Pak Arman dan Mamak/Bapak/Ibuk/Dunsanak Palanta Nan Terhormat
Buliah ambo manyalek
pulo ciek. Tapi sabalunnyo ambo minta maaf kalau paandapek ambo ko mungkin alah
pernah di diskusikan sabalunnyo. Sekedar marespon usulan Pak Arman. Iyo alah
basuluah
mato hari, bagalanggang mato rang banyak mancaliak tabiak wakia awak nan co itu,
tapi kabaa juo lai ”dasar Cingkahak”. Mulo-mulo lai tacelak nampak jauah,
seolah-olah nagari ko kasalasai dek iyo surang. Tapi sasuah duduak di kurisi
ampuak
tu, lansuang iyo barubah.
Ambo mandukuang pandapek Pak Arman untuak mamikiakan ”baa ka-rancak kini lai,
dengan caro mainventarisasi
sajo-lah mano2 nan elok mano pulo nan cingkahak, apo2 sajo doso-nyo, dari
partai ma inyo sudah tu kito distribusikan ka-rakyat banyak sacaro barantiang.
Paliang
indak untuak Sumatera Barat se. Kito
galang kekuatan untuak indak memilih Politisi “Cingkahak” dengan caro
mambeberkan
"track record" mereka. Tantu awak harus supakaik dulu apo kriteria politisi
“Cingkahak” ko.
Kalau ambo mausua indak hanyo sakadar politisi korup
nan tabulalak incek matonyo mancaliak pitih bagoni, tapi juo cingkahak nan
pernah
talibaik jo pelanggaran HAM, cingkahak nan pernah malakukan kekerasan seksual,
cingkahak
nan marusak lingkuangan, tindak kriminal, atau pernah diberitakan talibaik
skandal
dan sabagainyo.
Ambo sadar iko jaleh karajo barek, Pak Arman. Kalau
awak indak berani, serius, konsisten, hati-hati, cermat, janiah, dan objektif
maagiahkan
fakta nan valid tantangan ka-Cingkahak-an mereka tantu
sajo bisa tajerumus ka fitnah atau justru bisa malantiang klep nyo. Manuruik
ambo sabalun karajo ko ka dikakok, saderetan daftar Cingkahak kaditulih, paralu
awak bulekan dulu kato hati, dituai kiro-kiro, dinaiakkan dulu kataraju dicaliak
timbangan hukum sarak, mudah-mudahan lai dalam ridho Allah dalam rangka Amar
Ma’ruf Nahi Mungkar.
Untuak itu manuruik ambo awak paralu maindari sikap
manghakimi seseorang calon atau
mamvonis para politisi cingkahak. Awak hanyo mambantu masyarakaik nan kamamiliah
dengan caro manyiapkan data nan saiah dan dikemas dalam bantuak kampenye
sederhana murah dan massal
Baba
manurik Pak Arman dan Mamak/Bapak/Ibuk/Dunsanak palanta kasadono. Salah dan
jaangga mohon maaf.
Wassalam
Aidinil
Zetra, Intan Batuah 38 th/KL
________________________________
Wajib militer di Indonesia? Temukan jawabannya di Yahoo! Answers!
http://id.answers.yahoo.com
--~--~---------~--~----~------------~-------~--~----~
===============================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi di setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===============================================================
Berhenti, kirim email kosong ke: [email protected]
Daftarkan email anda yg terdaftar disini pada Google Account di:
https://www.google.com/accounts/NewAccount?hl=id
Untuk melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
