Sanak Suryadi di Nagari Ulando nan jauah dimato dakek di jari. Bapak2, Mamak2, Bundo2 Dan Dunsanak Palanta nan Ambo Hormati.
Menarik mambaco tulisan sanak Suryadi tentang Pemekaran Nagari. Iyo sabana boneh analisa Dan usulannyo. Gatah pulo jari Ambo untuak ikuik manyolo. Doeloe, Nagari la di pacah jadi Desa. Kalau Ambo indak kaliru, alasanyo antara lain bia banyak dapek piti Bandes (Bantuan Desa). karano indak puas dengan Pemerintahan Desa, awak babalik ka Nagari. Kini, sasudah baliak ka Nagari, adolah nan minta Nagari dimekarkan. Lagi-lagi karano piti. Ambo indak satuju Nagari dimekarkan dengan alasan : 1. Masalah Piti, secara teori Mudah dihetong (dibuek Proposal) nan menggambarkan manfaat dari piti nan kan di dapek. Dalam prakteknyo, indak samuda nan tatuli dalam proposal. Piti Lebih banyak jadi Racun dari pado jadi Madu. La banyak contoh pejabat nan masuak Kandang situmbin karano piti (Korupsi) 2. Nagari terlalu Luas, panduduaknyo banyak. Susah mengelolanya. Kalau alasan iko, Ambo takana Jo Chino. Wilayahnyo Luas, panduduaknya banyak ( labiah dari 1,3 miliar jiwa). Ternyata bisa dikelolakan ?. Cadangan Devisanyo US$ 3,2 triliun. Bandingkan Jo Indonesia. Panduduak kurang dari Chino. Cadangan Devisa Indonesia juga Sangenek, hanya US$ 112 miliar. Kalau dicaliak parbandingan iko, banyak panduduak banyak piti. Banyak anak banyak rasaki he he he. 3. Kalau awak parhatikan Timor Timur nan mekar dari Indonesia. Apakah sasudah mekar jadi Lebih baik ? 4. Dalam dunia usaha, justru sebaliknya, bukan mekar, tapi Merger agar punya kekuatan. 5. Ambo pernah iseng manuli, mengusulkan Merger antara Indonesia Jo Malaysia. Samo-samo rumpun Melayu, punya Adat-Istiadat hampir samo. Panduduak Malaysia banyak juo urang awak. Ado Nagari Sambilan nan Pakai bahaso Minang Dan Rumah Bagonjong. Hasil Merger dua Negara panduduaknyo akan menyamai jumlah panduduak Amerika. Melayu Akan menguasai dunia. Baitu angan-angan Ambo he he he 6. Nagari punyo simbol Dan materi. Nagari Ambo ado Lagu nan jadi kebanggaan kami. Nak urang Tanjuang Barulak Barulak barulai pulo. Den etong lansek nan masak Nan busuak tingga dek Ambo. Kalau Nagari Ambo mekar sia nan punyo Lagu tu ? Materi bisa dibagi. Lagu baa mambaginyo he he he. Sanak Suryadi, mohon maaf. Panjang komentar dari pado Artikelnyo he he he Wassalam Reflus/L 54 th. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
