Kalau Angkatan sabalun Angku Lembang tu di Kampuang, main badia- badia batuang ko untuak anak-anak nan lah agak gadang saketek, sabab babahayo untuak nan ketek-ketek kok disambuaino muko dek api dri liang pangakbatuang tu. Biasono musim kalau lah ka hari rayo.
Bagi kami nan agak ketek-ketek, kami main badia-badia, dari ruweh rantiang buluah nan dikuduang agak sajangka labiah. Sudah tu anak palansano dari buluah juo nan dibulekan sasuai jo lubang rantian guluah ko diagiah pulo tangkai dari rantiang bulouah nansamo gadang nandakek ka bukuno. Piluruno, umbang jambu aia, umbang paraweh, atau kadang-kadang karateh lunak nan dibiaki jo aia dibuliek-bulekkan untuak sasuai jo lubang badia-badia ko. Piluru, atau umbang nan partamu dilansaan labiah dahulu ditundo sampoai ka ujuangno. Palamnsa cako agak singkek saketek dri rueh tu supayo piluru ko indak lapeh ka ujuangno ko dilansaan. Sudah tu umbang nan kaduo dipasang, ditunja jo palansa ko. Sudah tu palansano ditakan diaarahkan ka sasaran. Dek tekanan udaro dilansaan tu jadi kareh, mangko umbang atau piluru nan partamu malatuih kalua manuju sasaran. Badia-badia tu bisa jadi pamenan surang-surang. Tapi kalau lah basamo, kami main parang-parangan, mandok-mandokan saroman Tantara Japang latihan parang-parangan nan kami caliak di Pacuan Kudo Gaduik. Sudah tu maso mardeka, main parang-parangan ko iyo lai bidaso, lah taraso manfaatno mancaliak karajo Japang dan latiahan main badia-badia ko. Salam, --Nyiak Sunguik --- In [EMAIL PROTECTED], Muhammad Dafiq Saib <[EMAIL PROTECTED]> wrote: > > > Assalaamu'alaikum wa rahmatullaahi wa barakaatuhu > Nofend Tan Mudo, > Marato rupono pamainan anak-anak saisuak di Minangkabau. Ambo lai pulo mangalami main mariam batuang tu. Kami agiah karibik buliah nak labiah kareh bunyino. Tapi kalau kurang tuo batuang nan dijadian mariam murah bana pacah. > Tapi ado pulo parmainan kami nan lain salain mariam batuang ko. Pistol-pistolan jo masiu balerang anak api-api. Babuek jo kayu nan dikatam atau dirauik aluih, sarupo pistol. Lareh (laras) no dari buluah sagadang nan kaelok untuak jadi suliang, balatak-an di bagian ateh kayu karangko pistol. > Di balakang bagian kayu kami banam-an kapalo jari-jari kuretangin. Jari-jarino bana dijadian palatuak nan tambuaih sampai ka lareh dari buluah. Ado palakak (sarupo panokok) dari kayu nan labiah kareh, batangkai agak panjang, nan bagian tangkaino tu masuak ka dalam lareh, tatahan dek palatuak dari jari-jari kuretangin. Palakak ko baelo jo karet katapel. Ka dalam kapalo jari-jari kami masuak-an balerang dari anak api-api, sudah itu disumbek tangguang jo paku (paku ko talatak cukuik aman di lubang kapalo jari-jari). Sudah itu kami patiak palatuak, kayu panokok dielokno di kajai katapel, malakak paku di ujuang lubang masiu. Balapia bunyino. Labiah managia di kami dari pado bunyi mariam batuang nan hanyo sakadar malapoh- lapoh sajo. > Tapi jauah bana kudian saketek, generasi sasudah ambo indak main pistol-pistolan tu lai, tapi main petasan... > Wassalam, > Lembang Alam > > > ----- Original Message ---- > From: Nofend St. Mudo Marola <[EMAIL PROTECTED]> > To: [email protected] > Sent: Monday, June 30, 2008 7:53:23 PM > Subject: [EMAIL PROTECTED] Re: mariam tomong > > > Iyo Kanda, iko permainan wakatu ketek2 nan paliang bakasan dek awak. > Ba'a indak, puaso2, ari paneh, naiak buki pai mancari batuang nan rancak2 dan gadang2 > Kalau lah malam, tingka batingka jo kampuang sabala malatuihannyo. > > Tapi, tantu sasudah sumbayang tarawiah kanda, atau sahabis sahur.. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
