Pak Saaf yth. Mengenai Dobbin itu mungkin nan dimukasuik adolah dari halaman 277 paragraf terakhir. Disabuikkan pendapat Imam Bonjol ukatu sholat Jum'at, namun indak disabuikkan adonyo ungkapan mengenai ABSSBK. Rujukan Dobbin adolah surang etnografer Balando. Hal iko tantu indak dapek dijadikan pegangan ilmiah satantang pernyataan Pak Saaf mengenai ABSSBK dimaksud. Tapi kalau nan manyabuikkan kajadiannyo di musajik sarato chronotope dan analisis hermeneutika-nyo sarato perkiraan tahun, adolah dari ambo sendiri, yaitu duo versi : - 1832, karono suasanonyo adolah bertahan dari penyerangan (Balando), dapek diliek dari postingan http://groups.yahoo.com/group/RantauNet/message/74343 - < 1821, karono pertimbangan usai pencerahan haji, sarato letak halaman penulisan tangah-tangah (55), dapek diliek dari postingan http://groups.yahoo.com/group/RantauNet/message/85747. Mudah-mudahan iko dapek menjadi koreksi ilmiah. Kemudian mengenai kejadian mambaka rumah gadang di Pandai Sikek, ambo raso bapak merujuk dari buku "Perang Paderi" karya Muhamad Radjab (1954), halaman 10. Namun nan disabuikkan dalam buku itu adolah 'balai' bukan 'rumah gadang', yaitu balai tampek urang manyabuang ayam. Dilakukan malam hari, dan sasudah itu Haji Miskin lari ka Koto Laweh. Mudah-mudahan hal iko pulo dapek maluruihkan pandangan sejarah bapak, supayo jaan takincau-kincau. Baitu tanggapan sarato koreksi disampaikan, tapulang moo kalau diraso kurang patuik. Wassalam, -datuk endang
--- On Wed, 2/24/10, Dr.Saafroedin BAHAR <[email protected]> wrote: Waduh, kalau manganai nomor halaman jo nomor paragraf buku Dobbin, iyo manunggu Datuak dahulu. Bia ambo cari dulu, karano kini sadang mangarajokan nan lain. Masalah ko alah bakali-kali kito bahas. Wassalam, Saafroedin Bahar (Laki-laki, masuk 73 th, Jakarta) --- On Wed, 2/24/10, Datuk Endang <[email protected]> wrote: From: Datuk Endang <[email protected]> Subject: Re: [...@ntau-net] Persiapan KKMP To: [email protected] Date: Wednesday, February 24, 2010, 6:09 PM Pak Saaf, satantang pernyataan iko: "Adopun tantang asa dari rumusan ABS SBK ko, dalam buku sejarah Christine Dobbin disabuikkan bahaso pado tahun 1832 Tuanku Imam Bonjol mambuek fatwa, nan kudian kambang jadi apo nan kini kito sabuik sabagai ABS SBK, sasudah baliau sadar bahaso kekerasan nan balangsuang salamo parang tu indak basausaian jo ajaran Islam nan sabananyo", Mohon kironyo bapak lai namuah manunjukkan pernyataan itu dalam halaman berapa dan paragraf berapa dari buku Dobbin. Kemudian untuak pernyataan iko: "karano kaadaan masyarakat Minangkabau maso itu sabana panuah dek maksiat, sampai-sampai salah surang di antaro tuanku Paderi -- tantu sajo dari aliran Sufi -- mambaka rumah gadang di Pandai Sikek sabagai protes kareh." Mohon kironyo bapak sadio menunjukkan sumber informasi (referensi) tantang hal itu. Tarimo kasih sabalunnyo pak. Wassalam, -datuk endang --- On Tue, 2/23/10, Dr.Saafroedin BAHAR <[email protected]> wrote: From: Dr.Saafroedin BAHAR <[email protected]> Subject: Re: [...@ntau-net] Persiapan KKMP To: [email protected] Date: Tuesday, February 23, 2010, 10:07 AM Inyiak Sunguik, kapanjangan KKMP tu adolah 'Kongres Kebudayaan Minangkabau Pertama' [ mungkin juo iko akan jadi nan kalimo, kalau dihituang jo kongres-kongres lain nan ado sabalun ko]. KKMP ko diprakarsai dek Gebu Minang, [salah satu] organisasi urang awak di tingkek nasional, nan didirikan tahun 1990 nan lalu, jadi sampai kini alah baumua 20 tahun. Adopun latar belakang diadokannyo KKMP ko adolah untuak marumuskan sacaro jaleh apo bana ABS SBK nan alah sabana banyak kito bahas sajak tahun 2003, khususnyo dalam Rantau Net ko. Gebu Minang ikuik dalam mancari katarangan nan jaleh tantang apo latar belakang dan apo makna ABS SBK ko,antaro lain sato mamprakarsai seminar tentang Perang Paderi, Januari 2007, karano dikiro ABS SBK ko ado kaitan jo Parang Paderi. Sairiang jo itu Gebu Minang mausulkan ka Gubernur Sumbar supayo mambuek panitia perumus ABS SBK. Panitia iko alah berhasil manyandiangkan 100 pepatah jo 100 ayat Quran, tapi alun sempat marumuskan baa manindaklanjutinyo. Karano itu Gebu Minang ingin sato malaanjuikkan karajo Tim Perumus nan dibuek dek Gubernur Gamawan Fauzi ko. Adopun tantang asa dari rumusan ABS SBK ko, dalam buku sejarah Christine Dobbin disabuikkan bahaso pado tahun 1832 Tuanku Imam Bonjol mambuek fatwa, nan kudian kambang jadi apo nan kini kito sabuik sabagai ABS SBK, sasudah baliau sadar bahaso kekerasan nan balangsuang salamo parang tu indak basausaian jo ajaran Islam nan sabananyo.Konflik antaro 'kaum adat' jo 'kaum agamo' kan mulai dalam tahun 1803, sasudah pulangnyo babarapo haji dari Tanah Suci, nan maso itu dikuasoi dek kaum puritan Wahabi. SC adolah singkatan dari 'Steering Committee' [bia nak gagah saketek tadanganyo, he he.] Ambo iyo agak ragu jo katarangan Inyiak bahaso ABS SBK ko alah 600 tahun usianyo, karano kok iyo baitu, rasonyo indak kapacah Parang Paderi tu, nan tajadi --antaro lain -- karano kaadaan masyarakat Minangkabau maso itu sabana panuah dek maksiat, sampai-sampai salah surang di antaro tuanku Paderi -- tantu sajo dari aliran Sufi -- mambaka rumah gadang di Pandai Sikek sabagai protes kareh. Ambo ingin bana mambaco buku nan Inyiak kutip [Sumber: Mengenal Sejarah Perkembangan Ketatanegaraan Kerajaan Pagaruyung di Minangkabau. Ditinjau dari Segi Arceologi & Sisiologi. Oleh Soedarso Salih. Alumni UNAND - Purn ABRI. dilengkapi dengan Ilmu Pengetahuan dan Hukum Adat. Cetakan Pertama 1985. Pribumi Offset Purwokerto.] tamasuak sumber bacaan nan dirujuak baliau. Tapi rasonyo buku sejarah karangan Christine Dobbin labiah andal, antaro lain karano dijadikan buku standar kuliah di Fakultas`Sastra Universitas Andalas di Padang. Sampai di siko dulu Inyiak. Wassalam, Saafroedin Bahar (Laki-laki, masuk 73 th, Jakarta) -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
