|
Maen langlayangan, salah sahiji kaulinan
paporit sim kuring..... (kaasup kaulinan teu nya?). Ti budak nepi ka kolot
ngilu padungdeng, ngilu maen jeung moro langlayangan anu
eleh.
Ngapungkeunna make kenur disambung ku
gelasan "serit" (bahan tinu benang) atawa gelasan "bajra" (bahan tinu senar).
Tali timba oge kudu diatur sing bener, lamun teu kitu eta
langlayangan teh bisa "hampang" atawa "beurat" teuing ngapungna.
Gelasan anu hade biasana jieunan ti daerah
Garut.
Lamun keur usum langlayangan, sakuriling
Cicadas (komo ti St. Josoef nepi ka Cikutra) pasti loba langlayangan anu di
adu.
Jaman ayeuna mah sigana geus ampir "punah"
eta langlayangan teh. Teu rame siga baheula. Maklum ayeunamah
barudakna leuwih resep maen PS, internet, nonton tipi salain eta meureun
euweuh tempat keur maen langlayangan, loba antene tipi, kabel listrik
jeung telepon anu nyieun hoream barudak ayeuna maen langlayangan
teh.
Ari keur bujang jeung kolot mah, biasana
maen langlayangan Gombres, biasanamah gelasanna make "bajra".
Ieu mah biayana rada mahal, soalna ukuran langlayangannana kaitung
gede, saking luhur ngapungna jeung beurat talina biasana anu maenkeun
eta langlayangan make "sarung leungeun". Kadang-kadang mah narik benangna
maka "mesin puter" anu pungsina keur narik benang ka
gogolong.
Jaman ayeuna, aya loba jenis
langlayangan. Biasana di Pantai Kenjeran Jatim loba
langlayangan anu aneh aneh, aya bentukna siga oray, kompor, buta,
kalajengking, manuk. Maenkeunna biasana lain ku sorangan tapi
ku sabaraha jelema. Ieumah kaasup langlayangan hias.
cag ah...
----- Original Message -----
Sent: Monday, July 11, 2005 4:09 PM
Subject: RE: [Urang Sunda] Kaulinan budak
baheula
Tung
kiripit ahai tulang bawang
kalau bibir digigit sakit tak mau bilang
Asa teu mendakan dingdingkiripik, eta mah asa
lagu dangdut oma irama :
dingdingkiripik..aaaa ... hay tulang
bawang
kalau bibir digigit
sakit bukan kepalang..
Hulahup ge asa ka ayeunakeun, bawaan ti
luar
Kalimalima gobang ????
Ieu mah kakawihan bersambung:
bang bang kalimalima gobang bang
bangkong di tengah sawah wah
wahai tukang bajigur gur
guru sakola desa sa
saban poe ngajar jar
jarum paranti ngaput put
putri nu gareulis lis
lisung kadua dua halu lu
luhur kapal udara ra
ragrag di jakarta ta
taun opat lima hiji ji
haji rek ka mekah kah
kahar dua rebu bu
buah meunang ngala la
lauk meunang ...
poho...! asa panjang keneh
-epi-
Galah
Kaulinan budak diantarana aya
sababaraha kalompok (grup). Sakalompokna biasana aya dua urang. Paulinan
ieu biasana di buruan taneuh anu lega, saumpamana di lapangan terus make
garis. Cara ngulinkeunana salah sahiji kalompok, nangtung sajajar
ngajagaan lapang atawa garis. Tiap garis dijagaan ku tiap urang.
Kalompok anu lawan tugasna sangkan bisa ngaliwatan eta garis. Lamun bisa
ngaliwatan garis kahiji kudu dituluykeun deui kanu baris kadua. Mun
gagal ngaliwatan garis berarti eleh. Saterusna tuluy
gantian.
Sapintrong
Kaulinan budak anu maenna minimal 3
urang. Anu 2 urang pahareup-hareup nyepengan karet anu geus meunang
diuntun/dintuy panjang. Terus anu hiji urang deui aya di tengah nungguan
karet diputer kunu 2 urang tadi. Sabada karetna diputer ti handap terus
kaluhur kudu siap ngaloncat teterusan. Mun karetna katinjek berarti eleh
diganti ku salah sahiji anu nyepengan.
Endog-endogan
Kaulinan budak anu make leungeun. Biasana
diulinkeun bari diuk, minimal diulinkeun ku 2 urang. Terus leungeun
dipeureupkeun disimpen dihandap. Posisina aya anu bari nangtung aya anu
bari nangkub. Sabada digoleangkeun (digoyang) barudak bari kakawihan.
Kawihna siga kieu : "Endog endogan
.endogna peupeus hiji..pre". Mun
nyubut pre langsung leungeun anu tadina meureup ditemprakeun. Mimiti anu
ditemprakeun anu paling handap tuluy sampe kaluhur. Mun leungeunna
geus euweuh anu meureup deui dikawihkeun deui siga kieu
.goleang
goleang bapasatar buleneng bari handapeun mata barudak sok silih
dibeyeng kahandap ku sorangan.
Maen
Karet
Kaulinan budak
anu make karet gelang. Biasana diulinkeun minimal ku 2 urang. Carana
ngan perlu karet 2 siki. Karet eta dialungkeun ku leungeun biasana
posisina ngalungkeunana sajajar tihandap kaluhur sangkan karetna bisa
papisah tapi teu jauh teuing. Terus salah sahiji karetna dialungkeun
deui make jempol kana karet hijina deui. Mun geus nimpah biasana sok aya
bolong ditengah terus we ku cingir tengahna kudu "titika" hartina
meunang.
Asana aya deui
kaulinan barudak teh samodel ieu :
Ucing
Kaleng
Oorayan
Paciwit2
Lutung
Hulahup
Dingdingkiripik
Kalima2
Gobang
Mangga bilih aya
anu bade ngalereskeun sareng nambihan. Kumargi ieu ge bari
dirarampa.
Neng
Iva
Yahoo! Mail
Stay connected, organized, and protected. Take the tour
Komunitas Urang Sunda --> http://www.Urang-Sunda.or.id
Komunitas
Urang Sunda --> http://www.Urang-Sunda.or.id
Komunitas
Urang Sunda --> http://www.Urang-Sunda.or.id
Komunitas
Urang Sunda --> http://www.Urang-Sunda.or.id
Komunitas Urang Sunda --> http://www.Urang-Sunda.or.id
YAHOO! GROUPS LINKS
| 
