Dunsanak Adyan di Palanta RN,
Rumah tu batua nan dikecekan Lembang Alam . Rumah gadang tu iyo lah
lamo tingga, iyo sadiah awak mancaliak banyak rumah gadang nan tingga
ko. Rumah gadang kayu ko kalau indak *diunyi *( didiami), iyo capek
rusak baiak dimakan *sirutuh* ( rayap ) atau *asai ( *ambo indak tau
bahaso Indonesianyo *). *Katiko ambo pulang sabulan nan lalu dan ba*
kuretangin* ( bersepaeda ) lewat di jalantu, iyolah rusak bana nampak
dek ambo rumah tu ( basapeda adolah kabahagiaan ambo nan sabana nikmat
tiok ambo pulang kampuang kiro kiro sakali 2 atau 3 bulan, pagi pagi
alah basapeda bakaliliang hinggo tau sen urang kampuang ambo lah pulang
pulo. Ambo sadiah mancaliak anak anak nan ba motor atau naiak angkot pai
sakola jo jarak nan bisa ditampuah jo sepeda bahkan jalan kaki. Bajalan
kaki ka sikolako sabananyo nikmat, mereka bisa bercengkrama sepanjang
jalan, kadang bak kaja kaja ,dan banyak pulo nan nampak sapanjang jalan,
alam nan indah, udaro nan barasiah, bisa mamparatian binatang, tanaman
dan lain sabagainyo dan nan pantiang pulo olah raga sambia manambah
masukan oksigen ka dalam darah nan dibutuhkan otak mereka untuk menambah
daya ingat atau memory mereka ). Mamak rumah rumah gadangko iyo banamo
Ismail bagala Dt. Simajo Batuah, lah maningga mungkin dek usia tuo,
katiko ambo baumua 7-8 thn . Baliau tu ambo panggia* Inyiak Piuk (
*generasi diateh *Inyiak Aki = kakek ). *Baliau punyo kakak padusi
surang, nan punyo anak surang padusi surang laki laki .Kamanakan
baliauko baranak padusi surang pulo nan indak punyo katurunan, lah
maningga kiro kiro labiah 20 tahun nan lalu. Itulah sababnyo rumah tu
akianyo indak ado na merawat. Jadi kalau Adyan panah bacarito jo urang
disitu, mungkin dunsanak jauah sasuku.
Pakaro *Damang cingkuak* nan disabuik dek dunsanak Taufiq Rasyid,
bukanlah Ismail Dt Simajo Batuah tu, kalau ndak salah rumah nyo sakitar
tugu tu.
Mengenai Rumah gadang handaknyo jadi pamikiran awak basamo pulo,
meskipun mambuek rumah gadang dari bahan kayu bantuak sisuak iyolah ndak
mungkin kini dengan berbagai sebab. Namun satidak tidaknyo arsitektur
dari atok jo ukirannyo masih bisa awak pertahankan. Jadi ambo yo maimbau
kok lai pitih dan ado pulo tanah , kok kamambuek rumah dikampuang
janlah dibuek rumah batingkek model Pondok Indah atau Kelapa Gadiang tu,
bueklah rumah bagonjong, apolai kini lah bisa pakai kasau apo namonyo
yo, kalau ndak salah dari alumanium, jadi pemeliharaannnyo labiah
murah. Jan sampai gonjong tingga dikantua atau muko rumah makan sen
lai. Gonjong nan paliang rancak yo nan dibuek urang Payakumbuah, sabana
gagah manjulangnyo.
Kalau rumah gadang ukiran lamo di kampuang ambo alah agak susah, tapi
masih ado. Ado nan baru jo gaya moderen, tapi masih tetap kita merasakan
suasanana Minangnya. Kalau Adyan lain kali jalan jalan singgahlah
karumah ambo kalau ambo sadang dikampuang. Di tugu *Perang Kamang* ,
babelok kakida kalau dari arah rumah gadang , lewat jambatan, malereang
kakida manampuah pasawangan di kaki bukik, tibolah di jorong ambo
namonyo Batu Baraguang. Pamandangannyo cukuik bagus, kalau anak ambo
pulang kampuang, kalau udaro rancak inyo naiak ka ateh bukik maambiak
foto, Kalau di taruihkan tembus baliak kajalan nan Adyan tampuah tadi.
Dari jorong ambo ko bisa manyubarang lewat mandaki bukik ka Kabupaten
Lima Puluh Kota, Sisuak acok urang maminteh lewat bukiktu ka Nagari
Suaian kalau ndak salah. Di waktu agresi 1948 -1949, jorongtu dijadikan
markas Dahlan Jambek salamo sataun, tantara diagiah makan dek panduduak
jorongtu, hinggo katiko napak tilas 50 thn perjuangan tu dibueklah tugu
peringatan dek keluarga Dahlan Jambek, sayang kalau ambo ndak salah tugu
tu ndak baagiah namo hehe.
Sakian dari ambo, mohon maaf sabab lah batele tele kian kumari
Isna
bah*asa *
Kito tunggulah nan dari uni Isna.. Memang rumah tu subalah kanan jalan
Kamang arah ka Biaro. Halamannyo agak randah sangenek dari jalan.
Wukatu tu ambo lamo juo maota-ota jo uni nan maunyi rumah tu.. sabana sadiah
mancaliak rumah baukie sarancak tu rusak ndak dapek disalamaikan, mak
Dafiq... Rumah rang gaek ambo rumah baukie juo, dan ambo pun tukang ukie
sangkek bujang dulu... Ambo hampie selalu baranti dima-dima manampak rumah
bagadang baukie kalau nampak rumah tu rumah tuo. Ukiran rumah lamo biasonyo
sangat halus ukirannyo..
wassalam
adyan anwar
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
