Baraya, Cing sim kuring Seja neruskeun hanca noongan serelek Mang Engkus. Ieu mah sakalian we, bari sakalian malem minguuan. Hehehe.
--- engkus ruswana <[EMAIL PROTECTED]> wrote: > > Naha era atawa salah kitu?, upama dina basa Sunda > urang nyebut/nulis "Vespa" ku "Pespa", nyebut/nulis > "Televisi" ku "Telepisi", "syukur" ku sukur, "Sholat" > ku "Solat", "zat" ku "jat", zaman ku jaman, qurban ku > kurban, Fitrah ku Pitrah nu tangtu nyurup kana > letah/sora urang Sunda jeung teu ngarobah harti. Kapan > dina basa Indonesia oge geus aya conto, saperti > Christian jadi Kristen (teu kudu nyieun aksara Ch), > Catholic jadi Katolik, jrrd. Tah palebah dieu, pasualanana numutkeun kuring mah lain perkara era atawa salah. Malah eta pananya teh bisa dijieun kontraposisina. Naha salah atawa era parada upama urang Sunda nulis/nyebut "Vespa" lain "Pespa", nulis/nyebut "Televisi" lain "Telepisi", nulis/nyebut "syukur" lain "sukur", nulis/nyebut "Sholat" lain "solat", nulis/nyebut "zat" lain "jat", nulis/nyebut "zaman" lain "jaman", nulis/nyebut "qurban" lain "kurban", atawa nulis/nyebut "Fitrah" lain "pitrah". Naha upama urang Sunda ngadopsi sora /v, sy, sh, z, q, f/ dina paguneman jeung tulisan, baris ngurangan esensi kasundaanana. Ceuk implengan kuring, tarekah nambahan sora teh lain pikeun ngaleungitkeun ciri kasundaan, tapi pikeun ngajembaran nu geus aya. Sabab aksara mah ngan ukur "jirim", ari "jisim"-na basa Sunda tea. Basa Sunda nu jadi jisim tea, kaci wae, lumrah jeung halal upama rek ditulis make jirim sistem aksara naon wae. Jiga nu ditulis ku kuring dina serelek sejen, yen basa Sunda teh kungsi ditulis ku sababaraha model aksara. Palebah kecap "Christian" jadi "Kristen", "Catholic" jadi "Katolik", ieu mah beda deui pasualana atuh. Teu kaci digeneralisir kana kasus nu dipadungdengkeun ti heula. Cing urang toong, dimana bedana. Kieu geura toongan kuring mah: ari kumpulan sora nu diwakilan ku aksara /v, sy, sh, z, q, f/ sorana SARIMBAG jeung sora nu diwakilan ku aksara /p, s, j, k/. Kulantaran kitu teu ieuh jadi pasualan upama rek nulis "Vespa", "Zakat", jeung "Fitrah" misalna. Ari SORA /ch/ dina kecap "Christian" jeung "Catholic" mah, memang sorana PATUKANG TONGGONG jeung sora /c/ nu geus ilahar dipake dina basa Sunda, tapi sorana sarimbag jeung sora /k/. Apan eta teh salah sahiji kaedah dina nuliskeun kecap serepan. Mangga we geura lenyepan babandingan antara sora /zakat/ jeung /jakat/, /fitrah/ jeung /pitrah/. Dina aya bedana oge apan IPIS KACIDA. Bandingakeun upama kecap /christian/ ditulis /cistrian/, /catholic/ ditulis /catolik/ apan sakitu JAUH MELA MELU bedana, kulantaran kitu merenahna jadi /kristen/ jeung /katolik/. Cag deui ah. Ke upama pareng disambung deui. salam, mh ===== Situs: http://www.urang-sunda.or.id/ [Pupuh17, Wawacan, Roesdi Misnem, Al-Quran, Koropak] __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> Your email settings: Individual Email | Traditional <*> To change settings online go to: http://groups.yahoo.com/group/urangsunda/join (Yahoo! ID required) <*> To change settings via email: mailto:[EMAIL PROTECTED] mailto:[EMAIL PROTECTED] <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
