Sanak Andiko Curito naiak gunuang. Ambo taun 74 lai pulo naiak gunuang ....tapi ka Marapi indak Singgalang
Tapi ukatu itu jalan masih lumayan banyak samaknyo. Sahinggo ladiang sangat paralu terutamo untuak nan jalan dimuko Samo jo nan banyak dilakukan urang. Kami naiak dari Koto Baru bateh menjelang magrib. Sasudah malapor di kantua Polisi disitu Disitu kami laporkan asal sekolah kami,jumlah nan naiak gunuang sarato jumlah/jenis bekal makanan nan dibao Manjalang tangah malam kami tibo di pasanggrahan dan istirahat disitu. Baka/nasi bungkuih dibukak, kopi pun dimasak Selain itu ado juo nan minum anggur untuak maangek an badan Kalau indak salah maso itu ado anggur Tjap Orang Toea nan kemerahan dan encer sarato Avocado nan kekuningan dan agak pakek Maso itu anggur salain untuak urang nan bakarajo kareh juo banyak diminum ibu-ibu nan baru salasai malahiakan Ambo indak tau barapo kandungan alkohol kaduo macam anggur itu. Baitu juo apo memang bermanfaat untuak urang nan bakarajo/ mangaluakan tanago barek sarato bamanfaat untuak Ibu-ibu itu Mungkin pak Suhaimi bisa manarangkan ka kito basamo Dek karano kabuik mulai datang.. Sajak mulai dari nan bajalan paliang dimuko sampai nan paliang balakang. Pinggang kami dimasuakkan tali dibaliak kopel-riem. Sahinggo kami kasadonyo macam ikan nan diatua dalam satu ikatan Payahnyo kok ado nan ta sialia atau terpeleset bahkan jatuah takoleng dalam mandaki. Kawan nan dimuko sarato dibalakang bisa terimbas dek inyo Kok indak sanggup manahan bisa cukuik banyak nan takoleng atau taluncua ka lereng dikiri-kanan jalan Tapi dek karano itu kami tatap salalu basamo. Indak ado nan ta-icia Kok baranti di pandakian itu nan paliang ateh dan paliang bawah ma-ikekkan pinggangnyo ka batang kayu tampek basanda Sekitar jam tigo pagi dilanjutkan perjalanan dan sekitar satangah anam pagi kami sampai dipuncak. Sekitar satu jam menjelang sampai dipuncak indak ado tanaman nan tumbuah lai. Mungkin karano pangaruah uap belerang dari puncak Merapi Pemandangan diateh lumayan rancak. Baiak mancaliak sakaliliang atau kadalam kawah Walau sinar mato ari alun begitu kuat ado juo kawan nan main-main jo kaco/ camin ..tapi rasonyo indak ado respon dari bawah he..he Sekitar jam tujuah kami turun baliak, takuik kok tibo pulo kabuik baliak. Sahinggo payah mancari jalan bahkan bisa sasek dijalan Sekitar jam duo siang kami malapor baliak ka kantua Polisi. Manyatokan kami lah salamat kembali Wass TR Sent from my BlackBerry® powered by Sinyal Kuat INDOSAT -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
