Assalaamu'alaikum wa rahmatullaahi wa barakaatuhu
Ka tambah-tambah parhatian awak kok nyampang tajadi gampo, (di maa sajo awak
barado.....)
Katiko tajadi gampo aa nan musti dipabuek????
1. Katiko tajadi gampo barusaho untuak indak panik, paratian
getaran atau goncangan nan ditimbuanno sambia barusaho capek mainda.
2. Basugiro mainda dengan tanang dan bahati-hati ka lua rumah
(kalau awak sadang di rumah), ka lua gedung (kalau awak sadang di dalam gedung)
ka tanah nan lapang dan bebas dari ancaman apo sajo nan mungkin runtuah atau
jatuah.
3. Kalau goncangan-no sangaik gadang, sainggo dindiang rumah,
atau dinding gedung mulai ratak atau ado bagian rumah/gedung nan badarak-darak
sarupo ka pacah, mainda bana dari rumah/gedung ka tampek nan lapang jauah dari
bangunan, jauah dari tiang nan mungkin bisa jatuah.
4. Kalau rumah awak, atau gedung, atau sakola tampek awak
barado indak tapangarauah, aratino bangunan-bangunan tu lai tahan dari
goncangan
gampo, padohal gampo cukuik kareh, awak buliah baliak sacapekno ka rumah/gedung
sasudah gampo salasai. Tapi musti bahati-hati bana sabab mungkin sajo ado
barang-barang nan mungkin di posisi ampia jatuah di dalam.
5. Kalau awak tingga dakek pantai, tajadi gampo sangat kareh,
sasudah mainda ka lua rumah/gedung, paratian bangunan batingkek nan paliang
tahan di sakaliliang awak. (mungkin musajik, mungkin sakola, mungkin rumah
tetangga). Pai mandakek kian.
6. Kalau tampak ayia lauik suruik jauah ka tangah, itu tandono
ka tajadi tsunami, sabab sabanta lai ayia lauik tu ka babaliak naiak. Capek
mainda dari tapi pantai, naiak ka bangunan batingkek nan masih aman.
7. Naiak ka tingkek duo dari bangunan batingkek tu, sabab ayia
pasang tsunami tu tinggino masih aman untuk tingkek duo bangunan (pangalaman
tsunami Aceh tahun 2004).
8. Kalau awak tingga di lereng perbukitan, pai ka dakek
bangunan
nan masih bertahan saumpamo musajik, sakola atau bangunan lain, dan jadian
bangunan-bangunan gadang tu sabagai tameng (tampek balinduang) dari ancaman
longsoran.
9. Kalau awak sadang bakandaraan (oto atau sepeda motor) segera
baranti dan cari tampek nan mamungkinkan untuak balinduang.
10. Kalau awak barado di tangah pasa, di toko batingkek, di mall,
jaan panik, bausao banalah tanang untuak kalua dari bangunan atau pasa tu ka
tampek nan aman sarupo di ateh.
Itu labiah kurang saran umum untuak mahadok-i bancano gampo. Dan nan labiah
pantiang bana salain dari barusaho indak panik adolah batawakkal kapado Allah.
Mamintak palinduangan jo patolongan hanyo kapado Allah sasudah awak bausao
mainda.
Wassalamu'alaikum,
Muhammad Dafiq Saib Sutan Lembang Alam
Suku : Koto, Nagari asal : Koto Tuo - Balai Gurah, Bukit Tinggi
Lahir : Zulqaidah 1370H,
Jatibening - Bekasi
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta r...@ntaunet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/subscribe.
