--- In [email protected], Siddik Wiradireja <[EMAIL PROTECTED]> wrote: > > Hapunten, nembe tiasa kawaler dinten ieu, jalaran dinten Saptu sareng Minggu kamari ngajoprak keuna ku muriang ditambih, beresin sareng batuk, namung alhamdulilah saparatos dicecer ku landong, tadi enjing tiasa maksakeun ngantor.
Alah tetela server di warnet nu itu mah remen ngacapruk. Ngawaleran deui posting si Apih ti mangkukna, dugi ka ayeuna teu aya. Punten, Apih. Ieu janten asa dosa. Siga nu ngadamelkeun ka sepuh. Tapi, tos sehat deui, pan, Apih? Ulah kateterasan, ah. Pan, abdi masih seueur keneh taroskeun. Hehehe... Mugia sing damang saterasna, Apih. Amin. Oge, salse bae, Pih. Teu kedah janten "dines". Hehehe... Dina istilah MJ mah da ieu mah sunah. Saur abdi mah heureuy enya, heueuh ongkoh. Perkawis "rurukan", kenging mulung ti urang Rancakalong, Sumedang. Nu kahartos ku abdi: Lembur atanapi kempelan bumi nu meh sa-RW-eun, upami di kota mah. Naha perkawis jarak -- hiji rurukan patebih sareng rurukan sanesna -- abdi teu paos. Teu tetelepek siga ayeuna, Pih. Hehehe... Wangsul deui kana posting Apih, aya sawatara hal nu ku abdi bade ditaroskeun: 1. Dina posting Apih tadi, oge nu sateuacanna, nu pangheulana (upami teu lepat), Apih nyebat-nyebat perkawis panah sareng maen panah. Patarosan abdi: Kumaha prak-prakannana maen panah eta teh, Apih? Naha sapertos menak-menak Solo nu kantos katingali ku abdi: Bari sila. (Siga nu pangangguran. Hehehe...). 2. Masih ngeunaan panah, dina posting kamari, Apih nyebat "gondewa panah sareng paserna (aya 4 set upami teu lepat mah)". Sakaterang abdi, paser mah sanes kangge maen sumpit? (Jaman abdi budak mah, "paser"na tos digentos ku taneuh sareng...ciduh). Oge, naha eta janten kaulinan budak jaman Apih harita? Atanapi kamonesan sepuh? Hartosna, harita, masih aya keneh urang Sunda nu sok janten panyumpit? (Siga Aki Balangantrang dina komik Ciung Wanara -- abdi keur budak). Eta bae heula, Apih. Hatur nuhun pisan kana walerannana. Baktos, Pun Maman
