Re: [Urang Sunda] Nepangkeun sareng usul

[MSasmita]

Bagea Kang Mustakim, hatur nuhun tos kersa ngiring ngariung dina ieu forum sareng hatur nuhun kana usulanana. Di Kusnet aya kacapangan "Wajib make basa Sunda, kaci salah, mun aya nu menerkeun ulah pundung.." Perkawis ngadamel milis yagoogroups anu sanes eta mah teu langkung pribadi sewang-sewangan, da ngadamel milis mah kalintang gampilna, teu kedah mayar sareng tiasa ku saha bae. Mangga eta mah nyanggakeun. Sim kuring milarian kecap "lestari" dina Kamus Umum Basa Sunda/ LBSS, dina Sundanese English Dictionary/ RR Hardjadibrata,  sareng dina Dictionary Sunda Language/Jonathan Rigg teh teu aya, nu aya ge kecap "lastari" tapi hartosna maot (kecap lastari ge teu aya dina Dictionary Sunda Language/Jonathan Rigg). Tangtos anu dimaksad "ngalestarikeun" ku Kang Mustakim ge sanes hartosna "ngamaotkeun" tapi ngalanggengkeun.   Hatur nuhun.   MSasmita kuncen # 2   ----- Original Message ----- From: A.M. Ardipradja To: urangsunda@yahoogroups.com Sent: Saturday, July 16, 2005 1:52 PM Subject: [Urang Sunda] Nepangkeun sareng usul Urang Sunda nu Balageur,   Simkuring nembean ngiring dina ieu milis. Nami: Mustakim Ardipradja Kawit: Desa Arjasari, Kacamatan Singaparna, Galunggung (sanes Singapura)   Simkuring bade ngusulkeun ka Cep Kuncen: ngadamel yahoogroups hiji deui namung husus kangge ngalestarikeun basa Sunda nu pang-kasar2-na, teras ngadamel hiji deui husus kangge basa Sunda pertengahan, teras hiji deui husus kangge basa Sunda nu pang-halus2-na. Jadi aya 3 deui yahoogroups anyar, supados katilu tingkatan basa Sunda tiasa lestari jeung dipake kalayan bener, teu pa-campur2.   Kumaha Cep?   Mustakim Komunitas Urang Sunda --> http://www.Urang-Sunda.or.id YAHOO! GROUPS LINKS  Visit your group "urangsunda" on the web.    To unsubscribe from this group, send an email to:  [EMAIL PROTECTED]    Your use of Yahoo! Groups is subject to the Yahoo! Terms of Service.