Assalaamu'alaikum wa rahmatullaahi wa barakaatuhu Satololah ambo saketek. Sabanano, manuruik panilaian ambo dek ado kamiripan antaro bahaso Minang jo bahaso Indonesia sahinggo ado dorongan bawah sadar untuak mambahaso-indonesiakan namo-namo nagaritu, katiko awak sadang babahaso Indonesia, sarupo nan dikecek-an dunsanak Jepe. Samisal Taluak Bayua barubah manjadi Teluk Bayur (sarupo lagu nan dinyanyian Ernie Johan tu).
Balain misalno jo bahaso Sunda, nan kato-kato dalam bahaso tu sabana balain jo bahaso Indonesia. Mako namo-namo kampuang, nagari, sungai dan sabagaino tatap sasuai jo aslino. Cianjur, Cimahi, Cibeureum, Citatah, Cibinong, Ciranjang, Leuwi Gajah, Dayeuh Kolot, Ujung Berung dan sabagaino. Indak ado nan barubah do. Baliak ka nagari awak, kadang-kadang sarupo tapaso kaadaan awak manyabuik Bukit Tinggi (bukan Bukiktinggi), manyabuik Lubuk Buaya (bukan Lubuak Buayo), manyabuik Matur (bukan Matua) katiko babahaso Indonesia. Jadi antahlah....... Baa golah nan karancak. Kampuang ambo di alamaik surek basabuik-an Koto Tuo - Balai Gurah - Ampat Angkat Candung (bukan Ampek Angkek Canduang). Wassalamu'alaikum M.D.Saib St. Lembang Alam Asal: Koto Tuo - Balai Gurah - Bukit Tinggi 58 th / Jatibening - Bekasi 2009/2/5 jupardi andi <[email protected]> > Ambo satuju jo pandapek sanak Ichwan ko, paralu bana dikaji dek urang > ahli bahaso tarutamo sastra Unand tu tantang baa rancaknyo bahaso awak > ko,,nan labiah cendrung..barubah dek dialek..atau logat bahaso miang kito > sahari-hari bantuak nan dicontohkan Ichwan ko > > kok hanyo karano dialek/logat misal nan berakhiran ng..manjadi ang..ndak > baa tu do,,dibaco dalam mangecek pergaulan sahari-hari Tabiang tapi dibahaso > resmi koran, media, berita, paper dll ditulih atau diucapkan Tabing, > misalnyo berita"Pesawat tempur Sukhoi akan uji coba mendarat di Bandara > Tabing Padang"..kan agak lucu kok diucapkan Tabiang..baitu juo nan lain > Ketapiang, Indaruang dll baitu juo saruman Taluak Bayua (ucapan sehari2 > bahaso pergaulan urang minang) bahaso resmi Teluk Bayur...Aia Tawa....Air > Tawar > > Tapi nan salah kaprah atau bakalabihan tantu dihindari semisal Kubu > Karambia...talalu di Indonesikan bana misalnyo Kubu Kerambil, atau dijadikan > Kubu Kelapa... baitu juo namo kota2 di Ranah..Payakumbuah (bahasa pergaulan > sehari2 kito)..Payakumbuh bahasa...Batu Sangka..Batu Sangkar..Batang > Kapeh...Batang Kapas..jadi lai manyambuang..Kapeh..bahaso Minang Kapas > bahaso Indonesia..jaan sarupo Karambia..Bahaso Indonseianyo kan indak > Kerambil..kiro2 gitu ambo raso > > > --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
