Assalamu'alaikum,wr,wb. Masalah kopi darek ko manuruik ambo memang paralu, apo lai kito nan tagabuang di RN ko nan sudah sakian tahun bagau di dunia maya nan kadang antaro sesamo kito alaun pernah bakatahuan baa bantuak muko kito masiang2. Pernah ambo basobok jo anggota RN nan alah lamo bacarito ingkin kamai, tapi basobok mukonyo di Padang Arafah. Alangkah nikmatnyo silaturahmi nan tabantuak tu. Beliau adolah Mak Sati.
Minggu kalamari, ambo sempat kopi darek jo Prof. Perry Burhan basarato urang rumah dan anak semato wayangnyo di dangau beliau di perumahan ITS Surabaya. Ambo nan alah mangakeh samanjak saminggu nan lalu di pabirik aspal dan pengolahan Oli Pertamina Gresik, alah sempat bajanji minggu nan lalu untuak basobok. Dek karano karajo sadang tangguang, tapaso minggu lalu tu indak jadi basuo. Minggu kalamari ko alah sempat pulo di karang janji jo Ronald nan sadang batugeh pulo di Malang, tapi dek karano beliau sibuak bana mako ambo surang sajo nan kopi darek jo pak Prof. Ambo dari Gresik naiak oto kawan ka pasa Turi, di pasa turi tu ruponyo Prof jo rang rumahnyo alah lamo manunggu ambo, sebabnyo dek kawan ambo ko sempat sasek jalan di kota gresik sahingo lamo baru kalua ka tol gresik - surabaya. Jolong basuoa, iyo bana sanang hati ambo, ambo disambuik pak prof dengan ceria dan dikenalkannyo ambo jo rang rumahnyo nan manunggu diotonyo. Dari situ ambo dibao kaliliang kota surabaya dan taruih mancalikak proyek jembatan Suramadu. Dari situ lalu pulang ka dangau beliau di Komplek ITS, sudah mugarik ambo di bao mancaliak rumah gadang Gebu Minang Jatim, nan sabalunnyo ambo dapek talipon dari dunsanak Firdaus HB nan sadang di jakarta untuak mancaliak-caliak rumah gadang tu. Dek karano pak Prof marupokan salah seorang pengurus, ambo dibao mancaliak sampai ka bulakang rumah gadang nan ado mushalahnyo tu. Memang rancak dan cukuik gadang rumah gadang tu Saluik kami ka Gebu Minang Jatim nan alah bisa mewujudkan sabuah rumah gadang di rantau. Sadangkan kami di Palembang hanyo punyo rumah gadang nan ketek Sasudah itu ambo di bao dek pak prof jo rang rumahnyo makan ka rumah makan ikan baka, kami makan sakanyangnyo, sasudah itu pak prof jo rang rumahnyo maantakan ambo baliak ka kota Gresik. Untuak itu, kapado pak Prof Perry Burhan jo rang rumahnyo nan sangaik ramah nan kami selalu berbahaso minang, saraso kami sadang barado di kota padang, ambo pribadi maucapkan tarimo kasih ateh pelayanan dan panarimoannyo, semoga amal baiaknyo mandapek ganjaran pahalo nan setimpal. Ambo harokkan bilo2 Pak Prof jo kaluarga dapek tugeh ka Palembang atau singgah lalu pulang kampuang maliwati palembang, ambo mintak untuak dapek pulo singgah ka dangau ambo. Baitu pulo bagi warga RN nan lain, kalau sadang ka Palembang tolong kontek2 kami. Tarimo kasih RN nan alah manyatukan kito. Wassalam, HM Dt.Marah Bangso (51+) > Mananggapi postingan Mak Sati, Ajo Duta da uda Riri, perihal kopi darek di > padang jo warga RN nan ka Pulang basamo, > > iko marupoan hal yang sangat baik sekalai, nan manuruik ambo...wajib > rasonyo > awak nan di padang untuk mangadoan untuk basilaturahmi, masalah tampek > ambo > raso awak atur kamudian, nan paralu bana kini adolah kepastian dari kito > basamo kapan acara ko dan kiro2 bara urang nan hadir nantinyo. > > sagitu dulu dariambo.....kok ado takana kudian...ambo reply baliak email > ko.. > > banyak maaf... > > Yuhefizar a.K.a Ephi Lintau > www.ephi.web.id > > > --------------- > > Ma sagalo adidunsanak jo anak kamanakan nan di Padang, > > > > Assalamu'alaikum wr. wb. > > > > Dari posting Ajo Duta di bawah, nampaknyo lah bulek aia ka pambuluah dek > adidunsanak jo anak kamanakan nan di rantau untuak jadi pulang basamo. > Pastilah baliau2 ko malalui kota Padang, paliang kurang duo kali, baru > tibo > dan ka barangkek baliak ka rantau masiang2. > > > > Baa di awak nan badomisili di kota Padang? Indak taragak nak basuo batatap > muko, basilaturahmi, jo adidunsanak jo anak kamanakan nan di rantau ko? > Rasonyo, dek komunitas RN di Padang ado baduo batigo, kok kito cubo pulo > mambulekan aia ka pambuluah, mausulkan ka baliau2 nan pulang ko, > mancarikan > hari nan elok kutiko nan baiak untuak basilaturahmi di satu tampek nan > kito > mupakaiki basamo. Rasonyo kini alun talambek bana lai doh, kalau memang > jadual baliau2 tu tibo di Padang dalam bulan Juni. > > > > Baa tu Ephi, dr. Arina, Buya HMA, dan babarapo urang nan sdg mamacik di > pamarentahan kota Padang dan Prop. Sumbar? > > Mudah2an gayuang ambo ko lai basambuik, kato ambo ko lai bajawek. > > Ambo nantian. > > > > mak Sati (L. 71+1+9) > > Tabiang > > ----- Original Message ----- > *From:* ajo duta <[EMAIL PROTECTED]> > *To:* [email protected] > *Sent:* Friday, April 11, 2008 5:14 AM > *Subject:* [EMAIL PROTECTED] Re: : Kopi Darek > > Alaikumsalam sanak. > > Kalau ka kopi darek, saran ambo sarancaknyo caro potluck > kato urang siko. Artinya awak masing2 mambao. Apo lai > iko datang karumah urang gaek awak. Jan pulolah disuruah > liau heboh masak sagalo macam. Biasonyo kalau kami dirantau > jauahko, tuan rumah menyiapkan nasi jo minuman. Lauak pauak > dibao oleh tamu. Dek awak lai bainternet, elok sabuikkan a nan > awak bao. Baa dek kanda Nizmah tu? > > Kalaulah bisa anciklu, dibulan Juni se baanyeh. kebetulan > ambo ado di Betawi. > > Wassalam > ajoduta/61/usa > > > > > > -- > [ Yuhefizar a.k.a Ephi Lintau }} > www.ephi.web.id | http://blog.ephi.web.id > > > > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
