Asalamu'alaikum WW Pak Andiko dan dunsanak lainnyo nan ado di Planta RN nan tacinto.
Memamng berbagai persi penerjemahan ABS ABK oleh para Penghulu dan Nniniak Mamak sarato para cendikiawan Adat Minang Kabau lah banyak nan dibukukan dan disosialisasikan dengan berbagai gaya bahasa dan pemahaman, namu pado hakekatnyo mempunyai tujuan dan mungkasuik nan samo walaupun dari sumber nan babeda-beda pulo. Terjadinyo masalah dalam implementasi dari penafsiran nan berbeda karano nan menafsirkannyo mempunyai kepentingan dengan implementasi, padohal nan sabannyo didalam ajaran adat itu lah jaleh nan sajaleh-jalehnyo nan disepakati oleh para leluhurkito. Cantoh-contoh dari masing-masing Adat nan Ampek itu sangaik jaleh : Adat nan sabana Adat, jaleh bana itu contohnyo agamo urang Minang Wajib Islam indak buliah di tawar-tawar, namonyo sajo Adat Nana Sabana Adat, iko adonyo memang sajak Islam masuk Kaminag Kabau dan ditarimo manjadi agamo resmi urang Minang. Adat nan Teradat, adolah suatu aturan nan sudah teradat dari dahulu dimano urang minang maambiak pasukuan dari garis Ibu (materinial), dan iko alah terpatri sejak dari Datuak Katumanggungan dan Datuak parpatiah nan sabatang malalui kajian dan pemikiran nan panjang dan setelah Islam Masuak ka Minang Kabau dikaji lagi oleh ulama-ualama Minang dan taernyato indaklah bertentangan dengan ajaran Islam. Adat nan diaadatkan adolah kumpulan dari berbagai tradisi masyarakaik minang didaerah-daerah nan kemudian malalui kesepakatan Pangulu Niniak Mamak, Alim Ualam jo tuangku, Cadiak Pandai jo Bundo kanduang sarato pemuda paga nagari, mako di adatkanlah tradisi-tradisiko nan disasuaikan dengan ajaran-ajaran agamo Islam, inyo ado karano diadatkan dan kalau inyo indak diadatkan mako indak kamanjadi adat, dan kalau suatu saat harus dirubah mako inyo buliah dirubah. namonyo sajo adat nan diadatkan, contohnyo kok di Piaman dulu laki-laki bajapuik jo saikua kabau misalnyo, kok kini mungkin jo ciek honda misalnyo, karano iko adolah adaik nan alah diadaikkan mako harus dipanuhi, tapi kalau indak sanggup mamanuhi buliah dirubah karano agamo Islam mengajarkan indak bulaih batal lo nikah urang karano itu. Sadangkan adaik istiadaik adolah ragam budaya dalam menjalin komunikasi dan interaksi nan indak tamasuak kadalam adat nan diadatkan, sapanjang itu indak bertentangan dengan ajaran Islam mako inyo manjadi adaik istiadaik. Satantangan Tanah Ulayat Pusako Tinggi nan Komunalko sangaik jaleh di Minang Kabau, seharusnyo indak paralu dipertentangkan kalaulah kitoko menyadari dan memahami ajaran adaik tantangan pusako Tinggiko, nan mampermasalahkan harato pusakoko kan adolah urang-urang nan auih harato sajonyo dan indak mangarati jo saluak baluak adat minang, apokoh inyo mamak, kamanakan, urang sumando atau anak, indak manyadari posisi dan tugas awak masiang-masiang. Harato Pusako Tinggi di Tanah Minang bukanlah harato pusako dari pancarian seorang ayah nan aharus diwariskannyo kapado anak bininyo, tapi adolah harato pasukuan nan dulunyo duusahokan sacaro bagotong royong oleh mamak dan kamanakan suatu kaum atau suku untuak kamanakannyo nan padusi dan anak-anak kamanakannyo sabalun pandai mancari. Tujuan harato pusako Tinggi dipaliharo adolah untuak malindungi kaum nan lemah yaitunyo kaum parampuan dan iko alah teradat dari dahulunyo makonyo kito maambiak pasukuan kagaris Ibu, sadangkan harato pusako randah yaitunyo pancarian pribadi Sang ayah tetap bisa diwariskan kapado anak bininyo, tapi jangan harato pusako tinggi dari suku awak nan dibaok karumah anak bini, dan baitu juo sabaliaknyo jan pancarian awak nan dibagikan ka dunsanak jo kakamnakan. Papatah Minag sangaik jaleh mangatokan : Kaluak paku kacang balimbiang Tampuruang lenggang lenggokkan Dibaok urang kasaruaso Anak dipangku kamanakan dibimbiang Urang kampuang dipatenggangkan Tenggang nagari jan binaso Anak dipangku jo harato pancarian, kamanakan dibimbing jo harato pusako, urang kampuang dipatenggangkan jo salang tenggang, tolong manolong,dan teanggang nagari jan binaso jo piie kurenah awak. Harato pusako Tinggi atau Ulayat dijua indak dimakan bali digadai indak dimakan sando (dijual tidak dimakan beli digadai tidak dimakan agun) karano memang harato pusako tinggi atau ulayat itu indak buliah dijua digadai karano inyo hanyoal buliah diambiak manfaatnyo untuak kamanakan, kalaulah harato pusako tinggi buliah dijua jo digadai mako mungkin kini Minag hanyo tingga namo karano harato kabapindah tangan dan ulayat kadiguluang urang. Tapi sungguahpun baitu gantaing putuih biang kok cabiak indak dapek bakisa lai mako tabukaklah pintu gadai bukan jua, manga dek baitu kalau gadai masih ado kamungkinan untuak dijapuik tapi kalau jua bapindah habih, contoh nyo iko sawah urang suku sikumbang tapi tagadai kaurang suku koto namun nan punyo sawah tatap urang suku sikumbang. Ado ampek macam nan tajadi makonyo harato pusako tinggi atau ulayat bulaih digadaikan : 1. Maik tabujue diateh rumah (kalau indak ado urang nan kamangubukan mako gadaikan harato upahkan urang mangubuakan) 2. Gadih atau rando indak balaki (apo bilo indak ado urang laki-laki nan namuah mampabini dunsanak atau kamanakan padusi awak mako gadaikan harato bali laki-laki untuak kalakinyo, karano aib di Minang Kabau padusi indak dapek laki) 3. Rumah gadang katirisan (atok tirih paranlah lapuak, diandiang lapeh janjang tagajai dunsanak jo kamanakan nan kataniayo, indak ado urang laki-laki nan kamamelok-i mako gadaikan harato pusako upahkan urang untuak mameloknyo). 4. Mambangkik batang tarandam managak-an gala datuak (indak ado pitih takumpua dari dunsanak kamanakan untuak pambali kabau sadangkan datuak harus dilewakan denganmambantai kabau dan mambaie uang adaik kanagari mako buliah mangadaikan harato) Salain dari nan ampek macam itu pado dasarnyo indak bulaih mangadai apo lagi manjua harato pusako. Mungkin itu dulu nan dapek ambo katangahkan kok batua ambiaklah kapidoman kok salah buanglah kablakang, mintak maaf ambo ka Pangulu jo Niniak mamak sarato urang cadiak pandai, dan mintak ampun ambo kapdo Allah. Tks Afrijon Ponggok Katik Basa Batuah 43,L,Pekanbaru Riau Dari: andi ko <[email protected]> Kepada: [email protected] Cc: Dikirim: Senin, 31 Januari 2011 15:54 Judul: Re: [R@ntau-Net] Mengenal Adat Minang Kabau Mamak, tarimo kasih atas pencerahan ko, tapi ambo membutuhkan penjelasan, apo contoh-contoh dari masing-masing jenis adat itu. Misalnyo, apokah konsep tanah ulayat nan komunal (dijua indak dimakan bali-digadai indak dimakan sando) dan sistem materinial itu adolah adat nan subana adat, adat nan teradat, adat istiadat atau bagaimana? Perdebatan soal adat Minangkabau itu salamo iko bukan pada tataran normatif, tetapi implementasi yang diawalai dengan penafsiran. Salam andiko -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
