Sanak Dedi yth.
Manyalo ambo saketek. Nan nampak jo ambo sagalo nan disabuik
KELEMAHAN dan KEKURANGAN urang Minang itu sabananyo adolah KECERDASAN BUDAYA
nan tasusun karono berbagai kajadian.
Ambo kiniko sadang mambaco buku Danilyn Rutherford (2003) "Raiding the Land of
the Foreigners: The Limits of the Nation on an Indonesian Frontier". Caritonyo
adalah tantang urang Biak Papua nan acok mengalienasi sado urang pendatang,
tamasuak sado urang nan bukan urang Biak. Jadi kalau sado urang itu asiang,
mangko inyo maraso berhak maambiak apo sajo dari urang asiang itu..
Nan si Rutherford itu inyo heran baa mangko urang Biak itu sarupo itu. Inyo
alah maliek banyak caro pemerintah mangkohesifkan urang Biak, apokoh itu
memakmurkan ekonominyo, mambarikan pendidikan, tamasuak mangintensifkan
komunikasi, dll.
Ruponyo dek rang tuo-tuo Biak alah disusun cultural logic nan disabuik "Amber",
jadi logika masyarakat alah dibaliak untuak mengasiangkan sado nan bukan dari
Biak. Memang dalam keadaan banyak ambigu dan konflik, dek adat mereka
dilangsuangkan ritual Amber, sebagai siasat untuak mailakkan hegemoni. Kalau
sudah itu alah ado kemantapan dan kebebasan, aa nan asiang ambiaklah. Apokoh
pitih, tanah, pendidikan, program pembangunan pemerintah, dll.
Dek banyak kito disabuik iko bantuak budaya nan kurang ajar, low trust, dll..
Namun banyak kalangan antropolog manyabuiknyo sabagai KECERDASAN BUDAYA.
Antahlah.
Wassalam,
-datuk endang
--- On Wed, 12/16/09, Dedi Nofersi <dxnof...@yahoo.com> wrote:
Sanak,
Mambaco postingan nan masuak jo topik masalah "Suku Minang : Low Trust
Society", ambo jadi takana jo diskusi di Rantau-Net saisuak nan raso-rasonyo
hampia sarupo, dan ambo cubo manyigi jo google, dapek lah judul nan ambo "Copy
Paste" kan dibawah ko. Mudah-mudahan bisa menjadi bahan tambahan pamikiran
kalau iyo jadi kadiadoan KKM tahun bisuak nan dipromotori dek Mak Saafroedin
Bahar. Ambo do'akan mudah2an jadi.
Salam,
dn
Re: Kelemahan Orang Minang ( was Re: [Rantau-Net] AWAK : KalauIndividu Rancak,
Tapi Kalau Tim Payah)
nizarwan
Thu, 10 Aug 2000 21:43:21 -0700
Assalamualaikum,
Manolah Niniak dengan mamak sarato dunsanak kasadonyo, ketek indak dipanggia
namo, gadang indak dipanggia gala, sarato imam dengan khatib nan ado atau nan
indak ado dipalanta nangko, bari maaf kami bakato.
Kalau kito bicaro masalah kalamahan urang Minang, kalamahan itu sudah pasti
ado, namonyo manusia indak ado nan sampurna langkok kapandaian, sipaiknyo.
Kalau kito liek/pahami adaik istiadaik urang Minang, itulah daik nan labiah
baiak dari suku lain nan ado diateh dunia ko. Hanyo kasadonyo tu tagantuang
kapado pribadi urangnyo.
Kito liek parangai uang sumando sajo. Manuruik sipaik pribadinyo, ado urang
sumando lapiak buruak, urang sumando langau hijau, urang sumando niniak mamak,
urang sumando kacang miang. Macam-macam tingkahnyo.
Mari kito liek, papatah, gurindam, pantun minang.
- Bakato dibawah-bawah, manyauak dihilia-hilia. Aratinyo, urang Minang tu suko
marandah
(low profile). Liek sabaliaknyo, dikacak langan lah bak langan, dikacak batih
lah bak
batih, maariak maantam tanah. Aratinyo manunjuakkan kesombongan seseorang,
keangkuhan seseorang. Mungkin karano maraso ilimunyo tinggi, kekuasaanyo dll.
- Urang Minang umumnyo pantang dilongkahi./dilecehkan. Walaupun baliau urang
bawahan
namun harago dirinyo tinggi. Pemimpin urang Minang harus tau sipaik sarupo
iko.
- Kalau urang Minang dalam tim, memang agak sulik. Namun masih bisa diusahokan
supayo labiah baiak. Objevtive tim diuraikan manjadi objective pribadi. Kalau
objective tim nan dipakai, kalua ciluahnyo.
Jadi, pengetahuan, pemahaman adaik, sipaik urang Minang paralu di lestarikan.
Jan sampai
urang Minang Kabau tu hilang minangnyo.
Banyak anak kamanakan nan layia dan gadang dilua daerah Minang, kurang memahami
sipaik urang Minang.
Urang Minang tu kalau pandai mangatuanyo ibaraik alu jo tangguli dalam mambuek
kalamai
bisa sajo dikelokkan, tapi kalo indak kanai caronyo, ibaraik alu pancukia duri,
rusak kasadonyo.
Jadi panganalan sejarah/adaik/sipaik urang Minang paralu di sampaikan kapado
seluruh
warga Minang. Nan kurang elok dipeloki, nan alaun tau diagiah tau. Nan alah
rancak diparancak.
Kapado Niniak Mamak, Urang cadiak Pandai dihimbau untuak mambarikan nasiaik
kapado
nan mudo-mudo.
Mamfaatkan sumber daya nan ado untuak kamajuan nagari awak dan suku Minang.
Nan lumpuah pahuni rumah, nan buto pahambuih lasuang, nan pakak palapeh badia,
nan cadiak tampaik batanyo, baguru ka nan pandai.
Gapuak indak mambuang lamak, cadiak indak mambuang kawan.
Kalo ado nan kurang pado tampaiknyo bari maaf kami nan manyampaikan.
N.St.LA.
At 05:07 AM 5/18/00 +0000, you wrote:
Dibao ka lingkuangan Minangkabau kaji ko dih........ ???
Pakaro "individualisme" ko, lai dikupeh manditel dek mak Amir MS
dalam buku baliau
"Adat Minangkabau - Pola dan Tujuan Orang Minang"
Saketek mbo ambiak nan batalian jo topikko.
Bab 10. "Sifat-Sifat Orang Minang"
Di hal 100 tabaco :
--------------------------------------------------------------------
................................. . Salah satu kelemahan orang Minang adalah
kebanyakan mereka menderita penyakit "Excessive Individualisme",
penyakit susah diatur, merasa lebih super dari orang lain, karenanya
dihinggapi penyakit "pantang taimpik".
Struktur organisasi dipenghujung abad ke XX ini, baik organisasi
pemerintahan, angkatan bersenjata, organisasi sosial, maupun organisasi
perusahaan mempunyai struktur piramida, lancip keatas.
Struktur Organisasi yang semacam itu , memaksa orang-orang dalam
formasi yang berlanggo-langgi, atau bertingkat-tingkat. Ada yang disebut
bawahan dan ada atasan, ada yang memerintah dan ada pula yang harus
menjalankan perintah. Orang Minang kebanyakan belum dapat menyesuaikan
diri dengan pola kemasyarakatan yang baru ini. Apalagi bila dalam organisasi
itu hanya balego awak samo awak. Dalam kondisi yang demikian, akan
berlaku pemeo " Iyokan nan kato beliau, tapi lalukan nan diawak"
Inilah agaknya salah satu sebab kenapa dipenghujung abad keXX ini
orang-orang Minang sudah jarang menonjol dipentas nasional.
Kalau ada yang menonjol satu dua, maka yang duduk menjadi bawahannya,
mungkin sekali bukan orang Minang.
Mari kita koreksi diri kita masing-masing dan mari kita pelajari kembali
ajaran adat kita yang berbunyi sebagai berikut ;
Bajalan banantuo
Balayie banakhodo
Bakato ba nan pandai
Pepatah diatas ................................................
---------------------------------------------------------------------
............................alah tu ................
Ndeee lah singkek jari manuncik kibord dek panjangno.
Kok nak langkok silahkan cigok buku mak Amir MS tu.
Kok alun punyo.............................
Masih tasadio buku ( 7 buah)
"Adat Minangkabau - Pola dan Tujuan Orang Minang"
Oleh : Amir MS
Arago Rp 35.000,- Tamasuak ongkos kirim ( INA).
Silahkan transfer ke bank BCA Bogor
a/n Amzar Bandaro ac 095 020 0669
Sagalo keuntungan dai penjualan buku ko, akan disumbangkan
untuak Rantaunet Foundation.
----- Original Message -----
From: Dedi N.
Assalamu'alaikum wr.wb.
Ado babarapo urang pakar (ambo lupo namo no) nan mangato-an baraso bangsa
Indonesia ko kalau hal-hal nan basifat individu banyak nan berhasil, tapi kalau
lah bakumpua dalam tim jarang nan sukses. Contohno dalam bidang olah raga, bulu
tangkis, catua, angkek basi nan cukuik sukses; kudian main imban, basket, poly,
dlsb nan agak payah. Kalau dibidang usaho, kalau usaho tu CV atau PT lailah
agak lumayan, tapi kalau nan namono koperasi lah 55 taun mardeka masih jauh
taicia.
(......................)
Dilapau ambo caliak banyak pakar, mungkin bisa di uleh apo resep supayo kito
sacaro Tim juo bisa tokcer/hebat gitu.
Salam,
dn
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: rantaunet-unsubscr...@googlegroups.com
Untuk melakukan konfigurasi keanggotaan di:
http://groups.google.com/group/RantauNet/subscribe
