Waalaikumslam w.w. Sanak Fitr Tanjuang, Kabatulan ambo suku Tanjuang juo, Sanak Fitr. Nenek moyang ambo dari garis Ibu dari Lagan, Kampuang Dalam, Pariaman. Ayah ambo suku Koto, nenek moyang baliau dari garis Ibu baasa dari Galuang, Sungai Pua, Agam. Alah sa-tuo ko ambo, alun panah ambo mambaco bara bana banyaknyo suku Minangkabau tu dan baa kaitannyo satu samo lain. Nan ado hanyolah panjalasan sacaro umum bahaso sadonyo suku di Minangkabau bisa dikalompokkan dalam Bodi Chaniago atau Koto Piliang. Untuak taratiknyo persoalan suku ko di maso datang, izinkan ambo mangusulkan kapado baliau H. Bachtiar Abna Dt Rajo Suleman dari LKAAM Sumbar supayo ado samacam manual dan bisa kito pakai basamo dalam hal ko. Sahinggo pikiran kito bisa manjadi laweh, indak tabateh di kalompok kito sajo. Dapek ambo tambahkan -- sambia minta maaf ka para netters nan salamo ko langsuang gata kalau ambo manyingguang soal ko , apolagi kini bulan puaso -- manuruik pandapek ambo soal suku ko paralu dikaikkan jo ajaran Islam tantang nasab. Masalah ko dulu rami dipadebatkan dalam RN ko. Buya Mas'oed Abidin manyarankan supayo kito namokan sebagai sistem kekerabatan matrilineal plus. Plus-nyo itu adalah garis nasab. Sahubuangan jo itu, ambo kini sadang mandaftar sagalo sanak sudaro ambo nan batali darah, dalam dokumen nan ambo sabuik sabagai 'Ranji ABS SBK', dimano ambo cantumkan saluruah kaum kaluarga ambo, baik dari garis Ibu maupun dari garih Bapak, sampai jo anak cucu ambo, tamasuak nan ibunyo urang Jawa dan Sunda.. Software nan ambo gunokan adolah Family Tree Maker nan alah panah juo ambo sampaikan dalam RN ko. Supayo jan ado pulo salah sangko, Ranji ABS SBK ko khusus manganai hubungan darah dan perkawinan, samo sakali indak ado kaitannyo jo harato pusako. [Saparati ambo tulih dalam buku ambo 'Masih Ada Harapan', (2004), kalau hubungan darah itu indak ambo tulih langkok, sacaro hukum ambo bisa dituduah nanti malakukan 'penggelapan garis keturunan' nan bisa diancam dek Pasal 277 ayat (1) Kitab Undang-undang Hukum Pidana (KUHP), jo hukuman 6 (anam) tahun panjaro!]. Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED]; [EMAIL PROTECTED]
--- On Sun, 9/7/08, Fitr Tanjuang <[EMAIL PROTECTED]> wrote: From: Fitr Tanjuang <[EMAIL PROTECTED]> Subject: [EMAIL PROTECTED] Re: Fw: perkawinan beda suku To: [email protected] Date: Sunday, September 7, 2008, 6:15 AM AslmWrWb Rasonyo lai indak adoh larangan adat untuak manikah jo suku bangsa lain selain Minang. Kalau adoh, itu raso2 urang tuo nan ingin anaknyo dakek juo jo inyo. Nan dilarang sacaro hukum adat kan malah nikah sasuku atau suku sapadan. Misalnyo sasamo Tanjuang atau sasama Caniago. Di nagari ambo suku sapadon iyo dilarang pulo. Tanjuang jo Sikumbang, Guci jo Caniago, Koto jo Piliang dll. Kakak sepupu (sakaum) ambo adoh nan melanggar larangan ko, manikah sasamo Tanjuang walaupun lain daerah. Hukuman langsung sahari2 iyo indak adoh doh. Tapi kakak ko indak pernah bisa diangkek jadi GURU GADANG silek doh. Jaan kan diangkek, diajukan sajo indak bisa dek harus ditulis disinan namo bini jo suku asalnyo. Kalau sacaro prestasi, lah tapiliah kakakku jadi pelatih terbaik di festival silek tradisi nasional patang ko. Adopun adiak ambo nan baraja silek basamo ambo awalnyo dari kakak tu, lah diurak balabek manjadi GURU GADANG. Malah dalam sahari dilantiangkan ka ateh langsuang manjadi GURU TUO dek lah banyak prestasinyo. Kecek adiak tu, ambo nan manikah jo urang Betawi malah indak bamasalah doh sacara adat. Nan jadi masalah, kaji nan indak putuih dek sajak tamat SMA lah di rantau urang...:)) Wassalam fitr tanjuang lk/33/Albany NY 2008/9/6 Dr.Saafroedin BAHAR <[EMAIL PROTECTED]> Batua sakali, Dinda. Kan agamo kito maajakan bahaso ado ampek hal nan kaputusannyo di tangan Allah: kelahiran, kematian, jodoh, jo rasaki. Baa bana kito manyuruah atau malarang, kalau Nan Diateh bakandak lain, yo nan jadi kan kandak Nan Diateh tu juo. Lagi pulo sadonyo manusia kan khalifah Allah di bumi. Kalau syarat Islam iyo indak bisa ditawar, supayo jan sampai nan surang ka hilia, nan surang lai ka mudiak. Supayo sadanciang bak basi saciok bak ayam.. Wassalam, Saafroedin Bahar (L, masuk 72 th, Jakarta) Alternate e-mail address: [EMAIL PROTECTED]; [EMAIL PROTECTED] --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
