Wa'alaikumussalaam wa rahmatullaahi wa barakaatuhu Masih carito maisok ko juo. Daulu, katiko masih pancandu rokok, indak badanga saketek juo aa sajo nan dikecek-an urang nan manyuruah baranti marokok do. Kok aluih urang manasihaik-i jo aluih pulo awak manjawab, nan intino, maisok jalan taruih. Kok jo ilmiah urang malarang, jo ilmiah pulo awak manjawab, bara banyakno sacaro stastitik urang nan mati dek akibaik marokok, sakitu pulo banyakno urang nan mati dek pangaruah makanan. Jadi samo sajo, baitu jano awak mambuek hujah.
Ambo dulu bakarajo manjadi pangawas logging (marakam informasi fisika kulik bumi jo alaik nan diturunan jo kabel). Karajo marakam tu di dalam dangau ketek, indak sampai duo kali duo meter gadangno do. Pado suatu kasampatan basamo-samo jo tukang insinyur nan manjalanan alaik tu nan kabatulan parokok Io. Sabana paralu dikami rokok ko dek kami bakarajo batanggang, amuah sampai 30 jam bagai non stop. Di kabin tu ado kipeh paisok udaro, jadi *aman * kami marokok. Pado kasampatan lain ado tukang insinyur nan indak parokok, tapi agak *sok*. Dilarangno ambo marokok, sabab jano, di ruang ketek sagadang itu, indak buliah dan babahayo kalau marokok (ruangan tu ba AC). Awakno urang *service company* istilahno, ambo *company man,* ka tinggi sangkuik-an lo no ka ambo. Ambo kecek-an kalau angku indak bisa mangarajoan karajoko jo kondisi sarupo iko (ambo marokok) ambo kirim angku ka *base*, ambo mintak pangganti. Tabik takuikno. Kalau dipikia-pikia kini sadar ambo bahaso iyo jahek ambo katiko tu. Awak sajo nan bana urang musti mangalah ka awak. Sasuai bana pangalaman ambo jo pangalaman mak Sati, kuncino bana kalau ingin baranti iyo di awak. Katiko alah barasia baranti sabulan, dipasang bana niaik di hati untuak sabana ka baranti. Sabana indak amuah manyingguang rokok sudah itu lai, walau ka baa bana urang mampabasoan. Pokokno indak. Sabab banyak contoh sarupo nan dicaritoan Rky Mulia, alah baranti sampai tigo bulan, bahkan ado nan alah sampai sataun, dipacik-pacikan lo rokok tu baliak. Iyo manjadi etongan sudah itu, babaliak panyakik lamo. Wassalamu'alaikum M.D.Saib St. Lembang Alam Asal: Koto Tuo - Balai Gurah - Bukit Tinggi 58 th / Jatibening - Bekasi 2009/1/29 Sjamsir Alam <[email protected]> > Assalamu'alaikum wr. wb. > > > > Nofend, > > > > Ambo saisuak maisok juo dan baranti lk 20 thn nan lalu. Alhamdulillah, > paru2 jo jantuang ambo lai ndak bermasalah sp kini doh. > > Baranti maisok harus dari hati. Tekad. > > > -- > > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
