indit isuk-isuk ti rajamantri jeung kang Soni Wanara Rosa (wanara ti game ciptaanana nu make basa jeung musik sunda tea). ngahaja cuti cenah. vespana di titip di gigireun imah. mobil teh nu Telkom kumplit jeung kang Wahya, pilotna. beunang nambut si Ua Sas ti kang Mamat Rachmat Jajaka eta.
ari si Ua Sas na mah geus ti poe Salasa ka Subangna teh. kana umum. gejlog cenah kamer hotelna, nya mandiri we, ceuk si ua teh. nyewa kamer hotel sorangan di Panglejar. keur dijalan di SMS kang Hawe, nyimpang ka Mangle cenah, jemput Bah Duduh Durahman. nya ka Mangle, kabeneran si Abah aya keur maca koran. kanu can apal, Bah Duduh (60an langsung yuswana) teh siga Sir Conan Doyle atawa Agatha Christie. pangarang detektif khusus basa Sunda nu teu aya bandinganana. di Cupumanik, make sandiasama Radian Prasetya. rencana awal mah, Bah Surya oge kang Oman bakal milu. tapi sukur, kang Oman oge meunang kijang ti kantorna. abah Surya bareng kang Oman jam 8an. kang Hawe di sampeur di Ledeng. -------------- nepi ka komplek pemda, geus nyampak sasaha. pendak kang Adang S, pangarang nu asalna tangtara tea (ayeuna ngokolakeun Caraka Sundanologi, tempat pikeun diajar ngarang basa sunda asana mah). oge kang Cecep ti Tribun Jabar, kang Rahmat Taufik Hidayat, ti Kiblat buku utama. oge Darpan. tiluanana ka SUbang poe Salasana. Darpan teh moderator sesi acara Basa Sunda dina TV (Us Tiarsa di Bandung TV) jeung basa Sunda dina Internet (si Ua Sas). KUSnet kabagean di Rohang D, di gedong keuangan lama, di komplek pemda Subang, kabupatan cap danas tea. pas asup ka rohangan eta, salaku desainer interior -bari jarang meunang proyek- muji rohanganana di desain serius. bedul teh, ACna ngan aya anginna wungkul, Freona mah beak sigana. da Ac hurung salima-lima, tapi rohangan panas. jadi kongress bari sauna. haha. si Ua Sas midang nyaritakeun KUSnet oge YP. dibere waktu 30 menit bari demo saeutik perkara karya kang Dian Nugraha di Karlsruche Jerman (nuhun kang!) nu ngomputerkeun aksara Sunda tea. matak helok kabeh nuhadir. ongkoh kontingen KUSnet sigana panghebringna presentasi teh. da make infokus jeung laptop sagala. asana nu sejen mah teuing. kang Bana G. Kartasasmita, PhD -dosen matematika ITB- biasana mun seminar make infokus laptop, tapi duka tah di kongres ieu mah teu kaburu katoong. acara KUSnet teh paralel -bareng jeung acara bah Duduh di gedong sejen. acara KUSnet kaitung hade sabab aya tenjoeun, katerangan dina layar tina infokus tea. nuhun ka kang Soni oge risti. aya acara tanya jawab, hanjakal saeutik da muru waktu. ------------------- pendak jeung Godi Suwarna, panyajak basa Sunda urang Ciamis. ditalek, naha eta jalan ti Panamun jadi Puspa Lubis? manehna teu bisa ngajawab. jalan ka imahna di Ciamis ngarana eta. apal pisan si kuring sabab beh ditueun imahna teh markas kuring keur SMA. tapi makalah GS lucu pisan. haha. tadina rek di scan tapi teu purun/scanna euweuh/teu resep nyeken tulisana mah kudu diedit deui/. bisi loba teuing ongkoh. kang Acep Zamzam Noor, Sarabunis Mubarok, Hadi AKS nu pangling, oge kang Cece Hidayat guru basa Sunda SMP 13 (jl. mutiara bdg). beres acara si Ua, ceuk si Ua aya sepuh nu nyampeurkeun ngajak sasalaman, sae, cenah. sihoreng eta teh kang Wahyu Wibisana. salah saurang sastrawan sunda kahot. ---------- si Ua Sas helok basa geus beres presentasi. dibere amplop. 700 rebu. nya dipake we meser oleh-oleh danas simadu. pikeun nu samobil. sesana rek dipake meuli CD kosong pikeun ngopi program Aksara Sunda kang Dian Nugraha, game kang Soni W. Rosa, jeung nu sejena. rencana mah eta CD teh rek diselapkeun dina majalah Cupumanik edisi Agustus. nyebarkeun program KUSnet kasasup nyebarkeun aksara sunda pikeun dina komputer oge gim basa sunda tea. teuing bari sakalian dina raraga 60 taun indonesia memerdekaan. -------------- eh, aya istri sapantaran make helm (kerudung) nyampeurkeun. rarayna mah wawuh, ngan eta ngarana poho deui. nu inget teh aya T jeung E. bener, Tetet. babaturan sakelas di SMA. manehna kuliah di Basa & Sastra Sunda Unpad. ayeuna jadi PNS di diknas Kab. Ciamis. nuhun ah geus panggih sanggeus belasan taun pisah. manehna utusan ti dinas diknas Ciamis. geus heula. ke si Ua sugan kaburu nginternet make telkom instant. hehe. si Ua pangsiun, internet haratis teu aya da dikantor. hehe mj http://geocities.com/mangjamal [EMAIL PROTECTED] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
