kotroversi ngenaan Syeh Siti Jenar dugika danget ayeuna nyisakeun misteri nu
rumit.
sababaraha kaul dina buku-buku sejarah terutami karangan Abdul Munir Mulkan
-pun guru pribados waktos ngelmu di Jogja- medarkeun perdebatan Syeh Siti Jenar.
aya dua permasalahan nu sigana kedah ditempatkeun dina porsi nu jelas, sateu
acan ngobrolkeun Syeh Siti Jenar
1. kontroversi sejarah. dugi ka ayeun teu acan aya bukti atanapi klaim nu
dianggap sahih ngenaan sejarah Syeh Siti Jenar. sababaraha kaol malah
nyebatkeun Syeh Siti Jenar teh mitos nu dimunculkeun kanggo ngalawan asimilasi
islam+jawa nu beuki maceuh. alasana jelas, proses islamisasi di Jawa khususna
teu lepas tina proses bertahap "ngajawakeun islam" VS "ngaislamkeun jawa".
kumpulan wali songo, utamina Sunan Kalijaga aya di patron "ngaislamkeun
jawa", hartosna secara bertahap kepercayaan tradisional (animisme sareng
dinamisme) digentos ku katauhidan. teu aneh pami misalna wayang aya kalimat
"syahdataena".
pihak kadua "ngajawakeun islam" diwakilan ku Syeh Siti Jenar. alasana teu
mungkin proses islamisasi bisa ngalengitkeun kepercayaan tradisional. kumargi
kitu Syeh Siti Jenar gaduh kayakinan kanggo islam versi lokal
kontroversi sejarah ieu tiasa ditempatkeun dina wilayah ieu. kalangan wali
songo nu cakeut sareng kalangan pamarentahan ngarasa kasaingi ku Syekh siti
jenar nu tiasa ngarebut perhatian kalangan jawa tradisional. kumargi kitu
sabaraha kaol malah nyebatkeun yeun Syeh Siti Jenar teh mitos nu sengaja di
munculkeun ku perebutan kekuasaan para wali sareng tokoh politik jawa. semacam
teori kambing hitam sapertos nu dicatur ku Rene Gerard tea
2. soal ajaran
tah ieu nu paling rumit mah. Syeh Siti Jenar dianggap penganjur filsafat
panteisme, wahdatul wujud, manunggaling kawulo gusti, bahkan tasawuf islam
jawa. dimana secara tauhid, kalangan wali songo ngaraos "berbahaya" kanggo
penganut islam nu enggal.
tah pami pribados misalna pribados ditaros ngenaan kontroversi Syeh Siti
Jenar, pribados mah gaduh feeling (he3X) yen Syeh Siti Jenar mung sebatas mitos
politis perebutan pengaruh kewibawaan. bahkan bisa jadi keberadaan Syeh siti
Jenar nyaliri mung tokoh rekaan personifikasi islam jawa vs jawa islam.
bahkan nu nambih lieurna mah kulantaran mitos-mitos keajaiban Syeh Siti Jenar
nu saurna sapertos Al Halaj
mangga diantos tanggapanana heula
baktos
herdis
s4d3w470 <[EMAIL PROTECTED]> wrote:
Karunya pisan atuh nya kang syeh siti jenar teh meni dijejeleh
pisan, nepi ka disaruakeun jeung anjing hideung sedih sim kuring mah
ngadanguna ge.
Tiasa janten kang syeh siti jenar teh urang sunda da waktos ngobrol
na parahu sareng sunan kalijaga ge teu ngangge bahasa india.
Mangga kanu langkung uninga leres teu eta teh sim kuring oge
panasaran yeuh...
hatur nuhun,
s4d3w470
--- In [email protected], kumincir <[EMAIL PROTECTED]> wrote:
>
> Kasus Seh Siti Jenar atawa Seh Lemah Abang aya oge dina pedaran
almarhum
> Mang Ayat anu nyokot sumber salasahiji pustaka naskah2 Pangeran
Wangsakerta.
> Numutkeun eta naskah, Seh Lemah Abang teh karuhunna mah ti tatar
India.
> Uyutna, Seh Kadir Jaelani, ngumbara ka Malaka.
>
> Seh Lemah Abang diajar Islam di Parsi jeung Bagdad ka ajengan2
Si'ah. Ti
> Bagdad, anjeunna laju ngumbara ka pulo Jawa, bumen2 di Amparan
Jati,
> tatanggaan jeung Seh Datuk Kahfi anu mun dijujut pancakakina mah
cenah masih
> kaitung dulur. Ti Amparan Jati, Seh Lemah Abang pindah ka Cirebon
Girang,
> terus ka Pengging, terus balik deui ka Cirebon. Ti saprak 'turun
gunung' ka
> Cirebon Girang, beuki lila muridna beuki nambahan. Malah para
menak ge loba
> nu jadi muridna, di antarana wae aya bupati Pengging jeung Pangeran
> Panjunan.
>
> Anu dianggap sasab ku kalangan Muslim umumna, cenah ajaran
ngeunaan ayana
> insan dina diri Pangeran, kitu oge sabalikna. Lian ti eta, anu
sigana paling
> beurat mah nyaeta ketakna dina widang pulitik anu nitah bupati
Pengging
> baruntak ti Demak. Kitu oge Pangeran Cirebon dititah sangkan
ngarebut
> kakawasaan di Cirebon. Balukarna, bupati Pengging diserang ku
Sunan Kudus
> (senapati Demak) nepi ka palastra. Ti dinya, Sultan Demak (Raden
Patah) laju
> ngincer Seh Lemah Abang di Cirebon. Dibantuan ku pasukan Cirebon,
pasukan ti
> Demak nu dipingpin ku Sunan Kudus bisa newak Seh Lemah Abang.
Anjeunna
> dibawa ka Masjid Agung Sang Ciptarasa, kitu oge murid2na teu
tinggaleun
> marengan guruna.
>
> Di ieu masjid, Seh Lemah Abang ditalek ku Sunan Kalijaga nu
dibarengan ku
> para sunan lianna. Sawala teu anggeus2, antukna jadi paaduregeng
pasea, nepi
> ka cenah kaluar kekecapan ti Seh Lemah Abang anu dianggap kasar
kacida.
> Murid2na anu kabawa napsu narajang ka Sunan Kalijaga & Sunan Giri,
tapi
> kaburu ditewak ku bala kaamanan. Ti dinya terus diputuskeun yen
Seh Lemah
> Abang dihukum pati. Anjeunna dihukum pancung di buruan masjid,
laju layonna
> dikurebkeun di kampung Kemlaten. Anapon murid2na mah dibebaskeun.
>
> Najan tos pupus dihukum pati, Seh Lemah Abang tetep dipikaasih ku
para
> muridnam sahingga kuburanana pada ngadeugdeug. Kaayaan kitu teu
dipikaresep
> ku Sunan Gunung Jati, sahingga lajeng anjeunna kalawan susulumputan
> marentahkeun sangkan eta kuburan dialihkeun ka Amparan Jati,
sedengkeun anu
> di Kemlaten dieusi bangke anjing hideung.
>
> Teu lila ti eta--sigana--para murid Seh Lemah Abang menta ka
Sultan Cirebon
> sangkan diwidian mindahkeun layon guruna ka Pengging (sigana mah
kalolobaan
> muridna urang Pengging). Nalika digali (sanggeus diwidian), eta
para murid
> ngajenghok sabab nu aya kalah bangke anjing. Nyaksian kitu, Sultan
Cirebon
> ngageuing aranjeunna sangkan ukur muja ka Pangeran, ulah muja2
bangke anjing
> (enya da bukti, horeng nu salila ieu dipuja2 teh kuburan anjing,
da layon
> Seh Lemah Abang mah tos dialihkeun).
>
> On 6/27/07, A <[EMAIL PROTECTED]> wrote:
> >
> > Basa abdi meser buku ti Gramedia judulna Mysteri Syekh Siti
Jenar, isi
> > buku
> > eta teh ngajejeleh Kang Siti hehehe... despite of
ngajejelehna... tah aya
> > anu menarik anu ngadamel kapanasaran abdi. Ceunah dina buku eta
aya anu
> > nyarioskeun yen Syekh Siti Jenar teh... aya kamungkinan Urang
Sunda Pakuan
> >
> > Pajajaran anu asup Islam nu nyebarkeun Islam di P. Jawa?
> >
> > Manawi aya anu apal euy... eta Juragan Siti teh timana asalna?
Enya kitu
> > Urang Sunda atawa turunan Sunda? Upami Jaman Siti Jenar anu
sajalan jeung
> > Sajarah Sunda eta Jaman Naon nya?
> >
>
> --
> sikandar
> kumincir.blogspot.com
>
---------------------------------
Fussy? Opinionated? Impossible to please? Perfect. Join Yahoo!'s user panel
and lay it on us.
