BUya, yo lomak rasonyo mongona pomainan lamo keh.. Bodia-bodia botuang ko pomainan awak bona dulu kotiko ketek. kiro2 boumua 6 tahun dulu kawan2 nan diateh awak lah abi main bodia2 botuang ko. sobona koreh buni nyo, lorak rasonyo jantuang. dek awak masih kenek ndak buliah dek ayah main doh. tapi dasar koreh hati kotiko itu bulan puaso molakik rayo, bociluk tabuang lomang nenek ciek bo ombuih2 cando main bodia2 botuang tu. dek ibo ayah gak eh lah dipikuanyo botuang godang kiro2 diameternyo 25 Cm sudah tu nyo rondom didalam tobek sopokan lamonyeh. sudah tu nyo koriangkan jo paneh dan dibueknyolah bodia2 tu ntuak awak.
nan bodia2 ko di kobek pulo jo kawek di pangkanyo. jadi kalau sangek bona lotuhnyeh kalau pocah lai ndak molantiang ka kito doh. Nan sumbunyo kotiko itu bociluk pulo baliak kain solimuk nenek ( ndeh mooh yo nek), boguntiang kenek2 kiro2 10 X 20 cm ntu bomasuakkan kodalam pangka botuang tu. Diagiah minyak tanah lah malosoh-losoh bunyi angok. banyak bona pengalaman main bodia2 ko, mulai dari ndak bobulu mato shinggo lah cando tuyul sajo. ado pulo main porang2an jo kampuang sobolah. nan bodia2 ko boagian peluru jo sayak/tompuruang sahinggo banyaklah kopalo nan bodarah. ujuan2nyo dilorai dek polisi. tipe non lain bodia2 ko dari bosi/basi nan pakai karbit. bunyinyo agak bobeda stek dari botuang. nan pake karbit ko bulek bona bunyinyeh. Kojantuang poinyeh beda jo nan dari botuang nan sangek bana bunyi nyeh. lambek laun bodia2 ko lah dilarang dek polisi. dek mongganggu urang nan boibadah kotiko puaso. akhianyop ado razia polisi nan mambaok kapak, nyo balah sado bodia2 non dapek. aod duo pulo tipe bodia2 botuang ko. di awak nan dilubang untuak momasuakkan minyak bagian ujuangnyo. tipe non koduo nan dilubang tu bagian pangkanyo. bunyinyo beda pulo. nan dilubang bagian ujuangnyo, bunyi nyo manyeba dan sangek bona namun kurnag jauah bunyinyo. kok nan dilubang bagian pangkanyo/nan taba mangko nunyinyo jauah namun kurnag manggalaga. boitu dulu buya, beko disambuang liak... salam Ben --- In [EMAIL PROTECTED], "Nofend St. Mudo Marola" <[EMAIL PROTECTED]> wrote: > > > > Sabananyo, lah banyak juo nan ndak takana lai, tapi dengan adonyo carito > macam iko, tabukak pangana wakatu ketek2 dulu, apolai nan mambukak pangana > permainan maso2 lampau ko adolah mamak kito nan mungkin cucu2 balia nan > sadang main tu kini (kok masih ado). > > Mak Ngah, mak Lemmbang sarato sanak lainnyo... > Pado dasarnyo, diranah permainan-permainan nan kito sabuikan ko, lai marato > pelaksanaannyo, wakatu ambo masih ketek2, akhir 80an, lai masih suko main > nan mak ngak makasuik tu, bamain badiu2 (badia2) nan dari rantiang buluahko, > iyo salah satu kasukoan kami juo dulu, tapi kan kalau permainan iko kan > bamusim2, pelurunyo kalau dikami dari "buah cirik ayam" namonyo, antah a > namonyo dalam bahasa indonesia raya, tumbuahnyo di tapi2 paga atau atau tang > ayia. > > Kok bamain parang parangan ko, sampai kini lai masih ado, tapi kok anak > ketek2 kini, sagalonyo alah babali, bahkan peluru nan dari plastik tu, bisa > lo mambahayokan. > Takana dek ambo, ado salah surang kawan ambo, sampai kini bagala RPKak (asa > RPKAD) dek karano kawan ko, agak kanai talingo sabalah, badan Itam Tagok > samaso itu, sanjato kalau kami main indak malatuih dan pakai piluru do, tapi > basuaro dari muluik, sanjatonyo babuek dari palapah pisang, dan barendo2 > bagai, ado badia, pistol, bahkan bambu runciang bagai, nan tantu dari > palapah daun pisang tadi. > > Baitu juo jo badia2 nan dicaritoan mak Lembang, lai samo juo dai ujuang > ranah, sampai ka pangka ranah (solok selatan), tapi nan makai misiu dari > api2 tu, nan wak sukoan yo dari pakai busi motor atau oto mak, labiah > kancang bunyinyo, ado nan barimbek ka ateh nan di agiah umbai2/ rendo dari > tali palastik. > > Kok pakaro main alang-alang, iko tantu manjalang padi masak dan setelah > panen musimnyo, dan tantu dikala musim pamaneh (kemarau) > Dikampuang ambo, sadoalah alang-alang ko penamoannyo diawali jo kato "Tuak" > antah dari kato Datuak atau Untuak, ndak lo jaleh dek ambo do, kecuali lang > alang danguang, indak pakai tuak do, tapi rato2 lang alang nan gadang2, bisa > diagiah danguang2, untuak dangaung2 ko, nan rancak kecek urang dibuek dari > lintah nan dikariangan, antahlah... > > Jenis lang alang (layang-layang) nan pernah ambo mainkan. > - Lang Alang Tuak Pasa = Ikua panjang, bawarna warni, kok dapek angin > salsai, cando anak gadi barambuik panjang pai kapasa, sabana malenggok2. > - Lang Alang Tuak Ganak = Indak baikua, tapi ado anak nan samo jo bantuak > induaknyo dibawah, kalau layang2 iko putuih, indak kabaliak lai, kabaliak > bukik jatuahnyo. > - Lang Alang Tuak Bulan = hampia samo jo lang alang tuak ganak, cuman anak > dibawahnyo cando Bulan, dan iko nan acok dipakaikan danguang2 > - Ciek lai lang alang kubin, iko ndak pakai Tuak juo do, lang alang iko > adolah mainan anank2 nan kenek bana, lang alang nan persegi empat sajo. > > Diantaro babarpo lang alang diateh, lang alang tuak pasa nan acok > dipertandingan, bisa kambiang bagai hadiahnyo maso itu. > > Pakaro carito mainan maso2 lampauko, suaro nan mudo2 ndak banyak tadanga di > RN, mungkin antah indak basuo antah ba'a la, tapi wak yakin, kawan ambo > "Mantari Sutan" nan selalu manangnyo dulu kalau main-main tradisional awak > ko mah, taruih "ikik" nyo dari kawan2 nan lain. > Bak keceknyo inyo, "podo se ndak amuah wak do, jan ka kalah", jadi ambo > tunggu lo kenangan wakatu mantari sutan wakatu malakek an sarawa pendek > dulu. :) > > > Salam > > -----Original Message----- > From: [email protected] [mailto:[EMAIL PROTECTED] On > Behalf Of hambociek > Sent: 01 Juli 2008 06:31 > To: [email protected] > Subject: [EMAIL PROTECTED] mariam tomong > > > Kalau Angkatan sabalun Angku Lembang tu di Kampuang, main badia- badia > batuang ko untuak anak-anak nan lah agak gadang saketek, sabab babahayo > untuak nan ketek-ketek kok disambuaino muko dek api dri liang pangakbatuang > tu. Biasono musim kalau lah ka hari rayo. > > Bagi kami nan agak ketek-ketek, kami main badia-badia, dari ruweh rantiang > buluah nan dikuduang agak sajangka labiah. Sudah tu anak palansano dari > buluah juo nan dibulekan sasuai jo lubang rantian guluah ko diagiah pulo > tangkai dari rantiang bulouah nansamo gadang nandakek ka bukuno. Piluruno, > umbang jambu aia, umbang paraweh, atau kadang-kadang karateh lunak nan > dibiaki jo aia dibuliek-bulekkan untuak sasuai jo lubang badia- badia ko. > > > > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
