Re: [Urang Sunda] Naros hartosna <-- kabungbulengan

Tue, 20 Jun 2006 06:06:20 -0700

Punten Apih, kang AJ,
 
Benten teu,  kecap kabungbulengan sami sareng kapengpeongan? Upami ninggal waleran ti kang AJkusnet sigana kubakat bogoh pisan janten poekeun..., bogoh paeh lah...eh eta mah tina cinta mati atuh nya? hehe
 
Naha bet lumpat kana kabungbulengan nya padahal pan anu digunemcaturkeun kabiruyungan? Sugan we kabiruyungan aya anu haat masihan bongbolongan ka abdi, keun we disebat bodo oge nu penting alewoh. 
 
Salami ieu abdi nganggap kecap kapengpeongan leuwih rongkah (darajat poekeunana!) tibatan kabungbulengan duka tah leres henteuna atanapi tibalik?
 
Contona upami ,"Kang Asep kabungbulengan ku neng geulis ", darajatna nembe nangkeup tuur dijuru, upami parantos kapengpeongan mah salian nangkeup tuur dijuru teh bari sura seuri sorangan kadang-kadang melak cau, aya nungaliwat langsung nangkod!...hehe. Anyir...geus stadium 13 ieu mah? Har...naha ka aing!, ceuk kang Asep. Punten pan ieu mah conto namina oge, kenging atuh! Kaci pan! hehe deui
 
Nyungken bongbolonganana ah ti sepuh sareng baraya sadaya!
 
 
baktos,
 
brad
Kang, punten eta siku kana angen, eungap yeuh!
 
 

Aj Kusnet <[EMAIL PROTECTED]> wrote:
Haturan, Apih...

Upami teu lepat mah "kabiruyungan" sareng "kabungbulengan" teh bénten pisan hartosna téh. Kecap "kabiruyungan" biasana ngantét sareng kecap "meunang bagja" (malah sakapeung mah sareng kecap "kagunturan madu"). Contona: tiasa tepang sareng anu lami kapidangdam (sakumaha anu dicontokeun ku Apih), janten juara, ssté.

Nanging "kabubungbulengan" mah hartosna téh "poékeun"  (lupa diri, Ind.). Contona sapertos Néng Nia kabungbulengan ku Jang Sapri (di dieu sababna teh "memendam rindu"), Mang Lamsijan kebungbulengan ku nomer buntut, Bi Asih kabungbulengan dikantun pupus ku carogéna.

Manawi, kitu oge Pih...

Baktos,
AJ

Siddik Wiradireja <[EMAIL PROTECTED]> wrote:
Waalaikum salam wr. wb.
Punten ngawalerna sabulangbentor yeuh...., ma'lum teu gaduh referensi nanaon teu kamus teu pabetekan
mung saaya-aya anu nempel dina emutan anu tos ampir pinuh memorina.
Kabiruyungan memang ampir sami sareng kabungbulengan...
bentenna kabungbulengan ku jalmi anyar/nembe tepang.
kabiruyungan : kabungbulengan ku jalmi anu tos wanoh lami.
kabiruyungan = sono anu liwat saking.
 
Punten upami lepat........., nyuhunkeun tulung pang lereskeun...
 
ssw
 
 
Assalaamu'alaykum wr.wb,
Punten baraya, abdi teh bade tumaros. Numawi aya nu terang, hartosna kecap "kabiruyungan".
Abdi teh nuju ngadangukeun .mp3 na bu Hetty, ari pek teh aya lirik:
"duh engkang, abdi kabiruyungan".
Naha hartosna teh sami sareng "kabungbulengan"?
Hatur nuhun kana bantosanna.
wassalam,
Apri

YAHOO! GROUPS LINKS




Do you Yahoo!?
Next-gen email? Have it all with the all-new Yahoo! Mail Beta. __._,_.___

Komunitas Urang Sunda --> http://www.Urang-Sunda.or.id




SPONSORED LINKS
Corporate culture Business culture of china Organizational culture
Organizational culture change Jewish culture

YAHOO! GROUPS LINKS



__,_._,___

Kirim email ke