Kuring urang gunung, keur leutik pangulinan gunung. Nya heueuh da pakasaban
indung-bapa ngebon/ngahuma alias tani. Sok rajeun ulin tepi ka puncrutna
sababaraha gunung hareupeun, gigireun jeung tukangeun imah. Unggul puncrut aya
kuburan atawa sabangsana. Mun ditanyakeun ka kolot, kabeh ngajawab kuburan
prabu Siliwangi! Lamun ditanyakeun naha pan digunung nu itu kuburan prabu
Siliwangi mah, lin? "Pamali siah tong loba tatanya budak mah! Kuring rieut ...!
Kuring keur budak kungsi sababaraha kali ulin ka leuweung Sancang, laut kidul
upluk aplak. Teu meunang ngomong sompral jeung kalakuan lalawora. Pamali!
Balikna sok ngala jeung mawa oleh-oleh tangkal kaboa(?), mun hayang ninggali
maung kerik we kulitna terus beuleum, cenah! Naha kudu kitu? Leuweung Sancang
teh tempat prabu Siliwangi tapa, ngahiang! Aya oge nu mere jawaban prabu
Siliwangi diudag-udag ku prabu Kiansantang dipundut lebet islam, teu keresaan
makana angkat ti Pakuan ka kidul nya dugi ka Sancang! Tambah lieur...lebeng!
Di tatar Sunda loba gunung anu ngadegna teh diwewengkon datar, saperti urang
ngagundukeun kesik ditengah-tengah lapangan mengbal. Lamun ditanyakeun ka
kolot, cenah eta teh tempat kaluarna prabu Siliwangi ti jero taneuh! Salain
gunung loba oge leuwi nu jero tur gurawes, lamun ditanyakeun sarua jawabanana
tempat lebetna prabu Siliwangi nuju diudag-udag ku prabu Kiansantang!
Beuki...jangar, taluk euy!
Kabehdieunakeun, rajeun maca buku almarhum mang Saleh, mang Ayat, Mang Edi
inohong sajarah khususna sajarah tatar Sunda kelas wahid! Saur aranjeuna prabu
Siliwangi dikurebkeun di daerah Rancamaya-Bogor. Nu ayeuna eta wewengkon teh,
saur inohong kasenian ti Bogor mah parantos ngajangelek janten padumukan
"elit".
Kuring, sikuring nu lain sangkuriang ceuk kang Arthur S Nalan mah, leuwih
percaya kanu pandeuri, di Rancamaya. Lamun tea mah disababaraha gunung aya
kuburan nu diakukeun kuburan sang prabu, eta mah hiji hal nu wajar reujeung
bisa ditarima akal lamun urang make "asumsi" yen sang prabu teh dikurebkeun
make cara-cara agama hindu. Lebu jelema nu dipikacinta, dipikameumeut tur
dipikaajrih ku rahayat jeung oge keur sababraha alesan politis mun ceuk jaman
ayeuna mah tangtuna oge papada hayang atawa disebar ka sakabeh wewengkon tatar
Sunda tapi tetep nu utamana di Rancamaya.
siporenges
nu heureut deuleu!
Asep Hadiyana <[EMAIL PROTECTED]> wrote:
Tah ieu jinis tema dina ieu milis anu paling dipikaresep ku abdi mah:
sajarah Sunda, budaya Sunda sareng bahasa Sunda. Nyanggakeun ka anu langkung
tipayun uninga sual ieu kanggo maparin info
Salamna
Pun Asep
Nandar Robbyana <[EMAIL PROTECTED]> wrote:
wilujeng siang baraya sadaya,
nyuhungkeun pencerahan (naonnya basa Sundana) ngeunaan maotna Kangjeng Prabu
Siliwangi, aya berita anu pabaliut anu katampi kuabdi (antara sajarah sareng
dongeng rada ipis), aya nunyebatkeun di daerah leuweung Sancang (Garut?), aya
nunyebatkeun digugunungan didaerah Rancamaya Bogor, aya deui nu nyebatkeun teu
maot tapi ngaleungit (nu leres numananya??)
cik susuganan aya info dibabakan.
Yayan-Bogor
---------------------------------
Ahhh...imagining that irresistible "new car" smell?
Check out new cars at Yahoo! Autos.
---------------------------------
Ahhh...imagining that irresistible "new car" smell?
Check out new cars at Yahoo! Autos.
---------------------------------
Ahhh...imagining that irresistible "new car" smell?
Check outnew cars at Yahoo! Autos.
