Waalaikumsallam Wr Wb Ondehhh yo lamak carito sanak, uda2 jo mamak di Palanta..lah maleba dari subject awal "kopi sicincin" Kini ambo dirumah kakak ambo di Pagaruyuang tapeknyo dakek kantua Bupati Tanah Datar, yo sempat lo ambo salinteh malihek Istano Basa Pagaruyuang nan sadang dibangun, lah tagak kontruksinyo..atau lah nampak bantuak rumah bagonjongnyo, nan atoknyo keranggak alumunuim nampaknyo...
Rencana ambo ka taruih ka Sawahlunto, tapi ambo kuatir lah panuah penginapan disinan, ruponyo iyo bana katiko ambo talipun si Nanang..iyo bana full booked hotel, penginapan di Swl, malah banyak urang pai lalok ka Solok, lah tapek keputusan ambo..manginap lalok lamak dirumah kakak ambo disiko, isuak pagi taruih ka Swl via kampuang ambo via Saruaso...Padang Gantiang..Talawai..masuak ka kota Baro..lai Satatantang carito Mak SL ko..mambaconyo..sambia mairuik teh angek jo kacang kulik barandang yo lapeh rangkik2 ambo nan mambaok oto dari Sibuhuan Tapsel jam 9 pagi sampai jam 9 malam...gata-gata tangan ambo manyembanyo..tapi nan ambo semba kain merekan..nan manjadi sarawa dalam atau labiah tapeknyo disabuik sajo sarawa kotok nan bakaret tu.. Satantang Sarawa Kotok Marekan Balaret ko disingkek SKMB, satahu ambo katiko ketek dulu jadul disabuijuo garah kawan samo gadang "Sarawa Kotok Nabi"..ahaaa..baa asal usil kok banamo bantual itu yo ndak obeh dek ambo, iko lah istilah turun temurun dari nan gadang2 jadul katiko ambo masih ketek, artinyo istilah ko yo lah populer bana...itu di Padang yo..kok daerah lain di Minang apo garah gaul SKMB ko disabuik juo sarawa kotok nabi..antah lah..ha..ha..ha..ado2 sajo urang awak punyo istilah nan manyalinok..nan mambuek awak galak sengeang. Nah..nan paliang agak babahayo mamakai SKMB ko..kok karetnyo..lah..indak kuek daya cengkramnyo lai..atau lah getas..akibatnyo SKMB ko melorot..mah..kok tibo2 putuih karetnyo... Karet nan diguntiang kecek Mak SL ko dimasuakan ka alur sarawa kotok merekan dipinggangnyo jo samek..mah..iyo apo indak..basua ujuang-kaujuang baru dikabekan..elastis bana SKMB ko mah..sasuai jo gadang paruik..kok maju paruik awak labiah dulu dari karir..nan SKMB..masih tatap up to date untuak dikanakan. Sejarah ambo tantu ado juo jo SKMB..ko dikampuang..jadi kok pai ambo mandi ka Lubuak Lubuak ko dikampuang ambo samo jo sumua..namo sumua kaum ibu ambo dikampuang nan bersejarah dari niniak2 ambo ado Lubuak Palam..dek ado batang Palam gadang tumbuah disumua tu..aianyo yo sajuak janiah mato kuciang..pokoknyo zserohhhh..lah mandi di Lubuak Palam ko..kini masih ado juo lubuak tu, bisuak ka ambo caliak Lubuak Palam, tampek mande jo ninik2 ambo pai mandi sajak jaman balando, mato aia lubuak/sumua ko.musim kamarau bana nan aianyo tatap ado, untuak aia minum diabuih jo kayu dalam pariuk nan ado rasan2 asok kecek urang kampuang..lain lo lamak2 aia putiah rasan2 asok..ko Jadi kok ambo ketek2 pulang kampuang pai mandi ka Lubuak Palam ko, mako kain basah ambo..nan dari merekam tu (SKMB)...lah tagantuang di lubuak tu..sia sajo buliah mamakai..untuak ka kain basah..kok induak2 tantu bakain panjang mandi ..ahaa..ndak manakah mah kok induak-induak mandi bakain basah jo sarawa kotok nabi alias SKMB...kok putuih karetnyo..ado sajo nan mamelokannyo..mah Nan sarawa marekan ko ukuran urang gadang ambo masih kenek..dek bakaret nan elastis tu tantu ambo nan kenek masih dililitnyo pinggang ambo walau kabawah pinggang galembong bana..lah saraso pakai kulot ambo..ahaaa..kulot..pernah mode mah dek ABG..sarawa kulot...tahu bana ambo mah baa mode sarawa kulot anak gadih...he..he..he Kadang2 yo agak gali2 ambo mamakai sarawa kotok ko..apo nan gali..tu ha ? tapi ko depend on situation juo ambo mamakainyo kok ka mandi, jampang sarawa main ambo ka dicuci lai iyo ibdak ambo pakai sarawa kotok nabi nan tagantuang dilubuak tu Nah dimasajik kampuang tampek mandi kaum laki2..iyo banyak juo tagantuang kain basah dari merekan ko ambo caliak jadul, jadi basaruangkan kain ko..dek apak2 nan mandi dimusajik..sudah mandi tantu apak2 uo2..inyiak2..angku2 ko mamakai sarawa kotok ko lai..ha..ha..ha Jadi tamasuak "barang pusako" bana mah SKMB ko dikampuang dek masyarakat awak, sabalun kalua sarawa kotok sarupo merek Swan..Hing..Rider dan sejenisnyo Itu sajolah sanak carito sarawa kotok marekan bakaret ambo... Lalok ambo lai..isuak pagi ka maluncua ka Sawahlunto Wass-Jepe Sadang di Batusangka ________________________________ Dari: Muhammad Dafiq Saib <[email protected]> Kepada: [email protected] Terkirim: Jumat, 20 Februari, 2009 21:13:22 Topik: [...@ntau-net] Re: Kopi Sicincin- BU LA U- Baju marekan Kalau pakaro kain marekan, jaan-an ka inyiak-inyiak awak, ambo, katiko muloi ka mamakai sarawa dalam iyo sarawa dalam marekan tu bana nan babakai. Ado nan bajaik surang. Baagiah batali. Ado juo nan baagiah karet / kajai katapel nan baguntiang ketek-ketek. M.D.Saib St. Lembang Alam Asal: Koto Tuo - Balai Gurah - Bukit Tinggi 58 th / Jatibening - Bekasi On Fri, Feb 20, 2009 at 2:47 PM, Rasyid, Taufiq (taufiqr) <[email protected]> wrote: Mak Ngah , Soal kopi ko salain kopi Sicincin, nan tampak lah diusahokan agak modern dan punyo kemasan nan agak mantap adolah kopi dari Tanjuang Alam Tabek Patah- Batusangka. Lebih bergaul dan terhubung dengan lebih baik. Tambah lebih banyak teman ke Yahoo! Messenger sekarang! http://id.messenger.yahoo.com/invite/ --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: [email protected] Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
