Sanak khususnyo Adiak-adiak di palanta nan ambo hormati nan indak disabuikkan namonyo sorang-sorang.
Sato pulo ambo *maota matoa* iko Kutiko mambaco postingan Dnda Jp tentang buah Matoa nan aslinyo barasa dari Irian/Papua tumbuah pulo di Pekanbaru, mako ambo ingek jo Matoa di tapi jalan di muko rumah, nan ambo tanam 7 tahun yl. Bibit Matoa itu barasa dari kawan, pegawai Pertamina nan tingga di perumahan Pertamina. Jadi mungkin Matoa iko alah disebarkan oleh pegawai-pegawai Pertamina nan pernah bertugas di Sorong Papua. Matoa iko raso dan bentuknya mirip buah Lengkeng. Cuma ado rumor nan paralu dipareso, katonyo indak buliah dimakan banyak-banyak karano akan menyebabkan relapsnyo malaria pada penderita kronis. Disamping materi wajib barupo petunjuk program-program Puskesmas, dulu ambo akan selalu membekali biji jariang kapado setiap dokter Puskesmas nan ditatar. Jariang iko supayo ditanam di pekarangan Puskesmas. Iko ambo lakukan karano maliek pengalaman/carito seorang staf lokal kedutaan besar Indonesia di Kairo. Di sinan ado sebatang pohon Mangga tumbuah subur. Staf lokal tsb, urang Masia dengan senang hati dan bangga mancaritokan bahaso Mangga itu ditanam oleh Soekarno kutiko beliau bakunjuang ka sinan. Daripada maninggakan kodak pribadi nan ka diciri i dek cecak labiah rancak anda mananam jariang. Kok mujua, jariang iko lai ka babuah dan buahnya diulam dek urang desa, kato ambo mamotivasi dokter-dokter baru itu. Dari pareso data asal para dokter muda itu, umumnya mereka barasa dari keluarga anak-anak urang kota yang kurang mengenal tumbuhan. Jadi kemungkinan bibit Jariang itu indak ka ditanamnyo, kalau indak diinstruksikan untuak hal tsb. *Suryadi: Baa sanak? ka baambisi juo kito mambuek KAPATABANG atau negara kito ko kito bangun berbasis pertanian dan perikanan?* Paralu kito inokkan kalimat Dnda Suryadi nan ambo kutipkan iko. Cuma kito alah didahului pulo dek Thailand nan alah salangkah labiah maju dari kito. Ahli-ahli pertanian kito cq sarjana pertanian kito perlu menjadi lokomotif di bidang iko! Ado ubek/pupuak saharago Rp 300.000,- sekaleng nan dibuek dek urang Thailand yang bisa meningkatkan produksi buah berlipat-lipat. Pupuak/ubek iko hanyo untuak satu macam pohon buah sajo, lain buah, lain pulo pupuaknyo; baitulah contoh kamajuan mereka. Salam Abraham Ilyas 64th www.nagari.org -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
