Ceuk beja, salah saurang panumpang Garuda nu kaduruk di Yogya teh Prof. Dr. Koesnadi Hardjasumantri, Guru Besar Fakultas Hukum UGM jeung UI, urut Rektor UGM jeung nu leuwih penting deui Prof. Koesnadi teh urang Sunda, lamun teu salah mah urang Tasik. Cenah mah dugi ka wengi ieu nasib anjeunna teu acan jelas, naha anjeunna teh salamet atawa henteu.
Aya sabaraha urang ahli hukum nu urang Sunda nu sok jadi acuan di nagara urang. Saha nu teu bireuk ka Prof. Muhtar Kusumahatamaja nu nyieun konsep Nusantara. Jeung aya sabaraha urang deui, nu kuring poho deui aranna, boh ti kalangan akademisi atawa ti kalangan praktisi hukum, pangpangna hakim atawa jaksa. Beda jeung ahli hukum asal Sunda sejenna nu umumna tamatan UI atawa UNPAD, Prof Koesnadi mah tamatan UGM, ngajar di almamaterna jeung kungsi jadi Rektorna. Rada aheng oge aya Urang Sunda mimpin sakola nu make aran "Gajah Mada", nu di tatar Sunda mah (iwal di Jakarta) teu aya jalan nu make aran "Gajah Mada". Cenah mah anjeunna teh nincak yuswa 80 taun, tepung taunna nembe dirayakeun. Mudah-mudahan we kajelasan nasib anjeunna enggal kapendak ............... Baktos, WALUYA
