Tarimo kasih kumbali Pak MM, Mudah2an lah taraso garam dan ganjo no.
Sabananyo Pak, "kiniko" indikator kemajuan pembangunan "ekonomi" adolah jalanan macet, oto jo honda sambuah dan kurupsi makin manjadi-jadi. Kalau ado nan busuang lapa .... itu hanyolah ekses dari perkembangan pembangunan yang sangat pesat ini. Masalah aktifitas service/pelayanan indak hanyo nan manjadi sopir/pilot/masinis masih paralu dipaelokan, nan naiak taxi/bus/pesawat/KA pun paralu lo marubah diri. Nan naiak taxi/bus/pesawat/KA ko indak saketek nan indak disiplin dan ndak jarang nan pengen dilayani bak rajo. Ma lo bisa harago kaki limo mintak dilayani bak hotel bintang limo. Kan baitu ndak Pak. Dan hal nan bantuakko jamak dima-dima di Indonesia ko Pak. Di Polonia samo, di Ngurah Rai Samo, Di Simpang Tiga Juo samo dan Bahkan di Soeta jo samo bantuak tu khususnyo pelayanan taxi dan bus. Sabab taxi dan bus rato-rato punyo urang-urang nan bahubungan jo bandara tsb. Contohnyo, di Polonia - Blue bird ndak buliah mangkal, diusie dek panjago disinan. Salanjuiknyo masalah pengembangan pariwisata di Sumbar. Manuruik ambo sikon Sumbar ndak samo jo Bali, dan ndak samo lo jo Malaysia bahkan Singapore. Kalau apobilo samo, tantu kurang menarik bagi wisatawan datang ka Sumbar. Walau kini ambo caliak basigaduru mambuek "waterboom" disatiok kota..... apo alasannyo tantu pihak nan kompeten nan jaleh dek we-e. Bilo kito cubo mansortir, wisatawan tu kan tabagi sepen Pak: 1. Wisatawan nan pai basanang sanang... maabiahan pitihnyo. 2. Wisatawan panggaleh, datang dek ado urusan galeh no. 3. Wisatawan training/kurus, datang dek ado kursus. 4. Wisatawan peneliti, datang dek karano ado nan kanyo cigok, 5. Wisatawan pancari karajo, datang untuak mancari karajo. 6. Wisatawan mudiak, datang dek karano taragak jo kampuang, rang gaek, dunsanak 7. Wisatawan sakik, datang untuak pai barubek. Itu mungkin bisa manjadi bahan untuak ka kurenah rang kampuang, apo nan kadibuek untuak manyambuik tamu nan ka datang. Mudah2an kampuang kito makin maju. Maju disagalo bidang: fisik dan non fisik (agamo dan adat/budaya/etika). Dedi N - 49"In Islam has a peaceful and happiness" Asal: Kotogadih, Sunua, Kurai Taji, Pariaman. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
