Iyo, kalau patai tu lah tuo di pasa, agak kareh, dan kadang-kadang agak kakuniang-kuniangan di antaro kulik jo inceknyo, harus hati- hati mangarajokannyo.Kadang-kadang kuliknyo lah masik, tpaso dibuang, pakai incek sajo.
Tapi, kalau fresh, ai yaiyai, apo lai kalau baru diambiak baruak dari batangnyo, MakNgah lantuang matah-matah, kalau paralau jo lado kutu ... :) Kalau baitu Carito Sungai Balantiak, jaleh diambo manarangkan. Itu jalan kaki ambo sisuak. Sungai Balantiak tu kalau awak ka Payokumbuah dari Bukittinggi, simpangnyo di Batuhampa babelok ka kida. Basuo nagari-nagari Sungai Sariak, Sungai Balantiak, Suayan, Pauah Sangik, Siamang Bunyi. Sudah tu jalan tapak ka Taratak Liki, Mudiak Liki sampai awak basuo jo jalan Suliki - Kototinggi. Babelok kaarah kida kaarah Kototinggi basuo awak jo Pandam Gadang jo Ikan Banyak kampuang Baliau Tan Malaka. Ambo indak pasti nan maa bana garan Kampuang Baliau, Pandam Gadang atau Ikan Banyak, alun panah mancaliak rumah kel;ahiran baliau lai. Dimaa pun nagari tu harus masuak Peta Sejarah. Rumah Tan Malaka harus jadi Museum Objek Sejarah nan paralu diziarahi oleh turis-turis nan haus Sejarah. Nah kalau Kototinggi Objek Sejarah Maso PRRI lah saarah sajalan tu para peminat Sejarah dari Payokumbuah ka Pandam Gadang ka Suliki. Salah satu Objek Sejarah di Limopuluah Koto nan harus diingekkan ka Pemda Sumbar, apo lai ka Pemda Payokumbuah, adolah Situjuah, tempat "Peristiwa Situjuah" nan historis tragis di Maso PDRI (Pemerintah Darurat Republik Indonesia) Agressi kaduo 1948. Ambo manyarankan supayo Pamarentah Kabupaten atau Sumatera Barat mamparhatikan "Kincia" dan Sekitarnyo di Situjuah tamasuak Peristiwa Berdarah nan dialami para Syuhada Pejuang Revolusi kito. Mudah- mudahan ado nan mandanga. dibuek pulo Museum dan perpusatkaan di situ nan paralu dirawat elok-elok. Kok iyo Limopuluah Kota ka manjadi aktivitas Pariwisata, mangko Dewan Pariwisata harus diingekkan tantang itu. Sudah tu Halaban Alang Laweh jan dilupokan pulo. Salam, --Makngah --- In [EMAIL PROTECTED], "Riri Chaidir" <[EMAIL PROTECTED]> wrote: > > Ha ha, iyo mak Ngah. Ladonyo harusnyo pakai patai. Tentang patai ko, ambo > ndak tau apo cuma lidah ambo nan salah atau ba'a. Rasonyo patai di Jakarta > ko agak paik rasonyo, ndak salamak nan di nagari awak. Patai awak - kalau di > ambo - bisa dimakan langsuang, tapi nan di Jakarta ko paik dan kareh. > > Tentang Sungai Balantiak ... nah, ambo mungkin tamasuak urang nan "lupo jo > kampuang". Sabananyo ambo urang Sungai Balantiak, Mama ambo pun masih lahia > di situ. Walaupun sakola di Bukiktinggi, tapi waktu menikah di Sungai > Balantiak. > *Ambo* *ndak tau sebabnyo* - kalau "pulang kampuang" kami ndak dibaok ka > Sungai Balantiak do, tapi karumah Datuak (adiak Nenek) ambo di Labuah > Basilang, Payokumbuah. Partamo kali ambo ka Sungaibalantiak justru > setelah ambo bakarajo di Padang. > > Dek karano nan ambo tau persis tu Padangpanjang, ambo selalu "mengaku" urang > Padangpanjang, > > EH, baliak carito ka bilih tadi, mak Ngah. Kalau di Padangpanjang dulu nan > labiah "ngetop" sabananyo bukan bilih goreng, tapi di pangek. Biasonyo nan > lamak nan dijua di hari pakan (Senin dan Jumat), nan manjua urang Sumpu, > jadi kami manyabuiknyo Pangek Sumpu. > > Riri --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
