Bade nambahan deui ah, kabeneran ayeuna mah ceulina geus teu panas deui ....hehehehe. Salaku jalma awam dina Sajarah, kuring sok rada bingung jeung para ahli sajarah/sosial nu sabagian katingalina teh sok "ngaleutik-leutikkeun" Sunda, jeung lamun perlu "dipupus" wae.
Contona soal aran "Sunda besar" jeung "Sunda Kecil". Waktu Indonesia mimiti merdeka, aya provinsi nu aranna Sunda Kecil (Bali Lombok tepi ka Pulo Timor). Tapi kadieunakeun diganti jadi Nusa Tenggara. SIgana teh nu ngaganti alergi kana kecap "Sunda". Untungna dina istilah geografi, ieu teu dileungitkeun. Masyarakat Geografi internasional, tetep keukeuh make istilah "Greater Sunda" jeung "Lesser Sunda". Hiji sikep khas kaum elmuwan, nu bebas tina kapentingan sejen iwal ti kapentingan elmu eta sorangan. Ngaganti aran nu geus baku, bisa mupus riwayatna kunaon eta diaranan kitu. Pedah eta kecap "Sunda" dipake ku kaum penjajah, nepi ka kudu diganti. Ah ...sabenerna mah euweuh masalah da aran Indonesia ge meunang urang Bule! Usaha "ngaleutik-leutikeun" Sunda teh, tepi ka ayeuna oge masih lumangsung. Loba nu nganggap nu disebut Sunda teh ukur Priangan. Lain wae ceuk calon Doktor ti Perancis nu kungsi ngobrol jeung Kang Tantan, tapi kuring oge sering ngareungeu dina ngobrol-ngobrol jeung etnik sejen. Biasana maranehna sok ngabelebeb lamun ku kuring ditanya gampang we: Lamun Banten, Jakarta jeung Cirebon lain daerah Sunda, coba terangkeun kunaon aran-aran tempat di Banten atawa di Cirebon, umumna make "Ci", saperti ilaharna di Daerah Priangan. Komo ayeuna, aya bukti yen sabenerna padumuk di Pulo Jawa teh nyebar ti kulon ka wetan. Bukti nu paling kuat, situs Batujaya di RengasDengklok di Karawang. Ceuk cenah, eta situs teh kolot pisan, ti samemeh Masehi (SM) tepi ka abad ka 5-6SM. Pasesaanana kumplit, kaasup kuburan nu masih lengkep jeung tulang-taleng jelemana. Kitu deui Candi nu kapanggih di Cicalengka, nu ceuk para ahli Purbakala jauh leuwih kolot tinimbang candi2 di Jawa tengah jeung Jawa Timur. Jadi, jauh kana ilmiah lamun nyebutkeun Sunda teh anyar. Lain kuring hayang Sunda disebut buhun, da rek buhun atawa anyar oge euweuh pangaruhna keur kuring mah. Ngan ari keur elmu pangaweruh mah ieu gede hartina, sabab ari elmu pangaweruh mah, prinsipna neangan BEBENERAN, leupas tina kapentingan politik, ideologi jeung kakawasaan. Baktos, WALUYA > --- Asep Hadiyana <[EMAIL PROTECTED]> wrote: > Sapuk ka nu didugikeun ku bah Waluya, waktos urang > Eropa dongkap ka pulo Jawa, karajaan Sunda kacatet > ku aranjeunana. Rekaman / catetannana abadi duki ka > ayeuna.