Pak ZD Sanang mambaco carito dan pengalamannyo dalam mamapeh, mungkin dek awak lai sagalombang, sabiduak, sapompong bagai..carito bantuak iko antene ambo tagak tali bana jauh dari manakua :-)
Kalau mamapeh baluik nan "menggairahkan" yo dikampuang bagi ambo, ya karano habitat baluik tu disawah2, pematang sawah dan rawa2/lunau batanah liek di daerah darek ranah minang. Teknik mamancingnyo yo pas bana sarupo nan Pak ZD caritokan, jujuik kalua dari lubang dengan sedikit tahanan ko nan ndak tahan candunyo..mungkin disiko "passion" nyo :-) Ibaraiknyo baluik bisa wak bali di pokan2 kampuang, tapi nan manjujuik baluik kalua lubang ko bana nan indak ado dijua panggaleh di pokan-pokan/balai2 di kampuang :-).. Waktu ambo ketek2 pulang kampuang dulu..dimano sanak sudaro saniniak ambo nan sebaya atau diateh snek dari ambo masih banyak tingga dikampuang, jadi musim kasawah acok kami mamapeh baluik ko, kok lai barasaki agak banyak, yo bisa kadibuek samba dek Mak Tuo ambo, nan ndak asiang lai "Randang Baluik" antah bara putaran masalah randang baluik ko di caritokan dan dibahas sedetail2 di palanta RN, ambo jo para sanak yang punya ketertarikan di bidang/ seni kuliner ranah minang.... Lalu pengalaman Pak ZD di Gorontalo lai idem dito pulo jo pengalaman ambo di Kepulauan Sipora mentawai tapi yo babeda caro mandapekan baluik tu, kalo istilahnyo "pai mancatuak malam hari" Awalnyo ambo mambaok crew survey ka hutan dan mandah (flying camp), salah satu crew survey ambo menawari sabalun mandah "Beli potas kito pak, mamotas ikan panjang (moa), udang,ikan awak di sungai2 ketek di dalam hutan " keceknyo Yo protes berat ambo, intinya ambo tulak kareh sambia mangecek ado caro lain nan labiah ramah lingkungan dan indak meracuni sungai nan mabuek sado ikan-ikanan sungai mulai nan baru lahia sampai nan gadang mati ..yang akan memutus mata rantai makanan sebuah ekosistim dan siklus energi ? Salah satu staf ambo nan tageh lah hapa saluak beluk hutan sipora namonyo Nurhadi (masih suko kontak jo ambo..bacarito2 via hape sampai kini. "Haaa mancatuak malam hari kito pak Jepe disungai pas mandah" keceknyo Ambo lah tahu baa mancatuak mancari ikan-ikanan ko, modal atau alat2nyo, ladiang, tangguak, senter gadang (8 batu) atau petromak (bahaso minangnyo lampu strongkeng :-) Jadi malam hari lapeh maghrib, kami lah siap2 dari tenda mandah pai kasungai jo peralatan tu, tibo disungai (anak sungai) samato kaki di tapi-tapi nan babatu dan basamak kami telusuri menyosong arus, kalo lah kanai cahayo senter atau seterongkeng ikan panjang (moa) , udang sungai sagadang ampu jari (kasa-kasa) yo kalua dan tadiam sajo, tingga kalihaian awak mancatuak jo ladiang. Nan udang kasa2 yo kompong2 kapalonyo kanai catuak, lalu bia ndak hanyuik, tingga di sorong jo tangguak, baitu juo ikan panjang barek2 1 kg-2 kg-an, kalo ikan2 sungai yo agak lia dicatuak biaso basorongkan tangkuak ka sawuang2 atau lubang2 diantaro samak atau bebatuan pas disenter. Hasilnyo yo ndak bagarah pulo dibaok ka tenda kami mandah, saembe panuh pulo jo udang, ikan panjang dan ikan2 basisiak khas anak sungai. Tibo di tenda, nan udang kami buek parancah2 masak mie isntan, nan sakiro labiah padek isi dagiang udangnyo dibandiangkan mie instannyo...sapueh2nyo lah :-) Lalu ikan panjang, basiangkan sajo dulu, baasam kapeh dan garam, bisuak pagi buek samba (digoreng) untuak makan pagi sekaligus bontot(bekal/nasi bungkuih) buek pai survey ka makan siang... Menyenangkan sekali dunia survey dengan mandah di hutan ko bagi ambo paliang lamo saminggu sajo, bisa sakandak hati ambo sajo ditenda mandah tu..indak paralu kepeang lai do salamo saminggu tu :-)..kok ado kepeang aa juo ka dibali..maa ado es tebak,es tabu bagai, lotek, katupek gulai tunjang topping sala lauak bagai di dalam hutan tu :-) Nah ditenda tu ..bisa bakreasi masak memasak sasuai jo bahan nan dibaok plus hasil tangkapan mancatuak iko, ambo sendiri walau dihutan cukuik rewel dalam masalah cita rasa apo nan ka dimakan, harus enak, berselera..jaan dimasak asa jadi sajo, dengan bahan bumbu nan tahan lamo dibaok..manggulai sajo nan indak, tapi kalo tumis2an jo kuahnyo aia..iko harus nendang rasonyo jo udang tu..bisa jadi ado pakis2/paku dapek pas survey dakek tapi2 anak sungai..dibuek tumis paku balado (lado giliang nan dibaok) rancah samo Udang..kan sabana manyipak (baca : nendang euyyy) Itu dulu episode mamapeh dari ambo salam -Jepe Powered by Telkomsel BlackBerry® -----Original Message----- From: Zaid Dunil <[email protected]> Sender: [email protected] Date: Wed, 3 Jul 2013 10:28:38 To: <[email protected]> Reply-To: [email protected] Subject: [R@ntau-Net] Re ; Mamapeh baluik Assalamualaikum ww Sanak sapalanta n a h tautamo penggemar mamapeh Re : mamapeh baluik Sajak ketek katiko masih Sakolah Rakyat klas 5 sekitar tahun 1955, ambo hobby bana mamapeh baluik . Wakatu itu masih tingga di Alang Laweh Padang. Indak jauh dari rumah ambo ado sungai mangalir , aia nyo kuniang dan tapi sungai itu banyah atau becek.Di tapi tapi sungai nan becek tu banyak bana lubang baluik. Di sungai nyo bana, banyak lo ikan puyu jo ikan bakok (gabus, rutiang). Walau acok mamapeh ikan puyu jo bakok, tapi ambo labiah sanang mamapeh baluik. Ado raso nan babeda mamapeh baluik jo mamapeh ikan. Mamapeh baluik ko awak labiah ‘exiting ‘rasonyo. Tali papehnyo cukuik nilon sapanjang 50 cm. Ujung tali dipasang mato kaia dan ujuang ciek lai di kabek an ka sakarek kayu untuk pegangan. Sehinggo katiko maelo papeh nan dimakan baluik tu mantap mamacik nyo. Umpannyo caciang nan mudah dicari di sapanjang tapi sungai tu. Sasudah umpan dipasang , dicarilah lubang baluik nan banyak bana di sepanjang tapi sungai nan lanyah tu . Umpan dimasuak an kalubang baluik tu, dan awak mancapak capak lu saketek cuuc cuuc cuuc … indak lamo manunggu doh kok ado baluiknyo umpan tu pasti disembanyo. Didiamkan sabanta, lalu dielo lambek lambek, kalau la taraso kareh , baru dielo kancang. Mako baluik tu langsuang tacabuik dari lubangnya dan manggalepa manggaleong di papeh awak tu. Iyo sanang dan sero rasonyo . Malapehkan papeh dari muncuang baluik tu indak lo gampang do. Wakatu itu ambo takuik takuik barani lo mamacik baluik tu. Jadi tapaso baluik tu diampeh an dulu ka tanah , baru mato papeh bisa dilapeh an. Sakali mamapeh baluik tu bisa dapek sapuluah sampai limo baleh ikua dalam wakatu satu jam. Cuma ambo indak suko masakan baluik , sahinggo kawan nan samo mamancinag jo ambo nan barajaki. Wakatu dinas di Gorontalo, tanyoto ado lo kawan nan suko mancari baluik . Disitu namonyo sugili, beda jo baluik di awak. Ditampek awak baluik tu hanyo sagadang ampu kaki, panjangnyo 30 sampai 50 cm, warnonyo kuniang ka coklatan. Sugili ko sampai sagadang batih, warnonyo hitam , dek badannyo kasa nampaknyo labiah pendek, panjangnyo sekitar 30 sampai 4o cm sajo. Wakatu diajak kawan tu mancari sugili ko ka pedalaman kabupaten Gorontalo, di sungai sungai ketek dakek hutan hutan disitu. Ambo batanyo; ‘apa umpamnya’? ?. Nyo jawek dek kawan tu , “gak pakai umpan pak , pakai obat dan pakai tombak trisula”. Ambo indak talalu mangarati , jadi ambo ikuik an sajo. Suguli ko iyo basarang di tapi tapi sungai pulo, lubangnya iyo gadang kiro kiro sagandang galeh. Jadi lubang tu diagiah nyo ‘ubek’ putiah sagadang sabutir jaguang, sudah tu nyo basiap jo tombak bacagak tigo dari kawek basi nan tajam. Indak lamo sasudah itu iyo kalua sugili ko sarupo kasetanan dek mabuak kanai ubek tu, barulah nyo hunja jo tombak trisula tu. Saikua sugili tu bareknyo kiro kiro antaro 8 ons jo sakilo. Iyo gadang, indak talawan dek baluik awak soal gadangnyo doh. Tarnyato nan dimukasuik kawan tu ‘obat’ adolah Potas, nan indak bulieh digunokan karano bisa menyebabkan pencemaran dan mematikan biota lain yang bisa marusak lingkungan. Walaupun baburu sugili tu mengasyikkan tapi cuma sakali tu hanyo ambo ikuik mancari sugili jo kawan tu, sudah itu labiah banyak mamapeh ka dermaga di Pelabuhan di Gorontalo sesudah maghrib, mamapeh aso aso jo babara. Wassalam, Dunil Zaid , 70, Kampuang Ujuang Pandan Parak Karambia, Padang. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
