Tanggal 31 Mei teh ditangtukeun jadi poe teu udud
sadunya. Di Indonesia, teu tinggaleun mieling poe eta.
Aya operasi razia gede-gedean ku pulisi pikeun anu
sok udud di tempat-tempat umum.
Hiji jajaka keur ngelepus udud kretek di hiji halteu.
Teu kanyahoan timana jolna, ujug-ujug geus nangtung
pulisi di sagedengeun jajaka.
Pulisi: Jang, nyaho heunteu lamun poe ieu teh, poe
mieling teu udud sadunya?
Jajaka: Punten, teu terang Pa.
Pulisi:Jang nyaho heunteu, udud teh ngabalukarkeun
kasakit jantung?
Jajaka:Kantenan wae atuh. Tapi da kumaha atuh tos
nyandu.
Pulisi:Tibatan dibeuleum, mendingan duit jang udud
teh ditabungkeun. Tah dina sataun teh, duit jang udud
bisa keur meuli motor.
Jajaka:Punten Pa, ari Bapa nyesep?
Pulisi:Heunteu, nya kunaon kitu?
Jajaka teh kalah ka luak-lieuk kaditu-kadieu panonna
mureleng jiga neangan hiji barang, terus mencrong ka
pulisi.
Jajaka:Geuning Bapa teu gaduh motor?
Baktos,
Mrachmatrawyani
____________________________________________________________________________________Ready
for the edge of your seat?
Check out tonight's top picks on Yahoo! TV.
http://tv.yahoo.com/
