Andiko menulis : Kalau soal carito kuliner ko da, kalau diambo carito iko hanyolah satu pintu masuak dan sisi lain caro kito mempertahankan eksistensi ke Minangkabauan kito. Dari dapua kito barangkek, untuak mamaga nagari di kampuang halaman. Itu filosofi nasi bungkuih mandeh kanduang. Kalau alah di pinggang nasi bungkuih ko, baa bana basosohnyo parang ka diadoi, basususn bana ladiang nan tibo, jo kulimah sajo mara bahayo bananti, pasan jo sagalo pangajian alah di bungkuihkan bundo
Itu hakikaik dari nasi bungkuih jo samba alakadarnyo dari mandeh kanduang, apo lai sarapan pagi alakadarnyo nan uda caritokan. Ba tonggak-tonggak do'a nan di baco mandeh kutiko mamasak subuah-subuah. Untuang-untuang anak kanduang lai ka jadi urang, panolong dunsanak di kampuang, ka jadi paga dalam nagari " Ya andiko uda satuju bana taraso ka jantuang jo hati baa hakikat jo philosophy nasi bungkuik jo sarapan mande, bukan awak sajo dunsanak disiko jadul pasti marasokan juo baa bana nasi bungkuih jo sarapan mande, disiko bamulai langkah apopun aktivitas dan kegiatan nan dikarajokan Baa kecek Mande ambo kalau lah sarapan ko Nan partamo Sarupo kecek Andiko, oii nak kanduang sibiran tulang kok lah makan baaleh paruik jo nasi lai jo samba lado sajo pagi2 manjalang pai kalua "manantang matoari" kok ka parang2 lah lai nagari ko, kok ka jatuah2 lai lai bom japang tu di kampuang awak Nan kaduo Sarapan dulu nak kanduang, duduak baselo hadoi nasi angek jo samba buruak tu batanang-tanang, bia diisi paruik tu (dialeh) sabalun pai kasikolah manuntuik ulemu, lai kajadi rajo jo anak rajo lalu dihalaman rumah awak pagi ko, ndak ka awak acuahkan bana do, sarapan ko nan paliang pokok dek awak Co itu bana Andiko, Nah ado saketek joke ringan baa bana nasi mande tu kalau tibo dek awak baa bana kasiah sayang induak bareh ka awak supayo awak sarapan pagi jo nasi nan di tanaknyo Jadi kalau di kampuang (dikota iyo juolah) yo harus hati2 manjago hati dan kasiah sayang jo induak bareh sempat banyak ulah awak jo induak bareh nan mambuek hatinyo manangih Mako tangguang lah dek sutan "Lalok malam dapek pungguang, makan pagi dapek nasi dingin di pariuk itupun kalau ado kalau ndak ado tangguanglah surang kalua rumah minum sajo aia dingin di jerek agak sagaleh kalua rumah ha ha ha" Wass-Jepe Sent from my BlackBerry® smartphone from Sinyal Bagus XL, Nyambung Teruuusss...! -----Original Message----- From: andi ko <[email protected]> Date: Thu, 15 Apr 2010 12:37:41 To: <[email protected]> Subject: Re: [...@ntau-net] Romantisnyo mandaki gunuang Singgalang Ondehhhhhhhhhhhhhhhhhhh da Kok Saruaso nan ka dibaco, universitas gadang dulu disinan. Banyaklah urang baraja dulu kasinan, kutiko bendera Minangkabau masih berkibar. Puti-puti rajo nan tingga disinan, darah manurun ka anak gadihnyo kini, bak cando bulan purnamo 14 rono wajah gadih disinan. Kok dapek jadi urang sumando di Saruaso, gaji 4000, di agiah 5000 mah, 1000 lai bialah di utangan di kantua...ha..ha.... Yo tabayang bana dek ambo, baa capak cepong uda di ruang tangah rumah induak bako ko. Walaupun samba tagageh, tapi tetap sajo bagi kito sebuah menu nan panuah jo cita rasa. Baa bana pilin gulai pucuak ubi itu, tantu indak kamungkin lai singgah ka kadai nasi. Kalau soal carito kuliner ko da, kalau diambo carito iko hanyolah satu pintu masuak dan sisi lain caro kito mempertahankan eksistensi ke Minangkabauan kito. Dari dapua kito barangkek, untuak mamaga nagari di kampuang halaman. Itu filosofi nasi bungkuih mandeh kanduang. Kalau alah di pinggang nasi bungkuih ko, baa bana basosohnyo parang ka diadoi, basususn bana ladiang nan tibo, jo kulimah sajo mara bahayo bananti, pasan jo sagalo pangajian alah di bungkuihkan bundo. Oiiii nak kanduang Alah sandi rumah di asak urang Alah jalan bana dialiah urang Alah kapalo banda bana diruntuah urang Usah takuik nak ombak ka mahampeh, indak takuik mandeh ka bacarai Dari pado iduik baputiah mato, bialah mati baputiah tulang, tikamkan karih si ganjo era, lapeh sarato jo kulimah, aso hilang duo tabilang. Baitu Siti Manggopoh dulu mahadang ulando. Itu hakikaik dari nasi bungkuih jo samba alakadarnyo dari mandeh kanduang, apo lai sarapan pagi alakadarnyo nan uda caritokan. Ba tonggak-tonggak do'a nan di baco mandeh kutiko mamasak subuah-subuah. Untuang-untuang anak kanduang lai ka jadi urang, panolong dunsanak di kampuang, ka jadi paga dalam nagari. Salam Andiko Pada 15 April 2010 10:52, <[email protected]> menulis: > Iyo Andiko > "maracun bana rindu ka ranah bundo tapi maracun lai indak mambunuah" > > Diganjua-ganjua rindu jo cinto awak dibueknyo di rantau disinan pulo awak > mako malapangkan waktu, langkah jo rajaki pulang ka kampuang basuo jo ayah > bundo sarato sanak, yo ndak dalam hati sanubari awak tu tatanam namonyo > marantau cino tu > > Memang lah tasabuik marantau cino ko, balayia jo kapa dari cino tu pai > marantau, mandarek di tanah harapan nan kapa/tongkang ko di baka sakali bia > ndak ado nan baliak > > Co itu bana marantau cino makonyo di bagansiapiapi ado ritual atau event > wisata bakar tongkang > > Cubolah ambo intai2 dulu kalender akhir bulan ko, kok lai bisa libur2 > tangguang 4 hari (tamasuak sabtu minggu) bia ndak ambo lacuik si kudo bendi > ka ranah tanah data > > Oh yo lupo ambo mainfokan ka Andiko jo sanak nan salalu cinto ka ranah > minang jo sagalo kuliner samba2 buruak mande kanduang > > Tapi sabalunnyo kok ado nan batanyo atau ado jo nada minor agak singik "si > jepe ko caritonyo paruik ka paruik sajo" > > Mako bagi ambo memang ambo sangaik suko dan mengamati kuliner pusako bundo > nan lah manjadi sejarah dan tradisi nan panjang di ranah minang dan juo lah > menjadi salah satu kekuatan lebih dari ranah minang tacinto masalah kuliner > ko dan memang satiok suku di nusantara rato2 lidahnyo manarimo masakan > minang > > Dan memang ambo maraso "terprovokasi" dek salah satu kawan ambo nan > babijak-bijak keceknyo > > "Jangan main-main dengan perut (terbaca : masalah makan atau los lambung), > tu dilanjuikannyo "bukan mati nan waden takuikan tapi kelaparan" > > lalu sarupo kecek almarhum Buya Hamka kiro2 bantuak iko > > "Manusia ko batangka, bacakak dan babaparang itu karano mamparabuikan > sapotong roti" > > Ambopun meaminin kalau ado pandapek kesejahteraan rakyat banyak berawal > dari perut masyarakatnya, jadi hati2 pemimpin dan penguasa kalau tidak > sanggup mensejehterakan lebih dulu perut masyarakat banyak. > > Jadi Andiko wakatu Uda pulang kampuang patang singgah di rumah induak bako > di Saruaso > > Ado rumah jalan mande dek ambo, kok pulkam ambo yo buliah dikatokan "wajib" > singgah kasiko, amak baitu ambo panggia > > Lah sajak dari ambo bujang dulu inyo tahu bana jo salero samba2 buruak ambo > > Jadi yo tasasak alias takajuik ambo datang ka rumah amak ko > > Berangnyo ndak batokok bagai kawek dulu, tantu ka siap2 dulu mambuek samba > buruak > > Jadi di tahannyo ambo alun bisa bajalan lai sabalun makan tampek amak, > santa lah sabanta Andi jo Dedes di ruang tangah amak, ndak dimasakan dulu > samba "takajuik" > > Ambo ndak dapek manulak apo sambanyo andiko > > Yo talua itiak abuih bagoreng balah duo basiram jo lado baminyak2 tangguang > masih angek2 ado babarapo ikua bada kuriak basandiang jo talua itiak balah > duo ko sabana edisi terbatas he he > > Lalu samba lado patai nan ditokok2 sayang marono sakali kilek minyak tanak > ko di cipia samba lado ko, sabana harum > > Iko nan paliang menghanyutkan amak ko santiang bana manggulai pucuak ubi jo > kacang paga, sagalo baru pucuak ubi nan masih basah kanai ambun dikutiak > amak di pakarangan balakang rumah baitu juo kacang paga nan lah masak > bajuntai2 bagayuik di bilah bambu > > Onde Andiko, sabana pas padeh santannyo ndak pacah lai aia ludah tapi lah > ka mailia lai dek lain pulo angek2 baru masak aroma gulai nan sangaik pas, > dampaknyo ko awak tatap penuh penghayatan ahaaa mangaranyam sakali ubun2 > > Nasi baru batanak lo bareh baru (lai mambaok juo ambo 5 Kg bareh baru > bapasoan dari induak bako ko) > > Andiko bisa membayang sebuah sekuel makan siang di tampek amak ambo di > saruaso katiko tu ranah "baibo hati hujan ka hujan sajo hari dan lindok " > cuaca dingin > > Kok sato lah andiko makan disampiang ambo, lah tabayang bana dek uda > baralah ka ayun suok andiko ka muluik tu, ambo yakin samba ko bana nan > katuju dek andiko, samantaro ambo disampiang andiko begitu tenang dan > menghanyutkan suap demi suap berlabuh di mulut, ambo kalau makan kan nampak > dek andiko indak banyak pulo bajago2 juo, tapi dek samba amak ko..yo ndak > dapek diaka do, makan kanyang sakalian sabalun ka bajalan ndak ado singgah > di lapau2 lai untuak makan siang ka manuju sulik aia kampuang uda Rainal > wakatu tu > > Takana lah ambo carito di kampuang bako ambo satantang urang sumando nan > makan lamak di rumah kaum istrinyo > > Dulu2 caro makan di kampuang bako ambo (papa ambo) kok si sutan (sumando) > makan ko yo harus baambuangkan suok ka muluik aratinyo manjalang suok nasi > jo samba sampai ka muluik di lambuikan nasi ko ka muluik, indak dipapah > lazimnyo awak makan > > Bukan pakaro mudah juo caro makan nan balambuangkan suok ka muluik ko, ambo > pernah mancubo hasilnyo nasi taserak jolong sampai ka muluik jadi iko > nampaknyo suatu kebiasaan di kampuang bako ambo dalam sebuah seni dan > tradisi cara makan > > Nah jampang suok balambuang ko mambuek makan si sutan lamak, sampai kapalo > si sutan ko agak teleang deknyo yang bisa sajo berakibat kupiahnyo tangga > dari kapalo iko mencirikan pihak kaum istri si Sutan sukses manjago masalah > "los lambuang" urang sumando ha ha ha aratinyo samba2 burua buetan tangan > mintuo atau anaknyo yo mambuek minantu "ndak tahu diri" makan lamak jo > samba2 buruak nan khas, spesifik serta rasa yang menggugah selera..tabayang > Andiko sampai tangga kupiah si sutan dek samba mintuo nan luar biasa ko :-) > > Jadi andiko kok lai acok bakuliliang catat2 juo seni kuliner pusako ranah > minang, tradisi dan sejarahnya yang panjang, keunikan dan cara makan urang > awak di kampuang, samba2 tradisi dan kuenya dikaitkan dengan momen2 acara > tertentu dan lain sebagainyo, minimal punyo catatan dulu, siapo tahu bilo2 > awak bisa olah manjadi sebuah tulisan ringan kuliner bergaya humanis dengan > sentuhan joke2 ringan tingkah laku urang awak dalam cara makan dia, seperti > baa makan urang hobi paburu, bajamba, kekah, batagak kudo2, kasawah ladang > > Baa manuruik Andiko, laikah sabendi awak dalam ide nan ambo sampaikan ko, > > Wass-Jepe > Sent from my BlackBerry® smartphone from Sinyal Bagus XL, Nyambung > Teruuusss...! > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject. -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
