Komentar kuring diselipkeun diantara komnetar Kang Nana : --- In [email protected], nana sutrisna <[EMAIL PROTECTED]> wrote:
KANG NANA : Sabenerna mah euweuh kontradiksi antara no.2 jeung no.8 teh. > > di titah milih partey islam soteh supaya pamarentah TS bisa ngajalankeun SI sacara konsisten, coba lamun US marilih parteyna sakarepna aya anu nasionalis, sosialis, islam jsbn meureun tujuan arek ngalaksanakeun SI moal bener2 bisa diwujudkeun sacara konsisten jeung kaffah. WALUYA : Maksadna dititah teh ukur dianjurkeun atawa dipaksa? upami dianjurkeun nya teu sawios-wios, ngan upami dipaksa/dikudukeun mah panginten ngalawan kabebasan mikir tea (milih partey sabenerna mah salah sahiji kabebasan mikir). KANG NANA : Ieu teh sabenerna tujuanna nyegah generasi urang supaya henteu tigubrus kana maksiat, sabab teu saeutik barudak ngora nahan henteu rumah tangga kulantaran henteu sanggup keur biaya kawinna. anapon pepegatan dijieun hese maksudna mah birokrasi dina ngurus pepegatan teh entong gampang teuing lamun bisa mere solusi keur rumah tangga eta keur naon pepegatan, sabab pepegatan teh dijaman kiwari mah geuning geus jadi mode, rumah tangga anu burakrakan eta teu hade keur anak - anak anu ditinggalkeunana. ari poligami dilegalkeun supaya lalaki anu boga gairah seks leuwih bisa ngalakukeun hajatna tanpa kudu nyieun dosa. WALUYA : Oh maksadna kitu. Tapi kade ulah hilap poligami di nagara urang ayeuna oge dilegalkeun, undang-undang diurang henteu ngaharamkeun poligami, ngan make syarat-syarat, teu meunang kitu wae. Jadi persis jiga kasus dina pepegatan, nu dina fiqh Islam mah gampang pisan, tapi ku nagara ditambahan make pangadilan agama sagala. Poligami oge kitu, meunang asal diizinan ku pamajikan nu kahiji ( lamun kakara boga pamajikan hiji .......duka lamun geus dua mah kuring teu apal). KANG NANA: Sabenerna mah dina caritaan kuring henteu langsung nyebut make kekerasan tapi "bila perlu" berarti salila jalan damey henteu disambut kalawan hade euweuh salahna make kekerasan. dasar pamikiranna kieu kang, inget di zaman khalifah Abu Bakar sidik harita loba jalma islam anu embung zakat. kusabab ajakan Abu Bakar henteu ditanggapi ahirna make jalur kekerasan nyaeta perang. masalahna naon? diperangan soteh pedah anu embung zakat teh urang islam keneh, coba lamun manehna karesten atawa yahudi ieu moal dipermasalahkeun saeutik oge da puguh cekelanna sedengkeun urang islam embung ngajalankeun hukum - hukumna ieu bakal ngarusak agama islam eta sorangan. Pan salaku urang islam urang teh diwajibkeun amar ma'ruf nahi munkar jeung silih nasehatan dina bebeneran jeung silih nasehatan dina kasabaran, upama urang ngantepkeun urang islam anu sasar tangtu urang enggeus teu ngajalankeun parentah Allah lamun kitu mah. Lamun aya urang islam ngalakukeun lampah sasar komo deui ieu mah musyrik tuluy ku > urang diantepkeun meureun engkena agama teh bakal ruksak. > > Saumpama anu percaya nyi ratu kidul, nyi pohaci, percaya kana ngahiyangna Siliwangi, ngalaksanakeun perdukunan, pelet jeung santet teh nganyatakeun agamana lain islam ieu henteu masalah anu masalah lamun maranehna ngaku islam. ieu pibahayaeun keur kamurnian ajaran agama urang. WALUYA : Sakali deui kuring satuju lamun ukur anjuran jeung dakwah, tapi kuring henteu satuju lamun kudu dipaksa. Sabab lamun maksa tungtungna hareupeun jiga nu heueuh, ditukangeun beda deui. Kudu dibedakeun antara ibadah nu kaciri/bisa diukur jiga zakat jeung ibadah anu hubungan manusa jeung sang Penciptana. Ibadah zakat gampang ngukurna da make ukuran barang, Si X geus mayar zakat sakieu rupiah, saton pare jrrd, tapi ibadah anu sejenna, kumaha ngukurna hiji jelema dianggap musyrik jeung "sesat"? Apan aya ucapan Wallohualam, keur nunjukeun urang mah teu terang nanaon, sabab nu sagala terang mah ngan Gusti Alloh Swt. KANG NANA : Henteu hese kang, urang make syariat anu mayoritas di TS wae atuh. cara Syiah di Iran cara Suni di Pakistan jeung Aceh. Umpamana di TS islamna mayoritas Suni nya anu diterapkeun teh Suni ulah Syiah. lamun anu diterapkeunna anu minoritas mah nya pasti weh piributeun. WALUYA : Tah nu jadi masalah Sunni oge henteu hiji, seueur oge aliranana dibuktoskeun ku seueurna pamendak nu beda-beda. Ceuk ajengan ieu kieu, ceuk ajengan itu, kitu. Dianggo nu ieu, nu itu protes, nu itu dianggo, nu ieu ngambek. Masalah kaimanan / kaagamaan hese dikompromikeun, metoda demokrasi moal bisa diterapkeun dinu soal ieu, minoritas moal daekeun kitu wae nurut ka mayoritas ari soal kaimanan mah, sabab eta mah prinsip. Tos ah.........tos disampeur kudu mulang. Hatur nuhun. Baktos, WALUYA ------------------------ Yahoo! Groups Sponsor --------------------~--> What would our lives be like without music, dance, and theater? Donate or volunteer in the arts today at Network for Good! http://us.click.yahoo.com/MCfFmA/SOnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
