O..LA...LA , indah nian dendang RAKIK MACO.....sampai kapanpun Uni enggak akan bisa merangkai kata dalam bahasa Minang yg begitu elok. yang Uni tau hanya rakik maco itu memang enak sekali , dan selalu jadi oleh - oleh buat keluarga. Kalau disuruh membersihkan ikan maco tersebut ampun........bisa ngantuk .Anak-anak uni suka sekali kalau digoreng kering , disimpan ditoples , KALSIUM nya bagus sekali. Wassalam Dewi Mutiara.
--- On Fri, 12/25/09, andikoGmail <[email protected]> wrote: From: andikoGmail <[email protected]> Subject: [...@ntau-net] Seri Dendang Kuliner IV : Rakik Maco To: [email protected] Date: Friday, December 25, 2009, 1:52 PM *Seri Dendang Kuliner IV : Rakik Maco* / / /Cancang lobak gulai sinangi, dibuek anak rang padang/ /Lauik sabak karang manangih, riak bacarai jo galombang/ Baitu bana sanak, kapandaian tukang pikek, tarambau badan dek cahayo telong, disentak tali ujuang payang, takuruang badan di dalam pukek. Tapi bialah sanak, sungguahpun badan banamo maco, urang sisiahan di tapi pantai, anggan anak bagan mambao pulang. Tapi disinan badan mangko paguno, ditangan One manjadi rakik, rakik maco rang imbauan. Kok rakik maco nan kadisabuik, disinan batamu rantau jo lawitan, lawik sati rantau batuah, ujian anak-anak rajo. Kok ndak mode itu, indak kamanjadi si rakik maco, ka abih badan paumpan ikan, pamenan sianak payang. Apolah janjian maco jo bareh, baserai kasiak tanah malako, tanamlah padi jan bingkuang, bacarai iduik indak mangapo, asa jan mati salah sorang. Baitu bana rakik maco mangko jadi. Kok maconyo, camin taruih cahayo matohari, kilek bakilek ditimpo paneh, gapuak indak, kuruih nan lai, sakali lipek masuak muluik. Batahun maranangi lauik, samba manyemba galombang tibo, namun nan dagiang, indak sato masin, baitu bana taguah pandirian. Kok tapuangnyo, tapuang bareh elok ka badak, di tumbuak Puti Cinto Dunie. Bareh lamak, paragiahan bako, makonyo sato manambah dagiang. Tumbuak aluih tampian samparono, kamanjadi sariak sajo si saringan. Kunik datang mambao rono, tapak leman diracik ka manjadi kawan. Lado datang maagiah raso. Aia diambiak dari lubuak larangan, tampek baniek urang nan singgah. Disinan satinyo aia, manyatu tapuang jo bumbu, manyeba garam saujuang kuku. Kok cetakannyo, cetakan dari timbago, dibaliak bukik asanyo. Dampiang badampiang jo ameh, badunsanak jauah jo perak, dek itu mangko angku putiah manjajak Salido. Salasai sandi dicetak, iyo nan dari zat pilihan, disinan badan dirabahkan, susun basusun manyaok cetak. Sakatiko badan tajun, kabalango angek manggalagak, sandi manguniang mangabek diri. Tapi yo baitu bana pandirian sanak, nan badan tetap baraso maco, karupuak tetap babaun kunik, dek minyak iyo minyak santiang, bakapa urang labuahkan. Katiko badan banamo rakik maco, manjadi oleh-oleh ka urang rantau. Raso nan indak barubah, badan nan tatap rapuah-rapuah cayah. Jikoklah dimakan, nan maco datang jo raso maco, datang manyambuik raso rakik. Tapi alah basatu kini maco jo rakik, manari-nari di kiro-kiro, ibolah lidah malapeh pai, tapi rangkungan indaklah saba. Ganti baganti jari mambinjek, badaruak-daruak dimakan gigi, tundo batundo jo aia kopi. Maleh patang hari. Dek lamak si rakik maco, raso kamanyumpah ka matohari, mangalah hari alah sanjo, lutuik lah guyah gigilah tangga, banyuyuik jadinyo si rakik maco. -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
