Sanak yth. Ambo cubo jawek saketek, indak badasarkan pengetahuan yang lazim, tapi dari pangalaman. Masalah harato nan diwariskan adolah harato nan alah dibarasiahkan dari kewajiban-kewajiban, seperti zakat, pajak, hutang-piutang, baleh-budi, wasiat (max 1/3), gono-gini, dll. Dalam budaya masyarakat virilokal, khususnyo di perkotaan, alah manjadi budaya perhitungan gono-gini atau harato basamo nan diperoleh suami-istri itu dalam kehidupan. Walaupun salah satu bersifat pasif dalam barusaho, namun tatap dihitung sabagai harato basamo (kacuali nan ditantukan lain dalam perjanjian pra-nikah) karono hakekat pasangan sucaro moral dan etika adolah saling dukuang-mandukuang atau bakarajosamo. Jadi dikaluakan pulo bagian harato gono-gini, dan kasudahannyo adolah 'harato nan diwariskan' nan dibagi sasuai tuntunan Hukum Islam. Baitu kiro-kiro masalah waris nan banyak balangsuang tarutamo di perantauan, baik sucaro syarak maupun budaya (adat). Kok salah, mohon ampun ka Allah swt. Wassalam, -datuk endang
--- On Mon, 3/15/10, Riri Chaidir <[email protected]> wrote: Dunsanak Sadonyo. DIbagian bawah pertanyaan ambo tadi ambo eksplisit menyebutkan "... karena istri saya juga bekerja ...". Nah, jadi nan ambo mukasuik adalah hasil dari pekerjaan dia setelah menjadi istri ambo, jadi bukan yang dia peroleh sebelum menikah dan juga bukan yang dia peroleh dari warisan. Ambo cubo mambukak Kompilasi Hukum Islam - Buku I (Hukum Perkawinan), Bab XIII (Harta Kekayaan Dalam Perkawinan). Disitu ada istilah "Harta Bersama". Nah, iko nan ambo minta dikonfirmasikan, dek karano - ambo bukan urang hukum - ambo mohon pencerahan, Apakah ini bukan berarti hasil pekerjaan istri yang dijadikan aset menjadi harta bersama? (artinya bukan harta istri lagi). Sekali lagi, yang ambo tanyokan adalah mengenai "tetap harta pribadi istri atau bukan". Kalau misalnya sudah pasti, tentang cara menghitungnya tidak terlalu sulit. He he, mudah2an dek karano lamo baurusan jo buku2 akuntansi, hak masing2 pihak di konglomerasi nan pakai "reciprocal ownership" pun bisa dihitung. Untuak Sanak Dewi, Alhamdulillah, diambopun salamoko ndak ado masalah tentang warisan do, tapi yang ambo ingin konfirmasi adalah masalah hukumnya, yang mungkin agak beda dengan kesepakatan. Riri Bekasi, l 47 2010/3/15 Fitr Tanjuang <[email protected]> AslmWrWB Iyo baitu pamahaman ambo, pak Riri. Kalau pun adoh konsep gono-gini, sajak bilo mulai dietongnyo. Seandainyo istri lah kayo sajak sabalun nikah, apo ko masuak etongan juo? Atau mahar misalnyo? Harato sia iko? Jaleh punyo istri kan? nan didapek dari suaminyo di awal manikah. Kalau lah jadi gono-gini pulo, apo gunonyo mahar? Mungkin kecek kito apo pulo nan diribuikan jo "seperangkat alat sholat jo mushaf alqur'an"? Di kito iyo mungkin baitu. Tapi adoh juo nan maharnyo rumah milyaran atau oto mewah. Baa agak hati maentongnyo?..:) Ciek lai, ahli waris ko indak anak2 sedoh. Masuak rang gaek ka duonyo jo saudara2 kito, bahkan paman jo bibi, tergantung kondisi almarhum. Nan punyo anak laki2, ok lah. tingga se anak jo rang gaek lai. Tapi nan indak punyo anak atau hanyo anak padusi, saudara almarhum dapek jadinyo. Contohnyo ambo nan baru punyo anak padusi. Ahli waris jadinyo urang gaek ambo kaduonyo, istri, anak padusi ambo jo adiak+kakak ambo nan barampek. Lai kamungkin harato bini ambo sato pulo dibagi2 untuak ipar2nyo? Nan adoh, istri ambo dapek 1/8 bagian dari harato ambo. Baitu juo sebaliknyo kalau istri nan duluan maningga. Indak adoh lo harato ambo dibagi2 pulo untuak ipar2 ambo. Nan adoh ambo dapek 1/4 dari harato istri. Untuak barang nan nilainyo ketek2 iyo lah bisa samo tenggang manenggang atau cuek2 sajo. Tapi kalau lah puluhan juta sampai milyaran nilainyo, tantu indak bisa model itu. Samaso kito hiduik iyo lah bisa didamaikan. Tapi sapaningga kito, lai bisa kito jamin? Untuak Bu Dewi, ilmu waris iyo susah. TApi itu amanat Nabi nan sacaro khusus disabuik saparo agamo, cmiiw. Minimal kito tau lah, kasus diri kito jo rang gaek masing2, sia ahli warisnyo dan bara masing2 pembagiannyo sahinggo indak bacakak kito badunsanak atau anak2 sapaningga kito. Sasudah jaleh bara jatah masiang2, indak baa doh saliang rila marilakan malapeh hak untuak dunsanak nan dianggap bangsek. Tapi indak main serobot doh..:) Nan indak namuah indak bisa dipaso. Baitu pemahaman ambo. Ko salah bialah buya2 di siko nan maluruihkan. Wassalam fitr tanjuang lk/35/albany NY -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
