Assalaamu'alaikum nyiak, Badia-badia sarupo nan inyiak kecek-antu lai pulo ambo pakai saisuak du. Iyo sarupo nan inyiak kecek-an. Badia-badia rantiang buluah, jo piluru putiak jambu ayia (singajo bana bacari ka batang ayia gadang, dakek guguak) itu pamainan katiko baumua di bawah sapuluah taun lai baru. Katiko alah labiah gadang saketek, baumua sabaleh duo baleh taun, mulo-mulo sato-sato mancaliak uda-uda awak nan malatuihan mariam batuang. Tapi dek indak buliah dino disalang di awak, bisuakno dibuek banalo di awak surang. Alah samo malapoh-lapoh lo mariam awak jo no. Iko kami karajoan di muko surau di Aru maso itu. Kalau pistol-pistol nan bamasiu balerang sasudah itu lah agakno. Katiko alah kalas anam di SR di nagari awak. Pamenan di awak saisuak tu iyo bana swa sembada bak kecek urang. Kalau lai bisa dibuek, babuek surang. Ado-ado sin nan kajadi pamenan, tamasuak sipak-sipak daun ganjo. Wassalam, Lembang Alam
----- Original Message ---- From: hambociek <[EMAIL PROTECTED]> To: [email protected] Sent: Tuesday, July 1, 2008 6:30:53 AM Subject: [EMAIL PROTECTED] mariam tomong Kalau Angkatan sabalun Angku Lembang tu di Kampuang, main badia- badia batuang ko untuak anak-anak nan lah agak gadang saketek, sabab babahayo untuak nan ketek-ketek kok disambuaino muko dek api dri liang pangakbatuang tu. Biasono musim kalau lah ka hari rayo. Bagi kami nan agak ketek-ketek, kami main badia-badia, dari ruweh rantiang buluah nan dikuduang agak sajangka labiah. Sudah tu anak palansano dari buluah juo nan dibulekan sasuai jo lubang rantian guluah ko diagiah pulo tangkai dari rantiang bulouah nansamo gadang nandakek ka bukuno. Piluruno, umbang jambu aia, umbang paraweh, atau kadang-kadang karateh lunak nan dibiaki jo aia dibuliek-bulekkan untuak sasuai jo lubang badia-badia ko. Piluru, atau umbang nan partamu dilansaan labiah dahulu ditundo sampoai ka ujuangno. Palamnsa cako agak singkek saketek dri rueh tu supayo piluru ko indak lapeh ka ujuangno ko dilansaan. Sudah tu umbang nan kaduo dipasang, ditunja jo palansa ko. Sudah tu palansano ditakan diaarahkan ka sasaran. Dek tekanan udaro dilansaan tu jadi kareh, mangko umbang atau piluru nan partamu malatuih kalua manuju sasaran. Badia-badia tu bisa jadi pamenan surang-surang. Tapi kalau lah basamo, kami main parang-parangan, mandok-mandokan saroman Tantara Japang latihan parang-parangan nan kami caliak di Pacuan Kudo Gaduik. Sudah tu maso mardeka, main parang-parangan ko iyo lai bidaso, lah taraso manfaatno mancaliak karajo Japang dan latiahan main badia-badia ko. Salam, --Nyiak Sunguik --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
