Assalaamu'alaikum wa rahmatullaahi wa barakaatuhu Ejaan "mangkampo" dalam postiang Rina nan di bawah lah ambo komentari sabanta ko sabanano "mangampo".
Kok dikana-kana, speech community ko iyo indak tabateh jo daerah-daerah nanbajarak-an jauah doh. Misano antaro Biaro jo Balaigurah sajo, lah barubah "nyo" jo "no". Di Biaro Urang ba"inyo-inyo" di Balaigurah urang ba"ano-ano". Khusus tantang diri ambo, karano rumah ambak ambo di bateh Biaro jo Balaigurah, pamainan ambo diantaro duo speech communities ko, ambo alah tabao rendong, kadang-kadang baano-ano" kadang-kadang bainhyo-inyo tagantuang josia ambo mangecek. Jo Angku Lembang jo dalek Kototuo lasuah ambo ba"no", jo Angku Eltah jo dialek Biaro ambo ba"nyo". Aaa, mantun lo du. Satantangan akhiran "uik" jo "uk" dan ciek lai "uih" jo "uh" ko iyo variasi dialek nan lamak diotaan urang. Misano antaro awak di Balai Gurah jo di Canduang sin lah batuka antaro "japuik" jo "japuk", antaro "abuih" jo "abuh". Tantu Angku Darul daopek manambahi contohno. Baitu juo ka Banuamou, takana di awak MakBan (Amzar Bandaro, alm.) signature email baliau "Montir Lauk Jawa". Maerak awak saketek ka Situjuah di Lereng Gunuang Sago, Pek Ten, dima "a" kadang-kadang lah barubah manjadi "o", takana kawan ambo (Sjamsir Djohari, alm) bagarah, "Kontuk balopuk" ... Salam, --Nyiak Sunguik [Nan indak "basunguk"] ... :) --- In [email protected], Muhammad Dafiq Saib <stlembang_a...@...> wrote: > > Assalaamu'alaikum wa rahmatullaahi wa barakaatuhu > > Rina nan di Batam > > Banyak contoh lain tantang pangucapan kato nan balain-lain tangguang tu > antaro ciek jo lain tampaik. Samisal, kian. Ado nan manyabuik kiyun, keen, > bahkan ciyun. Kalau di kampuang Rina urang manyabuik kinyak, di kami kanyiak. > Ado lo nan manyabuik kaniyak. Biko, ado nan manyabuik beko, ado nan baiko. > Agaklabiah jauah bedono, adolah pangucapan kato-kato nan di sabagian kampuang > babunyi 'uk' di tampek lain babunyi 'uik' sarupo japuk - japuik, turuk - > turuik, lauk - lauik, sipuluk - sipuluik dsb. > > Wassalamu'alaikum > > Muhammad Dafiq Saib Sutan Lembang Alam > Suku : Koto, Nagari asal : Koto Tuo - Balai Gurah, Bukit Tinggi > Lahir : Zulqaidah 1370H, > Jatibening - Bekasi > > > > > ________________________________ > From: rinapermadi <rinaperm...@...> > To: [email protected] > Sent: Fri, February 19, 2010 1:34:16 PM > Subject: RE: [...@ntau-net] Apo bedanyo? > > O mantun du iah Mak Ngah, > > Ampia saroman jo kasus nan tadaulu ukatu rina manyabuik manggampo manggih, > padohal kecek Mak Ngah nan batua mangkampo dek asalnyo dari kato kempa. Dek > Speech community juo ko mah ndak Mak Ngah. > > Mokasih Mak Ngah, sabananyo ingin batanyo tantang ririk, dirik jo lirik ko > alah lamo, sajak acok mambunyian kaset Betharia Sonata tu. Di dalamnyo > banyak lagu nan rancak-rancak lo diantaronyo Anak Salido, Uda Zainuddin, jo > Pasan Mandeh > > Wassalam > Rina -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
