**********************************************************************
Assalamu'alaikum Wr. Wb.
Haturan salam tur salawat kapangersa baginda rasulalloh Muhammad SAW.
Bismillah!
Mugia sakumna Urangsunda tiasa aya dina kasaean tur kamajengaan!
Bagea para wargi, bagea sakumna Urangsunda!, sabada kuring aub dina milist-milist
kasundaan ieu (Urangsunda, Kisunda, Gankleboy) bingah pisan ningali na kana kamajengan
ieu milist-milist teh, boh dina nambihna wargi-wargi enggal pon kitu deui dina
mairannana, boh dina kasariusannana atanapi dina gogonjagannana.
Nu kailo ku uteuk ieu, sadaya mairanna teh sae. Duka urang rumasa atanapi heunteu
nanging sadaya mairan ka milist-milist nu disebatkeun tadi di luhur boh nganggo basa
sunda (lemes, kasar, merenah, teu merenah) atanapi basa indonesia, inggris jrrd,
geuningan sadayana teh kanggo kamajengan kasundaaan urang.
Pangemut kuring (nu balelo jeung masih bau cikur kana kasundaan tapi boga kahayang
keur nanjeurkeun Kisunda jeung Kasundaannana)���.. Kisunda sareng Kasundaan urang teh
insya alloh sejana adiluhung nanging ieu oge upami tiasa sareng biasa aub dina sagala
kaayaan sinareng zaman. Sapamadegan kuring mah yen urang teh sakumna manusa nu
kagungan rasa kadeudeuh sinareng kanyaah ka Kisunda lan Kasundaan teh, saenyana dulur
urang.
Maksadna dulur, yen pada-pada urang teh :
��.dulur sabasa���nya basa sunda tea!, sae na ieu teh kanggo saha-saha nu kagungan
kahoyong ngamumule kana basa sunda boh eta US pituin, mukimin, seler lain malihan
upami urang deungeun mah mani reueus pisan sigana mah meureun.
��.urang teh dulur satekah-polah���.satekah polah sunda nu someah hade ka semah, pon
kitu oge kanggo saha-saha nu kagungan kahoyong kanggo nyeceb keun ajen inajen sunda
boh eta teh ku US pituin, mukimin, seler lain kitu oge lamun ku urang deungeun. Kitu
oge dina perkawis lianna boh dulur sabudaya, sakasenian, jst. Nu penting mah keur
kamajengan Kisunda jeung Kasundaan urang.
Sae na mah kedah di rarojong ka dulur-dulur sapertos nu disebat tadi, siga cikaracak
ninggang batu panginten, insya alloh nu munggaranna ti dulur sabudaya sunda, upami
urang na tiasa micontokeun/metakeun nu nyata, nu sae ti diri Kisunda sinareng
Kasundaannana, inyana tiasa robih janten dulur sabasa sunda nu langkungna teu
pirang-pirang tiasa ngajati janten US mukimin, malihan mah tiasa langkung loma kana
kasundaan urang batan urang nyalira, aya kapan contona �.�.seler urang ti daerah wetan
nu janten inohong sajarah sunda???
Pangemut kuring deui����ulah sing seler lianna atanapi urang deungan nu kagungan
kahoyong bari cumenos kana kasundaan urang, US oge nu saukur gagaduhan sakeudik ti
kasundaannana (basa contona mah!) kitu deui ka nu sabada ti murangkalih teu diwanoh
keun kana kabudayaan sareng basa sunda, nangnging danget ieu inyana teh kagungan
kahoyong ningkat keun kasundaannana!�.�.lajeng ku urang teu dituntun, dirojong,
diaping atanapi diperenahkeun?,��..duka kamana atuh inyana teh upami teu lumpat
atanapi ngagogoreng urang mah? Upami kitu, janten dugi ka iraha Kisunda sinareng
Kasundaan teh seja sumebar, mencrang baranang di buana?
Kukituna kuring sapagodos pisan sareng pamadegan kudu ngamumule Kasundaan urang dina
contoh leutikna basa sunda��.kuring oge supagodos sareng pangemutan yen milist-milist
nu dipikabogoh kuurang teh, geuning dipikareeus oge kusagala jalma nu timana-mendi boh
US, seke seler nu lianna, kitu oge urang deungeun(???).
Pangeunteung kuring mah kieu panginten��.kapan urang teh migaduh tilu milist sunda! Nu
kaalaman ku jisim ieu nu ngawitan aub dina ieu milist, munggaran teh daftar na ka
Kisunda tipayun, tos rada apal mah laju bae daftar ka Urangsunda lajeng�gek di
Gankleboy. Maksad na ieu tilu milis teh pakuat kait, tiasa lebet ti nu mana bae
ngawitan mah dah lami-lami mah, sapuk yen hiji (Kisunda/Kasundaan) aya dinu tilu(3
milist), tilu aya dina hiji. Upami disapertoskeun kieu:
Urangsunda sayagina kanggo mairan saenyana jejer kasundaan boh dina lingger/cara
babasaan na (undak usuk na mah panginten tiasa nyusulnya/nutur keun?) atanapi eusi
dina mairanna eta
Kisunda�..sabage tempat informasi keur urang boh eta ngagunakaeun basa sunda atanapi
basa lianna.
(atawa dibalikkeun Kisunda sabage informasi kasundaan nu khusu keur urang sadaya,
Urangsunda sabage informasi umum, nyanggakeun pibadanteneunnana ka para kuncen Kisunda
sinareng Urangsunda)
Dupi Gankleboy kumaha? ��...parantos kahartos panginten kaayaan di gank mah,
kongkow-kongkow sabari ngabodor bandung tea, antawis dulur-dulur nu sabondoroyot nu
papoyok-poyok satakerna, teu aya seja raheut kana manah teh, kapan tos terang
pada-pada kartu na (cenah na mah) jadi Gankleboys mah tempat bebas��bebas nu tetep
kudu manut kana ajen inajen US tea.
Kukituna deui, siga na mah ka para kuncen tilu milist ieu kedah badanten pada-pada,
perkawis Netiket nu aya dina tilu milist ieu teh kedah benten,��leres pisan, kedah
benten, supados aya hartos na sareng bentena saha jeung kumaha kedahna mairan ka
masing-masing ieu tilu milist teh.
Dupi 'tos aya hasil ti pabadanteneun eta, mangga atuh sapertos nu parantos
kamari-kamari tiap sasih teh aya pangemut ka para wargi namung ieu mah perkawis
Netiket nu dipikamaksad ku masing-masing milist.
Jadi samisalna sim kuring ngintun perkawis carita sangkuriang ku basa inggris ka
milist Urangsunda (upamina ieu teh milist nu khusus kasundaan) mangga ka para kuncen
milist ieu kanggo masihan paringatan 1,2 & 3 sareng na deui dina paringatan eta teh
dibewarakeun yen milist sunda nu aya pakait-kait na teh aya 3 nyaeta Urangsunda,
Kisunda & Gankleboy nu gaduh Netiket na kieu..kieu..sareng kieu�.teras na carita
sangkuriang nu kuring (dupi mangfaat infona) upami tiasamah ulah dipiceun (banned)
tapi saena mah dilajengkeun (forward/merenahkeun) ka milist nu langkung cocog
diantawis 3 milist.
Misal nu lianna kanggo para wargi (contona tos lebet ka 3 milist tea/mung nembe 1
milist? kapan dina balesan/reply ti kuncen teh dibewarakeun 3 milist nu pakait-kait
tea) nu teu acan tiasa mairan ngango basa sunda, inyana teh mung tiasa ngaaos di
milist khusus kasundaan (urangsunda contona) tea, tapi tiasa mairan ka milist nu
sapalih na nu tiasa mairan ku basa sanesna. Kawijakan-kawijakan nu lianna panginten
tiasa oge dibadanten keun ku para kuncens samentawis para wargi masihan saran sareng
kritik nu ngawangun.
Insya alloh lamun urang pada-pada sabilulungan mimitian merenahan leuleutikan tina ieu
tilu milist, kamajengan Kisunda jeung Kasundaannana teh tiasa ajeg teu oyag ku angin,
mencrang baranang di buana.
Kapan ceuna na mah tilu milis ieu teh para wargana teh sadunya lin?, jadi insya alloh
atuh bakal dirorojong ti mana-mendi.
�teu wantun kula nyaangan panon poe, teu daya kula nyaat keun sagara�.
�neda pangapunten ka bala rea, nyuhun pangajar ti nu katatar�.
Wassala,
-pun adi-
**************************************************
mh <[EMAIL PROTECTED]> wrote:
Sae eta maksad teh Kang Oman, tapi tong saklek teuing
nya. Katinggalna member milist ieu cukup heterogen,
misalna aya Mas Nasir nu ti wetan, terus aya Kang
Ruslee terah Sunda nu tos jadi warga Malaya. Jigana
masih keneh aya anu lianna oge. Kulantaran kitu memang
perlu waktu keur ngalaksanakeun eta maksad teh.
Ieu mah toongan kuring nya. Aya tilu mulis sunda nu
salila leu ku kuring dititenan teh. Nyaeta UrangSunda,
KiSunda, jeung GankLeboy. Memang seueur nu sanesna anu
jejerna mawa pesen kasundaan. Eta tilu milis teh
jigana geus mawa ciri sorangan sacara alamiah. Urang
GankLeboy mah umumna resep ngawangkong, ngalor-ngidul.
Ari UrangSunda mah rada sarieus tah obrolana teh.
KiSunda mah lain deui, rada leuwih heterogen.
Kulantaran kitu basa panganteuna oge campursari,
direumbeuy.
Kulantaran kitu jigana keur KiSunda mah keun wae jiga
kaayaan ayeuna, anu penting mah jejerna masih keneh
masalah kasundaan. Boh masalah sastra, budaya, agama,
atawa nu lianna anu aya pakuat-pakaitna sarenag urang
Sunda. Ku cara kieu mudah-mudahan bisa ngajaring
sagala lapisan masyarakat dina adu renyom masalah
kasundaan. Wallahu A'lam.
Salam,
MH
---------------------------------
Do you Yahoo!?
Yahoo! Mail - 50x more storage than other providers!
[Non-text portions of this message have been removed]
------------------------ Yahoo! Groups Sponsor --------------------~-->
Make a clean sweep of pop-up ads. Yahoo! Companion Toolbar.
Now with Pop-Up Blocker. Get it for free!
http://us.click.yahoo.com/L5YrjA/eSIIAA/yQLSAA/0EHolB/TM
--------------------------------------------------------------------~->
Komunitas UrangSunda --> http://www.UrangSunda.or.id
Yahoo! Groups Links
<*> To visit your group on the web, go to:
http://groups.yahoo.com/group/urangsunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
