Mamanda Mulyadi dan Prof. Ambo iyo agak sadiah dek indak bisa sato kopi darek di surabaya patang tu, padahal ambo nio bana mah terutama basobok jo Prof Perry Burhan nan alah ambo kenal sejak tahun 2003 tapi alun sempat juo basobok do :-)
Ambo sempat kontak via telp dengan Mak Datuak nan tampaknyo beliau sedang asyik baputa sabalik indonesia yo he he he. Tapi iyo alun beruntung nampaknyo ambo mendapatkan pituah dari Prof dan Mak Datuak dek ambo takuruang di kota malang kerano indak tau jalan ha ha ha ha. Tadi nyo ambo niat membuat surprise untuk kakanda ambo 'Firdaus HB' nan lagi sibuk mauruih kantua nyo di Surabaya tapi apo nio dikato "Ambo tabang ke Surabaya beliau tabang ke jakarta di hari nan samo". IYo lah bana sero badunsanak di RN ko ka pai kama sei ado dunsanak awak disinan. Salam Hormat Ronal Chandra Minggu kalamari ko alah sempat pulo di karang janji jo Ronald nan sadang batugeh pulo di Malang, tapi dek karano beliau sibuak bana mako ambo surang sajo nan kopi darek jo pak Prof. Ambo dari Gresik naiak oto kawan ka pasa Turi, di pasa turi tu ruponyo Prof jo rang rumahnyo alah lamo manunggu ambo, sebabnyo dek kawan ambo ko sempat sasek jalan di kota gresik sahingo lamo baru kalua ka tol gresik - surabaya. Jolong basuoa, iyo bana sanang hati ambo, ambo disambuik pak prof dengan ceria dan dikenalkannyo ambo jo rang rumahnyo nan manunggu diotonyo. Dari situ ambo dibao kaliliang kota surabaya dan taruih mancalikak proyek jembatan Suramadu. Dari situ lalu pulang ka dangau beliau di Komplek ITS, sudah mugarik ambo di bao mancaliak rumah gadang Gebu Minang Jatim, nan sabalunnyo ambo dapek talipon dari dunsanak Firdaus HB nan sadang di jakarta untuak mancaliak-caliak rumah gadang tu. Dek karano pak Prof marupokan salah seorang pengurus, ambo dibao mancaliak sampai ka bulakang rumah gadang nan ado mushalahnyo tu. Memang rancak dan cukuik gadang rumah gadang tu Saluik kami ka Gebu Minang Jatim nan alah bisa mewujudkan sabuah rumah gadang di rantau. Sadangkan kami di Palembang hanyo punyo rumah gadang nan ketek Sasudah itu ambo di bao dek pak prof jo rang rumahnyo makan ka rumah makan ikan baka, kami makan sakanyangnyo, sasudah itu pak prof jo rang rumahnyo maantakan ambo baliak ka kota Gresik. Untuak itu, kapado pak Prof Perry Burhan jo rang rumahnyo nan sangaik ramah nan kami selalu berbahaso minang, saraso kami sadang barado di kota padang, ambo pribadi maucapkan tarimo kasih ateh pelayanan dan panarimoannyo, semoga amal baiaknyo mandapek ganjaran pahalo nan setimpal. Ambo harokkan bilo2 Pak Prof jo kaluarga dapek tugeh ka Palembang atau singgah lalu pulang kampuang maliwati palembang, ambo mintak untuak dapek pulo singgah ka dangau ambo. Baitu pulo bagi warga RN nan lain, kalau sadang ka Palembang tolong kontek2 kami. Tarimo kasih RN nan alah manyatukan kito. Wassalam, HM Dt.Marah Bangso (51+) between 0000-00-00 and 9999-99-99 --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
