Tarimokasi tambahan garam basarato "daun ganjo"-nyo Sanak Dedi Nofersi.
Nan ditulih dek Dunsanak kito (Elfindri Guru Besar Fakultas Ekonomi Unand dan Dosen STIE H Agus Salim Bukttinggi) dalam PadEk tu batua kasadonyo. Ambo sandiri, tantang "citra urang awak dalam malayani tamunyo" tu..., kutiko sapakan sasudah "Gampo 30S2009" alah manulihkan pulo malalui r@ntau-net ko. Kalakuan pareman di bandara BIM dan sapanjang jalan arah ka Piaman kutiko awak "urang Jakarta" ka mancibo batanyo untuak manyalurkan bantuan dari Jakarta, sabana mambuek ambo jo kawan-2 kutiko tu "tabik suga". Kamudian laporan pandangan mato ambo tu, agak "dipaluruih" dek Dinda IJP via r@ntau net ko, bahaso itu hanyo "sabagian oknum" kalakuan pareman Jakarta nan lari ka kampuangnyo kutiko Gampo G30S tajadi di Sumbar. Masih saputa tulisan Sanak Elfindri, ambo jadi takana baliak pangalamanmbo kutiko pulang ka Bukiktinggi bulan lalu. Dari bandara BIM ambo naiak taxi jam 09.00, langsuang ka Bukiktinggi tampek kakak ambo sadang di UGD RS Stroke Nasional, Birugo. Ambo sabana indak manyangko, jarak nan biasonya kami tampuah paliang lamo 2 jam tu, kini bisa malah labiah 4 jam. Pukua 13.00 lewaik ambo baru tibo di Birugo Bukiktinggi. Tampaik balaruik-laruiknyo awak baranti di jalan raya Padang - Bukiktinggi adolah sakilo duo kilo manjalang pasa Kotobaru. Ruponyo, sasudah awak lewaik rumah makan "Aie Badarun" di subarang "Rumah Puisi Taufiq Ismail", basiap-siaplah manahan emosi dan makan hati. Sipaik asli urang awak sabagai "anak manusia nan tadiri dari dagiang jo tulang nan dikitari darah", sabana dipaliekkannyo di saaik macet manjalang Pasa Kotobaru tu. Potong mamotong jalan saliang mampaliekkan kapongahan, mamakai jalur suok untuak mampaliekkan waden bagak, ditamabah lai pareman sakitar sinan nan ikuik-2an "mambantu" sia nan namuah "dibantu" sabana manjadikan jalur sapanjang jalan Kotobaru itu manjadi jalur nan manyasakkan dado. Ambo sabagai "urang rantau", tapaso malaporkan kondisi nan ambo alami --partamo-tamo-- ka radio Elshinta (90,00 FM) Jakarta nan mampunyoi acara rancak "News and Talk (NaT)". Kamudian, indak lupo pulo mintak tolong ka Pak Polisi Republik Indonesia via 1717, mintak supayo "salengkang pengkang" jalan raya Padang - Bukiktinggi tumpak Kotobaru sacapeknyo dipalanca (istilah kami di NaT adolah : dicairkan). Meski Pak Polantas datang talambek ka jalan dakek Kotobaru (antah karano SMS ambo via 1717 kah? Antahlah...!!!), ambo sanang hati juo. Soalnyo Uni ambo nan "diinpus suok kida" di UGD RS Stroke Nasional, kato anak-anaknyo (kamunakan ambo) mananyokan taruih adiak bungsunyo, kok alun mancogok juo. Pado hal ngakunyo via SMS, barangkek jo flight GA partamo dari bandara Soekta Cengkareng. Tip ambo (diambiak dari pangalaman pulang kampunag kapatang tu), kalau nio INDAK MACET dalam perjalanan Padang - Bukiktinggi, IJAN PULANG KA BUKIKTINGGI HARI SINAYAN. Soalnyo, hari Sinayan tu adolah pakan nan sabana rami di Pasa sayua mayua Kotobaru nan talatak di sabalah kida jalan arah ka Bukiktinggi. Mungkin karano malimpah ruahnyo hasia lobak, wortel, tomat dan buncih nan dijua Dunsanak awak di Pasa Kotobaru tu, sampai-sampai jalan raya di mukonyo tapakai untuak embarkasi hasil bumi rayaik badarai di sinan. Sakian dulu komentar ambo satalah malapehkan uweh-uweh (istilah Dinda Dedi Nofersi, He he ...==>mm) mambaco tulisan Sanakmbo Elfindri. (Kalau Dedi punyo japri atau link bake Pak Profesor Fakultas Ekonomi Unand tu, indak baa doh surek listrik si m.m ko ditaruihkan ka baliau). Nah, mudah-2an Allah SWT bisa mampatamukan awak suatu kutiko antah di bumi Minangkabau antah di bumi rantau..... Insya Allah. Salam.................................., mm*** SAGALENMAANG LAMPIRAN SMS AMBO KA PAK POLANTAS KUTIKO MACET GADANG DI KOTOBARU NANTUN : Nama: Nomor: +628128033925 Isi: Macetnya smakin parah. Krn mbil yg arah ke Bkttinggi TDK DISIPLIN. Jalur kanan dri Bkt dipakai utk memprtonton keegoisannya dlm brlalin. Jalan raya Padangpanjang arah Bukittinggi, pas masuk pasar Kotobaru saat ini (9/5 : 12.25) bnar2 MACET BERAT. Sdh 1,5 jam kami diam. Antrian mbil sdh mencpai 3 km ke blakangnya. Tampaknya, pasar tumpah di Kotobaru (1 km dri Rumh Puisi Taufiq Ismail) yg menyebabkan kodisi lalin stagnan. Wualah Minangkabu... <Muchwardi Muchtar, on the way Pdgpanjang - Bkttinggi> Waktu: 09/05/2011 12:39:28. ________________________________ From:Dedi Nofersi <[email protected]> To: "[email protected]" <[email protected]> Sent: Mon, June 20, 2011 10:33:57 AM Subject: Re: [R@ntau-Net] BAA PANGANA BA-1 SABAGAI 'RAJO' DI PROV. SUMBAR...??? (Baa Kaba Kota Kembar Bukiktinggi-Kualalumpur? Kota Ciek Kunci Bukiktinggi-Terenggano? Nagari Ciek Induak Minangkabau-Negerisembilan...?? He hehee...) Pak MM Cobo lo di kilik http://padangekspres.co.id/?news=nberita&id=517 Sabagai palapeh uweh-uweh. Dedi N - 49"In Islam has a peaceful and happiness" Asal: Kotogadih, Sunua, Kurai Taji, Pariaman. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
