Dahulu, ambo suko mancak-mancak dalam kalangan International Folk Dance di nagari urang. Ambo suko jo tri-tari dari Balkan, Turki dan Middle East, nan geraknyo powerful musik jo tambuanyo basemangat sambia baheptah-heptah. Tahun 1973 ambo panah juo naiak pentas mampatunjuakkan Tari Turki.
Nah, sahubuangan jo Sarawa Galembong ko, ambo caliak, para Turkish dan Bulgarian Folkdancers biasonyo mamakai sarawa galembong juo. Sarawa-sarawa gelembong ko pun dipakai anak-anak panari paruik (belly dancers). Lapeh ka arah Timur, ka Afghanistan jo Pakistan India, ireh-ireh sarawa galembong ko manjadi pakaian muslim nan dikenal jo "Salwar Kamis". Kato "Salwar" India ko diadaptasi di awak manjadi "sarawa". "Kamis" ko diadaptasi India/Pakistani dari "kamisa" Caro Sipatokah jo Sipanyol. Di awak "kamisa" ko diadaptasi pulo manjadi "kameja". Di ambo masih ado spasang Sarawa Galembong ko disimpan-simpan sakadar untuak tangka jumbalang. Saroman patang ko ambo caritokan, kadang-kadang bangkik pangana, balekekan pulo Sarawa Galembong ko. Sudah tu mancak-mancak surang pulo maheptah-heptah, lapohno kareh dari sipak, saroman juaro indak dapek lawan... :) Salam, --Nyiak Sunguik Sjamsir Sjarif Di Tapi Riak nan Badabua. --- In [email protected], Sutan Sinaro <stsinaro@...> wrote: > > Assalamu'alaikum. w.w. > > Carito-carito urusan sarawa galembong ko,... > Kapatang, ambo baru mancaliak persembahan Randai di Universiti Malaya. > Kami mangiro ado artis Minang nan datang ka Malaysia mambuek pagelaran. > Ruponyo sampai di dalam agak kecele dek karano persembahan ko adolah > persembahan Mahasiswa UM ditambah jo bara urang artis Sinetron nan memang > Urang > Negeri sembilan. > Kok di caliak penataan pentas jo rumah gadang nyo iyo sabana rancak, raso di > kampuang > pulo kito baliak. Rangkiang nyo tatata artistik, dalam ati ambo bapikia, bilo > urang ko > mampasiapkannyo ko, atau di baok dari Padang. Eh ruponyo bukan artis Minang, > tapi Mahasiswa UM tambah artis Sinetron dari Nogori Sambilan. > Katiko masuak ambo caliak talempong nan talatak di lua iyo sabana usali > rasonyo, > dek karano ambo cubo pulo manokok-nokok agak saketek. > Sudah tu katiko persembahan di mulai, bunyi talempong nyo persis sarupo jo > awak. > Bagi nan ndak pandai main talempong mungkin samo se rasonyo, tapi bagi ambo, > dek > pernah tau jo talempong dulu, jaleh pulo ma tokok nan usali jo nan indak, iyo > taraso > iko Minangkabau usali. Buliah jadi ado urang awak nan pandai nan hijrah ka > negeri > sembilan nan maajakan atau memang mereka baraja ka Padang Panjang. > Katiko dialog dimulai, dan nampak sorang artis Sinetron kalua, memulai > dialog, baru > ambo sadar ooo.... iko Urang nagari Sambilan jo bahaso nyo. Indak dari Sumbar > ko doh. > Sabab bahaso Nagari Sambilan adolah bahaso limo puluah kota atau payakumbuah > bacampua jo logat melayu. Lamang dek awak dinyo Lomang, ... bahaso pikumbuah. > Aden di awak dinyo den sajo. Tapi tibo di waang, bapakai kau, atau engkau > atau ko sajo. > Nampaknyo randai ko lah lamo dimainkan dek urang Nagari sambilan dan > dipentaskan, > dan jadi kegitan kesenian mahasiswa. Alur carito, bunyi gandang bunyi > suliang, pupuik > batang padi, bunyi talempong, petatah petitih, kasadonyo samo bana jo di > Sumbar. > Sarawa galembongnyo indak itam jo putiah sajo do, lah ado pulo tambahan2 > basilang- > silang kuning, tapi dasar merah itam masih ado. Lapoh randai ka sarawa tu jo > gerakannyo > masih samo. Cuma detanyo agak pendek dibandiangkan deta (destar) urang > awak nan > tapakai di adaik ataupun pementasan. > > .... Eh panjang lo carito ko... alah du.. > > (Sayang di awak, randai ko lah mulai hilang, mungkin dek urang ko bapitih, > sabab indak raswah kecek rang siko.) > > Wassalam > > St. Sinaro > > --- On Fri, 4/8/11, Lies Suryadi <niadilova@...> wrote: > > > From: Lies Suryadi <niadilova@...> > Subject: Bls: [R@ntau-Net] SARAWA GALEMBONG > To: [email protected] > Date: Friday, April 8, 2011, 12:08 AM > > Pak Gani jo Da Rahmadanil sarato Dunsanak sakalian, > > Nan jaleh warna hitam ko menyerap paneh. Itu sababnyo banyak pakaian pajabaik > kolonial dulu bawarna putiah, supayo paneh indak taserap ka badannyo. Kalau > indak, makin kalimpasiangan urang bule tu di di nagari awak, dek ndak tahan > paneh. Sejarah mancataik, dulu kutiko urang2 bule nan dikirim penjajah Ulando > dari Eropa sampai di Tanduak Afrika atau Terusan Suez, biasonyo pakaiannyo > baganti jo warna putiah, dek lah masuak ka cuaca angek manintiang. Kudian > warna pakaian nan putiah ko diadopsi pulo dek kalangan pejabat pribumi. Nan > kini banyak urang awak bajas atau pakaian lain dari kain bawarna hitam. Alah > paneh badan tu, akibatnyo banyak nan lalok sadang rapek atau kuker; kalau > sadang malobi2 lai nyalang taruih mato. > > Jadi, agak ati ambo, manga sarawa galembong ko itam rono e, mungkin supayo > badan nan mamakai paneh taruih. Maklumlah, namo e basilek jo barandai, kan? > Badan harus paneh, harus basumangaik taruih. Di sampiang tu, warna itam ko > dalam konteks budaya urang awak punyo konotasi adaik, sadangkan warna putiah > nan punyo konotasi agamo. Lieklah pakaian2 tuanku-tuanku jo ulama-ulama kito > dulu. Itulah sabanyo di ukatu Parang Paderi ado konotasi Kaum Hitam (Kaum > Adaik) jo Kaum Putiah (Kaum Agamo), bantuak nan dituluh dek Fakih Saghir > dalam memoarnyo. > > Iko interpretasi ambo sajo, tapi mudah2an bukan interpretasi nan arbitrer > sajo. > > Salam, > Suryadi > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
