Assallamualaikum, Menarik juo pertanyaan Pak Zul untuak kito diskusikan basamo, ...dulu katiko kaciak pulang dari surau sasudah sumbayang subuah, ambo acok disua Inyiak pai minun kawa kalapau, biasonyo tiok perai sekola ambo lai amuah pai manuruik kalapau, karano makan gareng pisang rajo jo katan angek nan dikaja...salain mandanga ota mamak jo inyiak inyiak tantang maso kini dan pangalaman "marantau' baliau saisuak...ampia sadonyo nan duduak dilapau wakatu itu parnah marantau, ado nan dulunyo berprofesi manjadi tukang masak rumah makan nan ahli manggulai cancang kambiang, ado pansiunan perusahaan minyak amerika, ado juo nan jadi mayor penerbang auri, pensinan pns kehutanan, pansinan guru dan ado juo nan panggaleh babelok ka malako, dan inyiak inyiak panggaleh bantiang taranak nan masuak kampuang kalua kampuang...
dari pangalaman maota dilapau tantu mambangkik an motivasi jo kainginan untuak marantau, tiok pulang kampuang ambo usahoan bana untuak pai minun kawa kalapau guno maulang ota lamo, basuo baliak jo inyiak inyiak walau sebagian lah banyak nan rareh. ...umunyo baliau baliau ko sato manjadi panguruih manjadi panguruih/ penasehat pembangunan surau/ kelompok tani, koperasi, dan kesenian kampuang, banyak juo manyumbangkan ilimu untuak kemajuan kampuang, manjadi nyiak jorong, nyiak wali nagari, pengurus yayasan sosial pendidikan dan balapau ..kini banyak juo para professional nan bakarajo 2x2 (duopakan karajo, 2pakan cuti) nan manatap dikampuang, bilo maso cutinyo tibo baliau batarak bantiang jo batanam lado. ..di rantau kito basuo urang awak nan lah pansiun nan 'agak' jarang pulang kampuang karano berbagai alasan nan umumyo mereka lah punah dan anak cucu sadonyo lah di rantau juo, jadi kalau pulang kampuang hanyo saroman turis sajo….dan wakatu lai boneh memang jarang manyilau kampuang..cangguang tibo dikampuang…pangalaman lain kito basuo urang awak dari padang panjang ,baliau seorang dokter senior lulusan kedokteran di salah satu univ di Russia, baliau takirim sekola kedokteran ka rusia zaman sukarno, sampai dapek rang rumah di Russia, ambo parnah batanyo ka baliau baa ko apak indak parnah pulang kampuang, karano profesi (praktek) dan usaho (RS) baliau jarang pulkam. Wassallam, AZDtRA -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta r...@ntaunet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/subscribe.
