai banyak ko. Dek sabab itu, mungkin laku kalau ado jasa konsultasi melatih kesabaran, sarupo jasa2 nan lain bantuak ESQ, dll. tu. Bukaklah jasa konsultasi ko, Sanak Jepe. Iklankan di Kompas: JASA KONSULTASI MELATIH KESABARAN DALAM RANGKA MENINGKATKAN DISIPLIN BERNEGARA DENGAN MEMAKAI METODE MANANJUA UDANG. Kok dapek calon2 politikus tertarik lo ikuik konsultasi ko, Sanak Jepe, supayo kalau lah duduak di kurisi 2ampuak tu nantik lai jadi saba, indak badugo2 bagaduru mangumpuaan kepeng jo jalan pintas main sipak tekong suok kida. Wassalam, Suryadi
________________________________ Dari: "[email protected]" <[email protected]> Kepada: rantaunet rantaunet <[email protected]> Dikirim: Kamis, 4 Juli 2013 11:57 Judul: Re: [R@ntau-Net] Re ; Mamapeh baluik Hehehe labiah Maknyus dari jus pinang mudo jo talua itiak ko nan ndak nahan Pak TR Yo ado tu lobster bakau, batua bana pacakak udang/lobster ko..memang bantuaknyo perpaduan antaro Udang nan gadang ko lobster ..bagian balakang maleba/bakipeh ikuanyo..kapalo labiah ka bantuak udang tapi bedanyo sapik nan duo tu gadang pulo..iko andalannyo bacakak rami2 kalau sa rumah hahahaha Mode cakaknyo asyik pulo awak manonton..indak maju terus bapupuah habih...tapi kadang mundur takajuik manggalatiak ka balakang lu diam santa lalu sarang baliak :-) Co itu kan Pak ? Wass-Jepe Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
