Lintuah hati den sabana lintuah..... Mambaco Kompas (Ahad 19/6) yang manyatokan Banduang pakan-pakan tarakhie ko sabana mandapek dek raminyo turih dari Malaysia datang dan balanjo sagalo kabutuhan manusia moderen di "Kota Kembang" ko.
Padohal...., kalau maliek pola hiduiak, kultur atau adaik istiadaik..., Minangkabau jauh labiah cocok nan manikmati boom turih dari Malaysia nantun. Aa nan indak ado di Miangkabau untuak mamanuahi napasu shopping Dunsanak awak dari Malaysia tu? Kunci utamonyo, sudah tantu Pak Datuak (Iwan "PKS" Prayitno) dari kini-kini mamiciak talingo Kapalo Dinas (?) Pariwisata, basarato Kapalo Dinas Perhubungan (?) Provinsi Sumatra Barat untuak basitungkin dan pasang gigi tigo untuak sacapeknyo manyadiokan fasiltas untuak ka situ. Bukaklah mulai awal Semester I/2011 ko rute kapatabang (Lion Air atau Air Asia?) pulang baliak BIM-Kualalumpur. Di era zaman karajo capek dan balomba-lomba manjapuik bola ko indak paralu malu-malu doh maniru kasuksesan dari Banduang dalam manarimo Rakhmat Lil Alamin dari nan Kuaso. Cibo Sanak bayangkan, samanjak dibukaknyo jalan tol Cipularang (2005), buliah dikatokan banyak in-come rayaik badarai di Banduang nan tabangkuang. Satalah pugaiknyo rute Kapatabang (Merpati) dari bandara Halim PK Jakarta ka bandara Husein Sastranegara Bandung, kamudian tak lamo ikuik pulo pugaik rute PARAHIYANGAN dari Stasiun KA Gambir Jakarta ka Stasiun KA Banduang...., buliah dikatokan perekenomian samantaro rayaiak Banduang taluncua abih. Tanyato......, badai itu pun balalu juo. Barita nan dimuek dalam harian Kompas edisi Ahad (19/6) ko mambari pangatahuan bake kito "urang nan baiman" bahaso kalau awak tu yakin dan picayo bahaso razaki tu pasti kadibarikan dek Allah SWT bake urang nan bataqwa, dan picayo "doa urang nan tainjak adolah doa nan sabana mangkuih didanga Tuhan...", tantu indak ado buruaknyo doh kalau Dunsanak ambo nan kiniko sadang mamacik kendali kekuasaan & kebijakan di Minangkabau (provinsi Sumbar) untuak bakaco ka Pemda Banduang. Di nagari awak, aa nan indak ado untuak mamuehkan salero Dunsanak kito nan kalabihan pitih dari negara sarumpun tu? Baju sagalo macam mode nan dijua urang di Pasaateh, Pasa Aua Bukiktinggi, Pasa Raya Padang, Pasa Piaman atau Tanunan Silungkang, dan sagalo macam bantuak baju nan sabana cocok jo salero urang Malaysia, tasadio di nagari awak. Manga malah booming balanjo itu hanyo dinikmati dek Dunsanak kito nan di Banduang sajo???? Cucilah capek muko (mato) Dunsankambo di Bukiktinggi, atau Padang atau Piaman. "Rambahlah paku, bia tarang jalan ka parak" (Ijan sakali-kali mangarajoi turih nan datang ka nagari awak jo harago mancakiak lihie. Ikolah kunci utamonyo..!!!). Lintuah hati den sabana lintuah...... Salam......................, mm*** Lk-2, >50th, Bks http://content.kompas.realviewusa.com/djvu/Kompas/Kompas/19-Jun-2011/webimages/page0000001_3.jpg -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
