Waduhhhhhhhhhhhhh Roni Ado maso alang ka babega, maraok tabang ka Banda Sapuluah.
Kalau ambo di umpamokan jo Cindua Mato, kalau buliah, ambo ndak nio jadi inyo, bahabih-habih bana untuak Dang Tuangku, antah apo hebatnyo sanak Dang Tuangku iko, cuma anak rajo sae. Tapi ambo nionyo jadi Si Bungsu dalam Tikam Samurai, nan malala sampai ka Japang, Amerika dan sampai ka Vietnam. Satangah labiah jajak si Bungsu ko alah ambo tikam, mulai dari Pakanbaru, Singapore, Tokyo Jo Kyoto, Kamboja, manunggu pajalanan sisonyo. Tapi nan alun takao, mambali Samurai Asli di zaman si Bungsu ko iduik, zaman kutiko Japang kalah. Kalau disuruah ambo maminteh dari Solok Selatan ka Banda Sapuluah, raso ka batikam jajak Dubalang Pak Labah, nan mambao rombongan dari Ranah Surambi Sungai Pagu, pai Manaruko, etan ka Pasisie Banda Sapuluah. Tabayang nagari Talang Babungo, sampai ka Nagari Tapan Indopuro. Baralah kayonyo budaya nagari-nagari nangko. Kok sempat singgah, singgahlah ambo ka nagari Salido, tampek tambang lamo di bukak Ulando, yapadiah bana ati mangana lagunyo : Anak Salido anak salido ka parantauan Pandan dibaok pandan dibaok ka dipadagangkan Dunsanak tido ondeh tuan manga bajalan Kasia badan kasia badan ka ditompangkan Sungai Tanang sungai tanang tapian mandi Nak Bukiktinggi nak bukiktinggi mandi bakawan Kasiah sayang bakeh tuan tatuntuang abih Manga dek kini manga dek kini tuan rangguikkan Padiah bana karinduan, ka Bayang Sani jo Balai Salasa, lapeh ka ranah urang Painan. Ondehhh Ron, apolah sumpah kutiko mamancang nagari, mode iko bana makannyo Buluah Parindu, mamanjek dindiang rasonyo, raso dilacuik dek tinggam pari iduik. Jikok malamlah tibo, raso sahuik manyauik saluang nan jo ambok, sadiahnyo riak nannyo lagukan. Duduak tamanuang nan tuo-tuo, dimungko pintu rumah tuo, pandangan sayuik dimakan rabun. Tiok bendi baranti di labuah, di jinguak juo ka pintu, kok anak di rantau nan pulang, tapi ternyata ndak ado nan turun. Nan janjang, alah balumuik dek mananti, pabilo anak jo kamanakan ka pulang. Nan sanjo samakin mahampia-ampia, sabalun batamu jo nan satu, sakali handaknyo batamu anak kanduang. Tiok rayo, sipuluik alah rasan, pisang kaliang alah busuak, randang alah bajamur, indak ado nan ka mamakan, nan cucu alah indak tahu jo ranah, tiok di tokok telepon inyo ba bahaso si dongkak-dongkak. Salam Andiko Pada 15 April 2010 09:36, Syafroni (Engineering) < [email protected]> menulis: > Da Andiko, kalau lai babendi ka solok salatan, taruih an lah parjalanan > uda tu ka sabaliak bukik, buliah nak tambuih pulo ka banda sapuluah.. > mambayangkan da andiko bajalan ka situ, raso tabayang dek kito baa dulu > Cindua Mato marancah jalan satapak di saedaran Bukik Barisan dari Tanah Data > ka Indopuro kutiko manyalamaik an diri dari serangan Imbang Jayo. Di Buku > Cindua Mato dibaco, Bundo Kanduang bana nan manyuruah Cindua Mato pai > manyalamaik an diri ka Indopuro tu. > > > > Sakalian uda Mangunjungi Mande Rubiah di Lunang, nan mangaku masih > katurunan dan penerus Bundo Kanduang nan mangirok ka Langik, maraok di rimbo > Lunang. > > Salamaik banapak tilas Da Andiko Sutan Mancayo.... ciek pasan mande da, > elok2 manyubarang, jan sampai titian patah.... hehee... > > > > Salam > > smm > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
