Assalamualaikum WW Kalau lai buliah manyalo ambo saketek, satantangan nan diangkek dek Hanifah dan Bundo Nismah bahaso dikampuang baliau baduoko lai bajalan ABSSBK tu dikampuang baliau. Ado tapino, tapi itu kan dulu, kalau kiniko baalah ko goah? Paralu pulo dipatanyokan. Sudahtu kaduo, paralupulo dipatanyokan, apo disitu iyo alah jaleh bana bajalan manuruik garih kamakan paek. Mukasuik ambo apo iyo bajalan manuruik nan saharusno. Jadi itu kan harus ado standard untuak maujino.
Dek ABSSBK iko dari dulu indak ado nan tatulih doh, tapi adonyo di slogan2 dan carito dari muluik ka muluik sajo, sahinggo iyo bana sarik mangatahui apo bana itu nan banamo ABSSBKko, dek indak ado nan tatulih. Sahinggo tajadilah disitu multi tafsir. Dalam diskusi resmi sajo ado seorang nan dianggap ahli nan masih mangecekan adat adolah sederajat jo ugamo Islam, saliang maisi. Disiko alah ado saketek pambelok-an dari isi sasungguah no manuruik pandapak nan lain. Malah agak manyimpang dari inti dari ABSSBKko. Dek itu, manuruik pandapek ambo iyo paralu bana dibuekan kompilisino, sahinggo jaleh tatulih dan dapek jadi pegangan bagi nan alun jaleh, dan jadi pegang pulo dek nan sadang mamapalajarino. Jadi rujukan bagi pengajar dan bagi rujukan bagi nan diajar, jadi disiko akan nampak garih ka makan paek tadi. Dan paralu diingek, kompilasi ABSSBKko kan indak sebagai kitab suci gai doh, jadi bisa sajo diadokan perubahan apobilo indak cocok jo nan diinginkan dek masyarakat nan mamakaino. Tapi perubahan itu harus melalui perundiangan basamo pulo, sahingo dapek pulo jadi pegangan basamo pulo nantino. Kudian untuak dapek pulo jadi pertimbangan, jiko tajadi perbedaan disuatu atau babarapo nagari, mako nagari nantun bisa sajo nanti mambuek tatulih pulo perbedaan itu jo kato sapakat diantaro komponen dalam nagari tu, sahinggon dapek pulo jaleh dima perbedaanno dan dapek dipacik dek anak nagari, dan indak manjadikan anak nagari tu dalam kebingguangan. Binguang ka nan nama nan bana dan nan nama nan salah. Jadi pakdapek ambo, iyo paralu bana dibuek kompilasiko walau dalam keterbatasan, kan nantik dapek disempurnakan dan dimufakati pulo perubahan itu. Mungkin nan paralu disisipkan satu pasal penutup nan manyatokan bahaso kompilasiko bisa dirubah jo tatacara perubahanno sakalian. Mohon maaf ambo jikok ado kato nan indak talatak pado tompaikno. Wassalam WW Darul M (54+ Jkt) -- Thanks & Best Regards Darul M http://darulmakmur.wordpress.com --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
