Wa'alaikumsalaam w. w. Panuhun ka kadang wargi anu parantos ngarojong, boh tanaga atanapi du'a, kana kamajengan ieu proyek/ramatloka.
Mun teu salah, dijieunna ieu loka teh mangrupa 'bukur' kongres (ngawangkong teu beres-beres) alias kopdar Kusnet, duka anu ka sabaraha, dina taun 2003 di bumina Ua Sas. Mimitina mah, saheulaanan, loka ieu teh ditujukeun pikeun ngarsipkeun/ngumpulkeun hasil paguneman urang sapopoe di ieu milis. Anapon harepan ka payunna, ieu loka teh dipiharep bisa dijadikeun loka utama anu ngawadahan sagala rupa embaran/pangaweruh dina hal Sunda, urang Sunda, kasundaan, pokona mah sadaya ngeunaan Sunda weh... heheh... Lintang ti harepan jeung angen2 anu luhur eta, dina prakna mah aya wae hahalang teh, boh dina segi tehnis, oge nontehnis, sahingga kamekaran ieu loka masih teu acan optimal. Alesan anu utama mah taya lian kumargi rengrengan pangurus teh gaduh kasibukan sewang2an. Bungkeuleukanana ieu loka ayeuna teh, ceuk kasarna mah, hasil tina salingkuh para pangurusna. Salingkuh, da memang dipigawena teh nyelang tina kasibukan gawe masing2. Boro-boro dibayar, ieu loka teh dikokolakeun ku para sukarelawan. Nuhun pisan ka Kang Eko salaku pupuhu alias pimpro, anu salawasna miara 7 ngokolakeun ieu loka. Cenah mah baheula kungsi nepi ka komputerna ngebul... Heuheu... Duka pedah lila teui dipake, duka pedah dibubuy... Perkawis ilubiung sumbang tanaga, simkuring ngawakilan pangurus moal weleh ngahiap2 ka sadaya wargi, boh anu bade sumbang tulisan atanapi pangrojong tehnis dina ngararancang ieu loka. Sakitu heula bae ti sim uing mah, harilap deui pipokeun... heuheu... On 03/08/06, S M Natapradja <[EMAIL PROTECTED]> wrote: > > Assalamu'alaikum wr wb > > Sinareng hormat ka para : Kuncen sareng ka anu bersangkutan. > > Sim kuring oge ngiring bingah tur ngarojong kana sagala rupi anu di > rencana ku situs ieu, margi kahartos sareng seu-eur > pisan pulunganeun nana, sim kuring rumasa teu patos sering andil dina widang > ngomentaran, margi asa ararisin upami teu di > taros mah, namung upami aya anu peryogi mah ku tanagi , sim kuring insya > Allah siap ari masih keneh mampu mah > nagbantos dina widang naon wae. > Danget ieu mah iwal ti ngarojong ku du'a wae ti katebihan sangkan > web ieu aya dina kalancaran sareng aya manfa'at na > kanggo urang sadayana, amiin yaa robbal 'alamiin. -- sikandar kumincir.blogspot.com www.urang-sunda.or.id su.wikipedia.org Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
