Assalamualaikum ww Sanak FT sarato mamak dunsanak nan dirahmati Allah
Samantaro samo mananti pencerahan dari buya, awak ansua2 juo lah saketek, tapi nan ciek ko hanyo berdasarkan pengalaman pribadi ambo sajo, kok senteang kan iyo tolong dibilai, mintak maaf ambo banyak2 talabiah dahulu Tahun 2000 sasudah peresmian IKMR Kecamatan Mandau Duri dan pelantikan ketua terpilihnya oleh Basrizal Koto Ketua IKMR propinsi, dari hasil keputusan basamo ambo ditempatkan pado posisi sabagai Sekretaris Lembaga Niniak Mamak IKMR Duri mendampingi Ketua Lembaga Niniak Mamak Ustd Irsyad Dt. Makhudum nan urang Padang Panjang tun, bisa jadi ini dimungkinkan dek karano pertimbangan ambo pernah pulo jadi Sekum (orang no 3) PKDP dan pas pulo pado saat Peresmian IKMR Kec. Mandau Duri tahun 2000 ko, ambo di PKDP diplot sebagai Anggota Lembaga Niniak Mamak PKDP Duri utusan IKPC (Ikatan Keluarga Piaman Caltex) Duri Tahun 2006 ambo ter-bengong2 untuk masa bakti kepengurusan IKMR periode 2, ambo malah ditempatkan sebagai ALIM ULAMA bersama dunsanak2 lain yang memang sudah berprofesi sebagai da'i kondang, tantu sajo tapak tangan ambo bapaluah dek nyo, ma-ngiok2 angek dingin lah raso sabatang tubuah ambo ko, lai juo ambo pertanyakan namun jaweknyo, itu sudah final sudah kaputusan rapat, kecek'e, ko buku'e ha, ba itu karik ambo tu manyampaikan Dek indak juo sanang ati ambo, bisuak2nyo kutiko halaqah mingguan grup pengajian, ambo tanyoan bana lai ka Pembina kami yang kebetulan jebolan Al Azhar Mesir itu, apo bana nan sabananyo nan dikatokan Ulama tu? Manuruik Murabbi ambo tu, Ulama adalah mereka2 yang ber-ilmu dan bertaqwa kepada Allah SWT, artinya Ilmu disini dalam pengertian bukan ilmu agama saja, bisa saja dia itu seorang fisikawan, ekonom, sarjana kimia, geologi, sosiologi, kedokteran ataupun ILMU apa saja yang difardhu kifayahkan untuk menuntutnya sebagaimana yang di amanatkan Rasulullah SAW dituntut kita untuk menuntutnya walau sampai kenegeri Cina sekalipun, kalau dia BERTAQWA maka dia disebut ULAMA Jadi dari uraian ustad ambo tu ada terdapat unsur ILMU sehingga dia disebut sebagai ALIIM namun dia juga adalah orang2 yang berTAQWA maka ULAMA lah dia, kan ba itu mungkin arati'e nan ambo tangkok Orang kapir banyak yang ber-ilmu tapi tidak bertaqwa tidak bisa disebut ulama begitu juga lai bana inyo Muslim yang betaqwa tapi indak berilmu tantu indak bisa pulo disabuik ulama, kan baitu, antah ko indak? Indak pulo dijalehkan apakah ber-ilmu itu harus tamatan madrasah, pesantren, SMU, D3, S1 atau S2 dan S3 namun manuruik aka sihaik kito sajo go eh, samakin tinggi Strata nyo tantu samakin rancak molah, baitu pulo walau cumo tamaik madrsah atau pesantren atau SMU sajo nyo tapi lai samakin tinggi juo jam tabangnyo dan lai pulo taruih manaruih melakukan pengembangan diri tantu samakin rancak molah ke-ulama-an nyo, baa gak ati? Itu baru dari segi ke-ilmu-an, nah bagaimana pula dari segi ketaqwaan, tantu bajanjang naiak batanggo turun, babilang sajak dari aso, mangaji sajak dari alif, naiak dijanjang turun ditanggo kato dimulai dipangkanyo Nan kajadi pangka kato dek kito tantulah dimulai sajak dari Mosleem sudah tu maningkek pulo manjadi Mukmiin taruih sudah tu manjadi Muttaqiin, kan itu nyeh janjang naiak'e Kok kito ambiak kaji nan luruih2 sajo go eh, kan lai salasai dek kito mengikuti Penataran Tahunan Syahruttarbiyaah Ramadhan kapatang ko, kan kecek Allah juo go eh, mudah2an kamu manjadi urang2 nan bertaqwa, kok lai salasai2 sajo tarbiyah atau penataran Ramadhan awak kapatang ko, alah berTAQWA namonyo awak tu mah, kan baitu kato Allah dalam Albaqarah (2):183 Jadi, kok lai takaoan dek awak unsur nan duo tu, Aliim dan Muttaqiin tadi mako lah Ulama lah kito kini, jadi ruponyo cukup memadai lah kiro2 jumlah ulama kito, indak usahlah dipacameh bana kok kecek urang langka ulama kini, banyak kok ulama tu kini tamasuak antum2 semua, antah kok indak, baa gak ati? Kok ulama besar nan kito camehkan sabagai mano judul awak diateh, kok alun ka kini bana, mudah2an dari sabanyak ko kandidat tantu ado sajo beko tu nan ka mancogok, bak pasukan infantri go eh, tantu harus memasuki tahapan pelatihan klasifikasi RAIDER bagai molah dulu Baliak ka carito ambo sabagai Alim Ulama IKMR Kecamatan Mandau Duri tadi, sasudah mandapek pencerahan dari Murrabi ambo, tantu lai sumangaik pulo ambo jadinyo dan tantu sajo, ini sebuah tantangan dek ambo, tantu ambo usahokan samampu ambo pulo, kok indak panuah ka ateh, panuah kabawah bagai molah Kan nan maherankan ambo tadi, baa ko lah mangko ambo dianggap dek urang tu tamasuak ulama, kadang namuah ambo galak gadang sa-dareh2nyo, kan nan ganjia2 je aka urang ko taraso dek ambo Cumo ciek sasudah ambo baok bamanuang ka tapi batang aia, nan taraso dek ambo sudah tu, kan iyo sajak ambo pulang haji tahun 2002, nan kupiah haji ko iyo lai ambo pakai taruih kama pai dek baitu pulo janji kami nan saregu dulu kutiko di Makkah manjalang kapulang, bahaso kito harus pakai kupiah haji, sia nan indak lakek kupiah hajinyo kanai cikuih, Alhamdulillah alun ado ambo kanai cikuih lai doh kok mancikuih lai dapek sakali Dek kupiah haji ambo tu lai lakek taruih mako indak jarang ambo didaulat manjadi imam sumbayang bajamaah dimusajik dan kadang tapaso pulo harus pandai mandoa wakatu acara2 wirid kampuang tamasuak acara2 kamatian dirumah duka ataupun dipakuburan bahkan tapaso pulo ambo suatu hari didaulat dek urang persatuan kampuang ambo caramah agamo dek ustad indak tibo, ka baa lai, dek ambo kan tapaso apa boleh baut, ambo lakoni sajo, bak kecek mamak kito dikampuang go eh, kok indak ado alang, si pipik pun bisa jadi alang, mako ambo kao an juo sa-bisa2 ambo jadi ustadz dadakan tu, walau mulo2 dulu agak gamang juo, tapi dek jalan nan pasa lai acok batampuah, tu mah kasudahannyo "bisa karano alah biasa" kan baitu kecek pipatah Malayu Sesuatunyo memang melalui proses dan pentahapan, kok mulonyo urang kampuang ambo di Duri tu nan pendidikan formalnyo dibawah rato2, sahinggo iyo kerek bana we'e jo titel dotoranduih ambo tu, kini batambah pulo sajak pulang haji tu ambo dianggap lah jadi urang Siak bana kini, jadi kok dimasuakan namo ambo kadalam kelompok ULAMA di IKMR Kecamatan Mandau Duri tu, kan indak salah ambo tu doh, ambo kan indak pulo ado ma-mintak2 bagai doh, jadi ka baa jadi'e je lah, tu baa lai, ambiak sajo hikmahnyo kok lai ateh namo nan ka elok, baa gak ati Tambah carito ciek lai, dek bantuak itu kajadian-nyo, jadi takana2 lo dek ambo, baa ko lah dek lai sabanyak tu kawan2 di Duri nan pai haji, (maklum kecamatan kami paliang rekor jumlah jemaahnyo bahkan tahun 2002 tu ciek kapa tabang (kloter) 400 urang labiah, kito2 nan urang duri sajo isinyo) sapulang dari haji banyak kawan jamaah haji nan indak namuah malakekkan kupiah hajinyo, mancaliak babarapo contoh nan tampak, kasimpulan samantaro go eh, ruponyo sabagian kawan2 ko indak namuah malakekkan kupiah hajinyo dek takuik tu tadi molah kironyo, baa ka indak, kok dibaso-an urang beko awak jadi imam tantu manggacua paruik, awak lah haji tampak dek urang, kok dimintak urang beko baco doa panutuik pengajian tantu kalua paluah dingin, kok disuruah urang beko manggantian ustad nan berhalangan hadir tantu pucek damam pangguang awak di'e, jadi rancak kupiah haji ko di andokan sajo dalam lamari, tapi tantu indak sadonyo baitu, ado juo alasan-nyo nan sagan kok sok2 alim lo kecek urang beko, tantu sajo indak suai di ambo prinsip nan bantuak itu doh, padahal ghirah agamo paralu ado didado awak, jadi kuati'e je lah lai, egp aja deh, mudah2an ambo salah bakasimpulan dan mudah2an tidak begitu betul malahan sabaliaknyo lah andaknyo Jadi itulah pamahaman ambo tantang ULAMA tadi, kok senteang nan ka mambilai, kok kurang nan ka manukuak, kan iyo ambo pulangkan juo ka mamak sarato dunsanak nan basamo wasalam mohon maaf kok talongsong abp58 ________________________________ Dari: Fitr Tanjuang <[email protected]> Kepada: [email protected] Terkirim: Sab, 18 September, 2010 03:34:55 Judul: Re: Bls: [...@ntau-net] Risau, Siapa Pelanjut Ulama Besar AslmWrWb Buya, bisa dipajaleh bana ndak, apo bana kriteria untuak bisa disabuik ulama ko? Harus S1, S2 atau S3? Harus bisa bahaso Arab atau cukuik terjemahan sajo? Sampai bara hafalan Qur'an jo haditsnyo? Sampai bara dalam ilmu syariah/fiqihnyo? dll. Ciek lai, tantu indak samo antaro ulama jo dai atau ustadz. Baa caro membedakannyo dan apo fungsinyo masiang? Wassalam fitr tanjuang lk/35/albany NY -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
