Oiyyyaiyai, kok makNgah mangecek jio Nan Mud0-mudo di Kapmuang mungkin mareka taaso mambukak Kamus nan sarik pulo didapek karano perpustakaan Mak Sati alun langkok.
Memang "babiaki" [baqbiak-i] jo "dibiaki" [dibiak-i] samo jo babasahi dan dibasahi. Tapi, walaupun samo, dari sagi Raso Bahasa (taal gevoel), mungkin babiaki ko agak kurang basahno, agak lambok saketek, indaqk bnasah bana. Misano dapek dirasokan bandianganno antaro basah baju kanai hujan jo babiak pisak sarawa karano maronggoh duduak di rumpuik nan agak basah. :) Asa katono "biak" rupono duo pulo aratino: 1. biak, basah. 2. biak, bakambang, tunggang langgang. Misano "kambang biak". "kangkang biak", tunggang langgang. "Kangkang biak mangajai" tunggang langgang mangajai. (Sumber: Thaib 1935). Tapi takano lo diambo Carito Urang Awak di Mandailing,lupo apokoh Casrito Bacoan Anak Sikola sisuak, atau Carito nan ambo danga-danga dari tukang carito. Kiro-kiro cando iko: Ado Urang Awak di Mandailing sato bajalan jo kawan-kawanno ka tapi rimbo. Katu manyubarang batang aia ketek, babiak kaki sarawa Urang awakko. Jadi dikecekkanno "Babiak!" Msndanga "babiak" ko, kawan-kawan Urang Mandailaiang ko bakapuruan lari puntang pantiang. Dek mancaliak kawan-kawankolari, sato lo lah Urang Awak ko lari manuruiki arah kawan- kawanno. Lah agak tajarak, paya balari, barantilah mareka maangah-angah pucek katakuikan. mangko batanuyo lah Urang Awak ko ka Kawan-kawan Urang mandailiangko, baa mangko kalian lari abih samai pucek-pucek ko? Kecek mareka tapi tadi basabuik ado Babiat! Nah, dek mangecekan sarawano "babiak" (basah, Caro Awakno) cako, tadangano dek Urang Mandailing tu "babiat" (Caro Mandailing aratino Arimau)! Untuak tambahan pangatahuan Kito nan Basamo, "Babiat" ko pun namo salah satu Marga di Mandailing nan totemno "arimau". Marga tu adolah Marga Harahap nan kapanjanganno "Harahap Babiat" (Sumber dari kawan ambo Basyral Harahap dalam "Greget Tuanku Rao, 2007) Salam, --MakNgah Sjamsir Sjarif --- In [EMAIL PROTECTED], Adyan <[EMAIL PROTECTED]> wrote: > > On 7/1/08, hambociek <[EMAIL PROTECTED]> wrote: > > > > kadang-kadang karateh lunak nan dibiaki jo aia dibuliek-bulekkan > > untuak sasuai jo lubang badia-badia ko. > > > "dibiaki" ko di-basah-i.... lah sarik bana urang manyabuiknyo di kampuang kini Mak! > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
