Ha ha, iyo mak Ngah. Ladonyo harusnyo pakai patai. Tentang patai ko, ambo ndak tau apo cuma lidah ambo nan salah atau ba'a. Rasonyo patai di Jakarta ko agak paik rasonyo, ndak salamak nan di nagari awak. Patai awak - kalau di ambo - bisa dimakan langsuang, tapi nan di Jakarta ko paik dan kareh.
Tentang Sungai Balantiak ... nah, ambo mungkin tamasuak urang nan "lupo jo kampuang". Sabananyo ambo urang Sungai Balantiak, Mama ambo pun masih lahia di situ. Walaupun sakola di Bukiktinggi, tapi waktu menikah di Sungai Balantiak. *Ambo* *ndak tau sebabnyo* - kalau "pulang kampuang" kami ndak dibaok ka Sungai Balantiak do, tapi karumah Datuak (adiak Nenek) ambo di Labuah Basilang, Payokumbuah. Partamo kali ambo ka Sungaibalantiak justru setelah ambo bakarajo di Padang. Dek karano nan ambo tau persis tu Padangpanjang, ambo selalu "mengaku" urang Padangpanjang, EH, baliak carito ka bilih tadi, mak Ngah. Kalau di Padangpanjang dulu nan labiah "ngetop" sabananyo bukan bilih goreng, tapi di pangek. Biasonyo nan lamak nan dijua di hari pakan (Senin dan Jumat), nan manjua urang Sumpu, jadi kami manyabuiknyo Pangek Sumpu. Riri 2008/7/25 hambociek <[EMAIL PROTECTED]>: > > Tarimo kasih Angku Riri. Lah ambo caliak gambar-gambar Ikan Bilih > di Blog Sumatra tu. Turun naiak pulo jakun macaliaknyo. Tapi dalam > camapuran-campuran palama ladonyo, ado nan lupo, urang nanidank tahu > nan lamak barangkali, Patai! > > Patang, dek Ulah Rang Lapau maotaan Ajo Lontong jo gajeboh sagalo > macam, bangih lo ati maagaki, bagoreng lo di awak ikan kariang jo > patai. Bahantam jo sayua matah. Ondeh Cap-cap-cap, mangucap > kalamakan. > > Sudah tu, sabantako sudah sumbayang tahajjud babuek lo lontong > ciptaan sandiri. Tadi malam sabalun lalok, bamasuakkan bareh jo aia > ka dalam plastik nan bisa diabuih atau di microwaved. Jadi sabanta > ko dimasuakkan ka dalam Microwave, sudah tu ditolong lo jo > maabuihnyo karano kariang di dalam microwave tu kalua aianyo. Eeh, > manjadi lontong dalam plastik! Lah santiang pulo awak; bisa pulo > dijua ideano ka Lapau. Cubolah kok ndak picayo. Tapi kok indak ado > plastik nan dapek diabuih tu, dapek juo dibuek jo karung kain ketek > saroman Urang Malaysia sari. > > Ruponyo nan ikan bilih Maninjau tu samo jo ikan salai di awak di > pasa ateh yo? Lamak daruaknyo jo samba lado patai. Rancak tu. Dibuek > Nasi Bungkuih elok-elok, dibawo piknik ka puncak bukik antaro Suayan > jo Taratak Kubang.... Dilapehan pamandangan ka Ranah Limo Puluah ... > > Kan indak jauah dari Sungai Balantiak tu doh. Jalan ambo sisuak tu > malinteh dari Kamang ka Pek Mudiak, dari Mudiak Liki ka Batuhampa. > apo kini lah dapek jalan oto dari Suayan ka Ikan Banyaka jo Pandam > Gadang malalui Mudiak Liki? > > Tarimo kasih katarangan Ikan Bilih. > > Salam, > --MakNgah > > > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
