Tarimokasi, Pak Dosen. Kalau ado link, tolong sampaikan e-mail awak ko ka ja.pri Pak Datuak tu, yo. Soalnyo, nomor HP baliau kutiko --sabagai anggota DPR RI-- naiak ka kapa tanker kami (VLCC Pertamina, nan dijua abih dek Meneg BUMN Laksamana Sukardi, Juli 2004) di Hyundai Fusan Korea Selatan tempo hari, tampaknya indak aktif lai.
Dan, kabatulan ambo kini ko sadang duduak sapalanta jo 'adiak' ambo nan Dosen, izinkanlah si m.m agak saketek mangaluakan isi hatinyo. Soal tugeh Kada (maaf... kada di siko K-nyo huruf gadang!) memang mamaralukan skala prioritas. Tapi, kalau awak mangaco ka palajaran (MK) "Manajemen SDM" kutiko awak kuliah dulu, ambo raso perbaikan infrastruktur (fisik/ nyato) bisa disambiakan jo perbaikan (pembentukan) mental urang Minangkabau nan madani bapadoman pado blue print ABS-SBK itu tadi. Ambo liek di limo tahun tarakhie ko, kurenah anak mudo di sapanjang jalan raya Minangkabau (Padang-Bukiktinggi-Pariaman) alah mulai pulo maniru-niru kalakuan pareman di Jakarta. Tiok simpang jalan tampaik awak mamuta arah baliak di jalan raya Minangkabau, alah banyak pulo pareman-2 tangguang nan tagak di tangah jalan untuak mambantu awak kamudian mangangokan tapak tangan untuak diisi jo pitih "go pek" (Rp 500,-) atau "seceng" (Rp1000,-) Kutiko zaman ambo rinuak di tahun 60-70-an tempo hari, kami anak-2 remaja nan jolong gadang, kalau ado oto nan mogok di muko rumah kami, kami basamo-samo kawan-2 lain bausaho mandoroang atau mambantu dan batanyo, "a nan rusak Mak Supir?". Sarimih pun indak ado talinteh di pikiran kami kamamintak pitih ka Sitokar atau Supir nan sadang bakasusahan tu. Kalau kini.....? Antahlah...... Kalau sajo perilaku urang Minangkabau (generasi baru) akibaik diracuni globalisasi dari TV, koran dan filem-2 tu bisa saketek demi saketek diansua Pak Datuak Al Haj Irwan "PKS" Prayitno back to minangkabau culture 60-an, ondeh bara kasanangnyo (mungkin) hati Pak Saaf, Ajo Duta, MakNgah, JB, basarato Bundo-2 awak nan aktif di r@ntau-net ko. Jadi kredo Minangkabau nan di ateh kareteh ditulih ABS-SBK tu bisa dibuktikan dengan maliek kalakuan anak mudonyo di tahun 2011 ko. Apokoh masih ado nan santun, elok laku dan indak jadi tukang pangua maliek ado urang baru nan masuak ka kampuangnyo? Maaf, Dinda Ephi kalau e-mail ambo alah mancirutuih pulo kian kamari. Itulah repotnyo si m.m ko, nan masih juo tabaok kabiasaan lamo sabagai surang writer nan hobi mancikuih suok kida, baiak kutiko bakarajo di kantua mau pun sadang duduak baiyo sakato jo kawan-2 aktivis kemasyarakatan di Jakarta. Sakali lai maaf, kalau ambo alah talonsong kuok pulo dalam milis r@ntau net ko. Salam dari Bekasi....................., mm*** ________________________________ From: Ephi Lintau <[email protected]> To: [email protected] Sent: Mon, June 20, 2011 10:11:20 AM Subject: Re: [R@ntau-Net] BAA PANGANA BA-1 SABAGAI 'RAJO' DI PROV. SUMBAR...???(Baa Kaba Kota Kembar Bukiktinggi-Kualalumpur? Kota Ciek KunciBukiktinggi-Terenggano? Nagari Ciek Induak Minangkabau-Negerisembilan...?? He hehee...) Judulnyo bombastis bana.....Mak MM......, tapi kenyataannyo lai ndak sabombastis tu bana....., pak gub nampaknyo masih ba konsentrasi utk membenahi infrastruktur gedung perkantoran pasca gampo dulu........, mudah2an sajalan jo itu....jo diingekan taruih..bahwa wisata mesti jadi salah satu unggulan di sumbar..., tarutamo mambangun budaya masyarakat akan sadar wisata..sahinggo satiok turih nan tibo..sanang dan babakeh dek nyo service urang awak yo sabana santun....... salam ephi -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
